Вожвыл дуннеосын: А. Коробейниковлэн но С. Поторочиналэн выль бичетсылы презентация сярысь

6-тӥ оштолэзе «Край удмуртский» клубын, Эгра ёрос литературалы сӥзем нуналъёс улсын ортчиз Алексей Коробейниковлэн но Светлана Поторочиналэн «Музон улон = Потусторонний мир» книгазылы презентация.

Та ӧвӧл ни авторъёслэн нырысьсэ валче ужам ужзы. 2021-тӥ арын Йӧскалык лыдӟиськонниын Анай кыллэсь калыккуспо нуналзэ пусъён улсын ортчиз соослэн «Удм точка ру» нимо кылбур бичетэнызы тодматскон. 2022-тӥ арын потӥз вал Алексей Коробейниковлэн но Светлана Поторочиналэн «Классики» книгазы. Выляз – «Музон улон = Потусторонний мир» – бичетаз, азьвыл кадь ик, пыртэмын Алексей Коробейниковлэн ӟуч кылын гожтэм кылбуръёсыз но Светлана Поторочиналэн удмурт чуръёсыз.      

 

Светлана Юрьевна Поторочина быдтӥз Удмурт кун университетысь удмурт кылосбуръя факультетэз, элькун ивортодэт ёзэтъёсын журналист но редактор, Эгра ёросысь Чутыр культурая юртысь чеберлыкъя кивалтӥсь луыса ужаз. Студент вакытысеныз литературной творчествоен выре. Солэн ужъёсыз ёрос но элькун газет-журналъёсын печатласькизы. Али «Иднакар» волонтёр издательствоын ужа.  

 

«Иднакар» издательстволэн кивалтӥсез Алексей Владимирович Коробейников элькунын тодмо луиз шаертодонъя но историяя ужъёсыныз, вордскем шаерез гажан мылкыд пыӵатӥсь книгаосыныз. Таин валче шӧдтэк шорысь луиз солэн кылбурет удысэ, лирикае кыстӥськемез. Солэн но Светлана Поторочиналэн «Музон улон = Потусторонний мир» бичетэз пӧрмиз бугыр пӧзись мылкыдэз но матысь муртэн кусыпъёсыз  возьматӥсен. Презентация дыръя Алексей Владимирович шараяз, бичетлэн авторъёсыз ог-огзылы синмаськемын.   

 

«Книга гожтэмын эпистолярной жанрен – яратӥсь муртъёслэн ог-огенызы Интернет  пыр кусып воземзы сярысь та история, – пусйиз “Музон улон = Потусторонний мир” книгалы беркыл гожтӥсь  кылосбур тодосъя кандидат Виктор Леонидович Шибанов. – Эпистола, яке кылбурен вазиськон, – со классика луись кылбур каб. Но таӵе жанрен кык кылын гожтэм издание нырысьсэ печатлаське».      

 

Кылбур бичетлэн йӧспӧртэм нимыз пумысен Алексей Владимирович тазьы шуиз: «Светлана гуртын улэ, со дышемын гурт улонлы, нош мон – городысь. Соин, куке мон со доры гуртэ вуисько яке со мон доры, каре лыктэ, котькудмы сюриськомы йӧспӧртэм – «музон» дуннее. Котькудмылэн кылдэмын ини аслыз гинэ тупась дышем сямъёсыз, ас сямен дуннеез валан но сое дунъян амалэз, соин ми ог-огмылы усьтӥськомы дуннеосмес.

 

Классической эпистолаосын кадь ик, кудъёсыз  узыр пуштросо но пӧртэм стилен гожтэмын луо  (философской малпанъёс но сатира, вылӥ стилен  но юлтош карыса кадь гожтэм чуръёс), та книгаысь кылбуръёс яратон сярысь гинэ ӧвӧл: текстъёс Родина, политика, кун улонысь югдуръёс сярысь но адямилэн дунлыкез пумысен малпаськонъёсты возьмато.

 

«Искусствоен вырись мурт – котькыӵе куазен боевой дежурствое потӥсь яке оже мынӥсь солдат выллем, – гожтӥз Светлана Поторочина бичетлэн азькылаз. – Озьы ик милям но – милемлы котьку но лякыт луон сярысь сюлмаськыны кулэ. Кырӟаны, куке лулсэр сӥослэсь но зол кыстӥське. Эктыны, куке лыос висё. Куректонэд вань ке но мыняны. Ми со понна кулэ, ми шоры учкыса, ӝутӥськем мылкыдо кылбурмес лыдӟыса, адямиос утчасалзы но шедьтысалзы шумопотон яратонын но эшъяськонын, сое весяк утьыны тыршысалзы!»

