С. Поторочиналэн но А. Коробейниковлэн «Музон улон = Потусторонний мир» кылбур бичетэнызы тодматскон ӝыт

6-тӥ оштолэзе 18.00 часын «Край удмуртский» клублэн пумиськоназ Эгра ёрос литературалы сӥзем нуналъёс улсын ортчоз С. Поторочиналэн но А. Коробейниковлэн «Музон улон = Потусторонний мир» (Ижевск, 2023) кылбур бичетэнызы тодматскон ӝыт.

Та бичет – авторъёслэн валче ужзы. Берпуметӥезлы огъя книгазылы, «Удм точка ру» ӟуч но удмурт кылын кылбур бичетлы, презентация радъямын вал 2021-тӥ арын. Ужрад сӥземын вал Анай кыллэн калыккуспо нуналэзлы.

 

 

  • Светлана Юрьевна Поторочина – «Иднакар» волонтёр книгапотонниысь ужась. Удмурт кун университетысь журналистикая факультетэз быдэстӥз, элькун ивортодэт ёзэтъёсын журналист но редактор луыса ужаз. Та дырозь Эгра ёросысь Чутыр черкогуртысь Светлана Поторочина лулчеберетъя юртлэн чеберлыкъя кивалтӥсез вал. Студент дырысеныз литературной творчествоен выре. Удмурт кылын гожъя. Ужъёсыз ёрос но элькун газет-журналъёсын потӥзы.
  • Алексей Владимирович Коробейников – историк, мер улонэз нуись-валтӥсь, писатель, «Иднакар» книгапотоннилэн кивалтӥсез, Удмурт Элькунысь дано журналист, Эрик Батуев нимо йӧскалык премилэн лауреатэз.

 

Презентацие пыриськозы литературоведъёс, кылосбур тодосъя кандидатъёс В. Л. Шибанов но А. Г. Шкляев, кырӟась, крезьгур гожъясь, Удмуртиысь калык артистка Надежда Уткина, Эгра каргуртысь кырӟась семья – Лия но Дмитрий Лекомцевъёс.

 

Пумиськон ортчоз библиотекалэн конференц-залаз.
Ӧтиськом вань мылкыд карисьёсты.
Пыронэз дунтэк.

Опубликовано: 05.04.23. Прочитано 284 раз Последнее изменение 12.04.23

Материалы по теме

<>
23.04.24

Валентин Белых ассэ шедьтӥз историез суреданын

16-тӥ оштолэзе Йӧскалык лыдӟетъюртын Удмуртиысь калык суредась Валентин Белых тодматӥз выль книгаеныз – «Красота уходящая» чеберлыко альбомен. Та книга возьматэ Удмуртиысь городъёслэсь вашкала архитектуразэс – суредъёс но XX даурлэн кутсконысьтыз вуж туспуктэмъёс пыр. Книга понна нимысьтыз очеркъёс гожтӥз шаертодосчи, кылбурчи, Удмуртиысь дано журналист Сергей Жилин.

09.02.24

Ульфат Бадретдиновлэн «Туннэ – ӵуказелэн кутсконэз» романэзлы презентация

29-тӥ толшоре Йӧскалык лыдӟетъюртын Ульфат Бадретдинов журналист но писатель «Туннэ – ӵуказелэн кутсконэз» романэныз тодматӥз. Выль чеберлыко ужез удмурт интеллигенцилы сӥземын. Автор 1910-тӥ аръёсысь азьветлӥсьлэн, Вотской автономиез кылдытӥсьлэн Максим Прокопьевлэн биографиеныз тодматэ, югдытӥсьлэсь нимзэ но данзэ утён сярысь ужпум ӝутэ.

26.01.24

Ульфат Бадретдинов писателен пумиськон ортчоз

29-тӥ толшоре (январе) 17.00 часын Йӧскалык лыдӟетъюртын ортчоз Ульфат Бадретдинов журналистэн но писателен пумиськон. Ужрадын авторлэн «Туннэ – ӵуказелэн кутсконэз» выль романэз (печатламын 2022-тӥ арын) пумысен кенешозы. Ӝытын вераськозы литературатодосчиос, журналистъёс но ваньзы, кин лыдӟиз романэз но произведение пумысен малпанъёссэс вераны мылкыд карисьёс. Озьыен, шумпотыса пумиталом туала удмурт литератураен тунсыкъяськисьёсты. Ӝыт ортчоз удмурт кылын.

24.01.24

Михаил Атамановлэн «Санӥ. Пилемъёс доразы берто...» романэз сярысь вераськон

16-тӥ толшоре Йӧскалык лыдӟетъюртын ортчиз Михаил Атаманов писателен пумиськон. Иеродиакон Михаил Гаврилович Атаманов – Удмурт Элькунлэн но Грак ёрослэн дано муртэз, кылосбур тодосъя доктор, Библиез удмурт кылэ берыктӥсь. Ужрадын солэн «Санӥ. Пилемъёс доразы берто...» выль романэз сярысь вераськизы. Роман печатласькиз «Кенеш» журналын 2023-тӥ арын.

