Ульфат Бадретдинов писателен пумиськон ортчоз

29-тӥ толшоре (январе) 17.00 часын Йӧскалык лыдӟетъюртын ортчоз Ульфат Бадретдинов журналистэн но писателен пумиськон. Ужрадын авторлэн «Туннэ – ӵуказелэн кутсконэз» выль романэз (печатламын 2022-тӥ арын) пумысен кенешозы. Ӝытын вераськозы литературатодосчиос, журналистъёс но ваньзы, кин лыдӟиз романэз но произведение пумысен малпанъёссэс вераны мылкыд карисьёс. Озьыен, шумпотыса пумиталом туала удмурт литератураен тунсыкъяськисьёсты. Ӝыт ортчоз удмурт кылын.

Ужрад сӥземын Йӧскалык лыдӟетъюртысь» «Край удмуртский» клублэн ужаны кутскемез дырыcен 40 ар тырмонлы. Нырысетӥез клублэн пумиськонэз ортчиз 1984-тӥ арын 26-тӥ толшоре. Со сӥземын вал удмурт кылбурчилы но азьветлӥсьлы, Вотской автономной областез кылдытӥсьлы Максим Прокопьевич Прокопьевлы (1884–1919).

«Туннэ – ӵуказелэн кутсконэз» романын оглом удмурт интеллигенцилэн улон сюресэз возьматэмын. Автор тодматэ 1910-тӥ аръёсысь удмурт азьветлӥсьлэн Максим Прокопьевлэн биографиеныз. Максим Прокопьев ожын быре, нош аслаз Нырья гурт калыкез солы йыркуръяське. Малы озьы луиз? М. Прокопьевлэн кулэмез бере та учырлэсь азинскемзэ романын автор возьматэ.

Туала камсьӧр удмуртъёсыз син азе пуктон понна, автор возьматэ Светлана Куноева нылкышно-кылбурчилэсь историзэ –– пичи дырысеныз кутскыса быдэ вуытозяз. Роман туж тунсыко – Удмуртилэсь палэнын улӥсь удмуртъёслэн улон-вылонэнызы тодматэ.

Пыронэз дунтэк. Пумиськон удмурт кылын ортчоз.
Вань мылкыд карисьёсты ӧтиськом.

Опубликовано: 26.01.24. Прочитано 391 раз Последнее изменение 29.01.24

Материалы по теме

Выль книгаен тодматскон

27.03.25

«Зарни италмас» но «Шуныт тӧл» антологиослы презентация

25-тӥ южтолэзе Йӧскалык лыдӟетъюртын удмурт поэзиен но прозаен антологиослы презентация ортчиз. Книгаос печатламын «Удмуртия» книгапоттониен Удмурт Элькунысь кылъёсты утёнъя, дышетонъя но азинтонъя программа улсын.

24.03.25

«Дунневыл меӵкытонъёс» огинысь ёзчиос кылбуръёсын бичетэнызы тодматӥзы

20-тӥ южтолэзе Йӧскалык библиотекаын выль удмурт книгалы презентация ортчиз: «Дунневыл меӵкытонъёс» вк-огинысь ёзчиос поттӥзы «Шыпыртӥсь чуръёс» нимо кылбуръёсын бичетсэс. Книгае пыремын 18 авторлэн 70 кылбурез. Творческой коллективез ӟечкыланы вуизы тодосчиос, журналистъёс, писательёс, студентъёс, мер удысын ужасьёс.

10.07.24

Мария Никоновалэн «Улон – питыран, сюлэм – пияла» книгаезлы презентация луоз

6-тӥ гудырикошконэ (августэ) 13.00 часын Йӧскалык библиотекаын Мария Никоновалэн «Улон – питыран, сюлэм – пияла…»: одӥг удмурт кышномуртлэн дауръем улон сюресэз» книгаеныз тодматскон ортчоз. Та бичетэз люказ но печатланы дасяз гуртоез, тодмо кырӟась но фольклорист Николай Анисимов.

23.04.24

Валентин Белых ассэ шедьтӥз историез суреданын

16-тӥ оштолэзе Йӧскалык лыдӟетъюртын Удмуртиысь калык суредась Валентин Белых тодматӥз выль книгаеныз – «Красота уходящая» чеберлыко альбомен. Та книга возьматэ Удмуртиысь городъёслэсь вашкала архитектуразэс – суредъёс но XX даурлэн кутсконысьтыз вуж туспуктэмъёс пыр. Книга понна нимысьтыз очеркъёс гожтӥз шаертодосчи, кылбурчи, Удмуртиысь дано журналист Сергей Жилин.