 

Пумиськон дыръя Светлана Поторочина вераз, кылбуръёс аслыз гинэ гожъяз вал. Нош али, кылысь кылэ меӵак берыктэмъёсыз ӧвӧл ке но, кылбуръёсызлэсь ӟуч кылэ берыктэм вариантъёссэ со ужаз кутэ – али кылбурчи нуэ удмурт кылъя курсъёс. «Милям бичетъёс кык кылын гожтэмын бере, туж каньыл ӵошатыны кылъёсты».

 

Бичетлэн авторъёсыз, презентациез витьытэк, книгаез калыке вӧлмытӥллям – кылбур марафон радъяллям: вань мылкыд карисьёсты ӧтиллям бичетысь кельшем кылбуръёсты видое гожтыны. Со видеороликъёс ужрад дыръя возьматэмын вал, нош куд-огез марафонэ пыриськемъёс ӝытын но кылбур шара лыдӟизы. Светланалэн «студентъёсыз» но ӝытэ пыриськизы, бичетысь удмурт кылын кылбуръёсты лыдӟыса.

 

Книга лыдӟисьёс пӧлын Ангелина Ефремовна Решетникова но вал. Со шуиз: «Светлана мыным кузьмаз бичетсэ, мон лобыса кадь сое чалякгес лыдӟыны дорам бертӥ. Вань адямиос, кин уг улы кыӵе ке куронъёсъя гинэ тупатскыса. Светлана сыӵеос пӧлысь – со кылбурчи гинэ ӧвӧл, со трос ужез быдэстэ».

 

Ӝытлэн крезьгур люкетаз Эгра ёросысь Лия но Дмитрий Лекомцевъёс кырӟазы.

 

Ужрадлы йылпумъян лэсьтӥз Йӧскалык библиотекалэн директорезлэн воштӥсез Ирина Владимировна Крашенинникова. Со авторъёслы тау кариз таӵе шуныт пумиськон понна, Нимысьтыз тау карыса пусйиз Алексей Владимировичлэсь Йӧскалык библиотекалэн ужаз пыриськемзэ но шуиз, выль кылбур бичет «Книга года на родине П. И. Чайковского» IV улосвылкуспо фестиваль-конкурсэ пыртэмын.

Опубликовано: 11.04.23. Прочитано 310 раз Последнее изменение 10.01.24

Материалы по теме

<>
23.04.24

Валентин Белых ассэ шедьтӥз историез суреданын

16-тӥ оштолэзе Йӧскалык лыдӟетъюртын Удмуртиысь калык суредась Валентин Белых тодматӥз выль книгаеныз – «Красота уходящая» чеберлыко альбомен. Та книга возьматэ Удмуртиысь городъёслэсь вашкала архитектуразэс – суредъёс но XX даурлэн кутсконысьтыз вуж туспуктэмъёс пыр. Книга понна нимысьтыз очеркъёс гожтӥз шаертодосчи, кылбурчи, Удмуртиысь дано журналист Сергей Жилин.

09.02.24

Ульфат Бадретдиновлэн «Туннэ – ӵуказелэн кутсконэз» романэзлы презентация

29-тӥ толшоре Йӧскалык лыдӟетъюртын Ульфат Бадретдинов журналист но писатель «Туннэ – ӵуказелэн кутсконэз» романэныз тодматӥз. Выль чеберлыко ужез удмурт интеллигенцилы сӥземын. Автор 1910-тӥ аръёсысь азьветлӥсьлэн, Вотской автономиез кылдытӥсьлэн Максим Прокопьевлэн биографиеныз тодматэ, югдытӥсьлэсь нимзэ но данзэ утён сярысь ужпум ӝутэ.

26.01.24

Ульфат Бадретдинов писателен пумиськон ортчоз

29-тӥ толшоре (январе) 17.00 часын Йӧскалык лыдӟетъюртын ортчоз Ульфат Бадретдинов журналистэн но писателен пумиськон. Ужрадын авторлэн «Туннэ – ӵуказелэн кутсконэз» выль романэз (печатламын 2022-тӥ арын) пумысен кенешозы. Ӝытын вераськозы литературатодосчиос, журналистъёс но ваньзы, кин лыдӟиз романэз но произведение пумысен малпанъёссэс вераны мылкыд карисьёс. Озьыен, шумпотыса пумиталом туала удмурт литератураен тунсыкъяськисьёсты. Ӝыт ортчоз удмурт кылын.