22.12.23

Йӧскалык библиотекае Эгра палъёсысь кылбурчиос вуизы

21-тӥ толсуре йылпумъяськизы Эгра ёрос литературалы сӥзем нуналъёс. Та ӝытэ ёросысь вуэм усточиос Йӧскалык библиотекаын пӧртэм ужрадъёсты ортчытӥзы. Литературая кунокуаын Эгра палъёсысь кылбурчиосын «Удмурт кылме но калыкме данъяса» пумиськон радъяськиз.

12.12.23

Татьяна Черновалэн юбилеезлы сӥзем ӝыт

Тодмо удмурт кылбурчи, журналист, Удмурт Элькунысь лулчеберет удысысь дано ужась Татьяна Николаевна Чернова 15-тӥ толсуре 70 арессэ пусъе. Юбилеезлы сӥзем ӝыт ортчоз Ӥӧскалык библиотекалэн «Край удмуртский» клублэн пумиськонэз улсын.

29.09.23

Андрей Клементьевен пумиськон: «Мон уг жаляськы быръем удысэ пумысен»

26-тӥ куарусёнэ Йӧскалык лыдӟетъюртын Эгра ёрос литературалэн нуналъёсыз улсын кылбурчиен но дышетӥсен Андрей Клементьевен пумиськон ортчиз. Ужрадын со мадиз аслаз творческой биографиез сярысь, кылбуръёссэ лыдӟиз но соослэсь кылдон историзэс вераз.

28.06.23

«Огшоры дано кунмурт»: Евгений Шумиловен кылдытос пумиськон

20-тӥ инвожое Йӧскалык лыдӟетъюртын Евгений Федорович Шумиловен пумиськон ортчиз, Ужрад сӥземын вал 80 арес тырмонэзлы но «Родная Удмуртия: города и люди. Живая история из шумиловской шкатулки» выль книгаеныз тодматонлы.

09.06.23

Е. Ф. Шумиловлэн «Вордскем шаере Удмуртия: городъёс но адямиос» книгаезлы презентация

20-тӥ инвожое 17.30 часэ Е. Ф. Шумиловен – историкен, искусствоведэн, Йӧскалык лыдӟетъюртлэн дано лыдӟисеныз пумиськон ортчоз. Ужрад сӥземын тодосчилэн 80 арес тырмонэзлы.

18.05.23

IV Литературной фестивальлэн лыдӟиськоннияз – выль книгалы презентация

23 куартолэзе 18.00 часэ Йӧскалык лыдӟетъюртын «Чайковскийлэн дор палъёсаз» IV Литературной фестивальлэн программаез улсын «Современный удмуртский рассказ» антологилы презентация ортчоз. Отчы пыртэмын удмурт кылысь ӟуч кылэ берыктэм веросъёс.

04.05.23

«Арлэн книгаез Чайковскийлэн дор палъёсаз» вожвылъяськонысь книгаосын виртуальной адӟытон

Куартолэзь пумын Йӧскалык лыдӟетъюртын ортчоз Литературной фестивальлэн программаез улсын «Арлэн книгаез Чайковскийлэн дор палъёсаз» IV Улосвылкуспо фестиваль-конкурслы йылпумъян но вормисьёсты пусъён. 2023-тӥ арысен библиотекалэн вотэсбамысьтыз виртуальной адӟытонын вожвылъяськонэ пыриськем котькудӥныз книгаен тодматскыны луоз.

24.04.23

«Пичи принц» – бесерман кылын

18-тӥ оштолэзе Йӧскалык библиотекаын Антуан де Сент-Экзюперилэсь «Пичи принц» выжыкыл-мадёссэ бесерман кылэ берыктэмлы сӥзем ужрад ортчиз.

13.04.23

Ашальчи Окилэн 125 ар тырмонэзлы: «Оштолэзь – сайкан вакыт» книга адӟытон

Оштолэзь пумозь Йӧскалык но шаертодон литературая но бибиографияя центрлэн лыдӟиськон залаз ужалоз «Оштолэзь – сайкан вакыт: Ашальчи Окилэн вордскемез дырысен 125 ар тырмонэзлы» книга адӟытон.

11.04.23

Вожвыл дуннеосын: А. Коробейниковлэн но С. Поторочиналэн выль бичетсылы презентация сярысь

6-тӥ оштолэзе «Край удмуртский» клубын, Эгра ёрос литературалы сӥзем нуналъёс улсын ортчиз Алексей Коробейниковлэн но Светлана Поторочиналэн «Музон улон = Потусторонний мир» книгазылы презентация.

30.03.23

Лулпуш дуннелэн кужымез: Ада Диевалэн творчествоезлы сӥзем ӝыт

22-тӥ мартэ «Край удмуртский» клубын удмурт кылбурчилэн, журналистлэн но кылысь кылэ берыктӥсьлэн Ада Заитовна Диевалэн творчествоезлы сӥзем ӝыт ортчиз.