09.02.24

Ульфат Бадретдиновлэн «Туннэ – ӵуказелэн кутсконэз» романэзлы презентация

29-тӥ толшоре Йӧскалык лыдӟетъюртын Ульфат Бадретдинов журналист но писатель «Туннэ – ӵуказелэн кутсконэз» романэныз тодматӥз. Выль чеберлыко ужез удмурт интеллигенцилы сӥземын. Автор 1910-тӥ аръёсысь азьветлӥсьлэн, Вотской автономиез кылдытӥсьлэн Максим Прокопьевлэн биографиеныз тодматэ, югдытӥсьлэсь нимзэ но данзэ утён сярысь ужпум ӝутэ.

24.01.24

Михаил Атамановлэн «Санӥ. Пилемъёс доразы берто...» романэз сярысь вераськон

16-тӥ толшоре Йӧскалык лыдӟетъюртын ортчиз Михаил Атаманов писателен пумиськон. Иеродиакон Михаил Гаврилович Атаманов – Удмурт Элькунлэн но Грак ёрослэн дано муртэз, кылосбур тодосъя доктор, Библиез удмурт кылэ берыктӥсь. Ужрадын солэн «Санӥ. Пилемъёс доразы берто...» выль романэз сярысь вераськизы. Роман печатласькиз «Кенеш» журналын 2023-тӥ арын.

22.12.23

Йӧскалык библиотекае Эгра палъёсысь кылбурчиос вуизы

21-тӥ толсуре йылпумъяськизы Эгра ёрос литературалы сӥзем нуналъёс. Та ӝытэ ёросысь вуэм усточиос Йӧскалык библиотекаын пӧртэм ужрадъёсты ортчытӥзы. Литературая кунокуаын Эгра палъёсысь кылбурчиосын «Удмурт кылме но калыкме данъяса» пумиськон радъяськиз.

12.12.23

Татьяна Черновалэн юбилеезлы сӥзем ӝыт

Тодмо удмурт кылбурчи, журналист, Удмурт Элькунысь лулчеберет удысысь дано ужась Татьяна Николаевна Чернова 15-тӥ толсуре 70 арессэ пусъе. Юбилеезлы сӥзем ӝыт ортчоз Ӥӧскалык библиотекалэн «Край удмуртский» клублэн пумиськонэз улсын.

28.06.23

«Огшоры дано кунмурт»: Евгений Шумиловен кылдытос пумиськон

20-тӥ инвожое Йӧскалык лыдӟетъюртын Евгений Федорович Шумиловен пумиськон ортчиз, Ужрад сӥземын вал 80 арес тырмонэзлы но «Родная Удмуртия: города и люди. Живая история из шумиловской шкатулки» выль книгаеныз тодматонлы.

09.06.23

Е. Ф. Шумиловлэн «Вордскем шаере Удмуртия: городъёс но адямиос» книгаезлы презентация

20-тӥ инвожое 17.30 часэ Е. Ф. Шумиловен – историкен, искусствоведэн, Йӧскалык лыдӟетъюртлэн дано лыдӟисеныз пумиськон ортчоз. Ужрад сӥземын тодосчилэн 80 арес тырмонэзлы.

18.05.23

IV Литературной фестивальлэн лыдӟиськоннияз – выль книгалы презентация

23 куартолэзе 18.00 часэ Йӧскалык лыдӟетъюртын «Чайковскийлэн дор палъёсаз» IV Литературной фестивальлэн программаез улсын «Современный удмуртский рассказ» антологилы презентация ортчоз. Отчы пыртэмын удмурт кылысь ӟуч кылэ берыктэм веросъёс.

04.05.23

«Арлэн книгаез Чайковскийлэн дор палъёсаз» вожвылъяськонысь книгаосын виртуальной адӟытон

Куартолэзь пумын Йӧскалык лыдӟетъюртын ортчоз Литературной фестивальлэн программаез улсын «Арлэн книгаез Чайковскийлэн дор палъёсаз» IV Улосвылкуспо фестиваль-конкурслы йылпумъян но вормисьёсты пусъён. 2023-тӥ арысен библиотекалэн вотэсбамысьтыз виртуальной адӟытонын вожвылъяськонэ пыриськем котькудӥныз книгаен тодматскыны луоз.

24.04.23