24.01.24

Михаил Атамановлэн «Санӥ. Пилемъёс доразы берто...» романэз сярысь вераськон

16-тӥ толшоре Йӧскалык лыдӟетъюртын ортчиз Михаил Атаманов писателен пумиськон. Иеродиакон Михаил Гаврилович Атаманов – Удмурт Элькунлэн но Грак ёрослэн дано муртэз, кылосбур тодосъя доктор, Библиез удмурт кылэ берыктӥсь. Ужрадын солэн «Санӥ. Пилемъёс доразы берто...» выль романэз сярысь вераськизы. Роман печатласькиз «Кенеш» журналын 2023-тӥ арын.

23.12.23

Игринский район передает эстафету литературной столицы Увинскому району

21 декабря в Национальной библиотеке УР прошла программа мероприятий, посвященная закрытию Дней литературы Игринского района в Удмуртии.

22.12.23

Йӧскалык библиотекае Эгра палъёсысь кылбурчиос вуизы

21-тӥ толсуре йылпумъяськизы Эгра ёрос литературалы сӥзем нуналъёс. Та ӝытэ ёросысь вуэм усточиос Йӧскалык библиотекаын пӧртэм ужрадъёсты ортчытӥзы. Литературая кунокуаын Эгра палъёсысь кылбурчиосын «Удмурт кылме но калыкме данъяса» пумиськон радъяськиз.

18.12.23

«Когда бы легко, без забот стихи, словно сны, прилетали...»: к юбилею Татьяны Черновой

15 декабря состоялся творческий вечер Татьяны Черновой – известной удмуртской поэтессы, журналиста, члена Союза писателей и Союза журналистов России, засл. работника культуры УР (1989), лауреата республиканской премии имени Ф. Васильева (1994) и журналистской премии Общества финской культуры имени М. А. Кастрена (2009).

12.12.23

Творческий вечер к юбилею Татьяны Черновой

15 декабря в 16.00 на заседании клуба «Край удмуртский» состоится заключительное мероприятие Национальной библиотеки УР в рамках Дней литературы Игринского района в УР – творческий вечер Татьяны Черновой, приуроченный к ее юбилею.

12.12.23

Татьяна Черновалэн юбилеезлы сӥзем ӝыт

Тодмо удмурт кылбурчи, журналист, Удмурт Элькунысь лулчеберет удысысь дано ужась Татьяна Николаевна Чернова 15-тӥ толсуре 70 арессэ пусъе. Юбилеезлы сӥзем ӝыт ортчоз Ӥӧскалык библиотекалэн «Край удмуртский» клублэн пумиськонэз улсын.

10.12.23

Торжественное закрытие Дней литературы Игринского района в Удмуртии

21 декабря в 15.30 в Национальной библиотеке УР начнутся мероприятия в рамках программы закрытия Дней литературы Игринского района в Удмуртской Республике.

28.11.23

«Мон вераськисько удмурт кылын»: в библиотеке отметили День удмуртского языка

27 ноября прошли мероприятия к Дню удмуртского языка, который Национальная библиотека УР традиционно отмечает начиная с 2018 года.

29.09.23

Стихия творчества – язык: о встрече с Андреем Клементьевым

26 сентября в Национальной библиотеке УР состоялась встреча с поэтом, кандидатом филологических наук Андреем Клементьевым.

17.11.23

Презентация книги С. Поторочиной «Разноцветье = Турлы буёло улонэ»

27 ноября в 17.00, в День удмуртского языка, приглашаем на презентацию сборника «Разноцветье = Турлы буёло улонэ» Светланы Поторочиной.

29.09.23

Андрей Клементьевен пумиськон: «Мон уг жаляськы быръем удысэ пумысен»

26-тӥ куарусёнэ Йӧскалык лыдӟетъюртын Эгра ёрос литературалэн нуналъёсыз улсын кылбурчиен но дышетӥсен Андрей Клементьевен пумиськон ортчиз. Ужрадын со мадиз аслаз творческой биографиез сярысь, кылбуръёссэ лыдӟиз но соослэсь кылдон историзэс вераз.

21.09.23

Творческая встреча с поэтом Андреем Клементьевым

26 сентября в 17.00, в рамках проекта Национальной библиотеке УР «Дни литературы Игринского района в Удмуртии», состоится творческая встреча с поэтом Андреем Клементьевым.

28.06.23

«Огшоры дано кунмурт»: Евгений Шумиловен кылдытос пумиськон

20-тӥ инвожое Йӧскалык лыдӟетъюртын Евгений Федорович Шумиловен пумиськон ортчиз, Ужрад сӥземын вал 80 арес тырмонэзлы но «Родная Удмуртия: города и люди. Живая история из шумиловской шкатулки» выль книгаеныз тодматонлы.

09.06.23

Е. Ф. Шумиловлэн «Вордскем шаере Удмуртия: городъёс но адямиос» книгаезлы презентация

20-тӥ инвожое 17.30 часэ Е. Ф. Шумиловен – историкен, искусствоведэн, Йӧскалык лыдӟетъюртлэн дано лыдӟисеныз пумиськон ортчоз. Ужрад сӥземын тодосчилэн 80 арес тырмонэзлы.

18.05.23

IV Литературной фестивальлэн лыдӟиськоннияз – выль книгалы презентация

23 куартолэзе 18.00 часэ Йӧскалык лыдӟетъюртын «Чайковскийлэн дор палъёсаз» IV Литературной фестивальлэн программаез улсын «Современный удмуртский рассказ» антологилы презентация ортчоз. Отчы пыртэмын удмурт кылысь ӟуч кылэ берыктэм веросъёс.

04.05.23

«Арлэн книгаез Чайковскийлэн дор палъёсаз» вожвылъяськонысь книгаосын виртуальной адӟытон

Куартолэзь пумын Йӧскалык лыдӟетъюртын ортчоз Литературной фестивальлэн программаез улсын «Арлэн книгаез Чайковскийлэн дор палъёсаз» IV Улосвылкуспо фестиваль-конкурслы йылпумъян но вормисьёсты пусъён. 2023-тӥ арысен библиотекалэн вотэсбамысьтыз виртуальной адӟытонын вожвылъяськонэ пыриськем котькудӥныз книгаен тодматскыны луоз.

24.04.23

«Пичи принц» – бесерман кылын

18-тӥ оштолэзе Йӧскалык библиотекаын Антуан де Сент-Экзюперилэсь «Пичи принц» выжыкыл-мадёссэ бесерман кылэ берыктэмлы сӥзем ужрад ортчиз.

13.04.23

Ашальчи Окилэн 125 ар тырмонэзлы: «Оштолэзь – сайкан вакыт» книга адӟытон

Оштолэзь пумозь Йӧскалык но шаертодон литературая но бибиографияя центрлэн лыдӟиськон залаз ужалоз «Оштолэзь – сайкан вакыт: Ашальчи Окилэн вордскемез дырысен 125 ар тырмонэзлы» книга адӟытон.

07.04.23

На перекрестье миров: о презентации нового сборника А. Коробейникова и С. Поторочиной

6 апреля в клубе «Край удмуртский», в рамках Дней литературы Игринского района в УР, состоялась презентация книги Алексея Коробейникова и Светланы Поторочиной «Музон улон = Потусторонний мир».

05.04.23

С. Поторочиналэн но А. Коробейниковлэн «Музон улон = Потусторонний мир» кылбур бичетэнызы тодматскон ӝыт

6-тӥ оштолэзе 18.00 часын «Край удмуртский» клублэн пумиськоназ Эгра ёрос литературалы сӥзем нуналъёс улсын ортчоз С. Поторочиналэн но А. Коробейниковлэн «Музон улон = Потусторонний мир» (Ижевск, 2023) кылбур бичетэнызы тодматскон ӝыт.

03.04.23

Презентация сборника стихов С. Поторочиной и А. Коробейникова «Музон улон = Потусторонний мир»

6 апреля в 18.00 – в рамках клуба «Край удмуртский» и цикла мероприятий к Дням литературы Игринского райна в УР – состоится презентация стихотворного сборника С. Поторочиной и А. Коробейникова «Музон улон = Потусторонний мир» (Ижевск, 2023).

30.03.23

Лулпуш дуннелэн кужымез: Ада Диевалэн творчествоезлы сӥзем ӝыт

22-тӥ мартэ «Край удмуртский» клубын удмурт кылбурчилэн, журналистлэн но кылысь кылэ берыктӥсьлэн Ада Заитовна Диевалэн творчествоезлы сӥзем ӝыт ортчиз.

20.03.23

Единый день литературы Игринского района в Удмуртии

21 марта состоится торжественное открытие Дней литературы Игринского района в Удмуртской Республике, которые проходят в течение 2023 г. в рамках проекта Национальной библиотеки УР «Дни литературы муниципальных образований УР».

16.12.22

Завьяловский район передает эстафету литературной столицы Игринскому району

15 декабря состоялась торжественная церемония закрытия Дней литературы Завьяловского района в Удмуртской Республике. В течение 2022 г. район-юбиляр (отметивший свое 85‑летие) был литературной столицей республики в рамках проекта Национальной библиотеки УР «Дни литературы муниципальных образований УР».