Мария Никоновалэн «Улон – питыран, сюлэм – пияла» книгалы презентация луоз

6-тӥ гудырикошконэ (августэ) 13.00 часын Йӧскалык библиотекаын Мария Никоновалэн «Улон – питыран, сюлэм – пияла…»: одӥг удмурт кышномуртлэн дауръем улон сюресэз» книгаеныз тодматскон ортчоз. Та бичетэз люказ но печатланы дасяз гуртоез, тодмо кырӟась но фольклорист Николай Анисимов.

Книгае пыртэмын удмурт кылын Мария Никоновалэн 30 ар ӵоже гожъям дневникез (яке «нуналъянэз», кызьы гожтэ авторез). Тодосчилэн Николай Анисимовлэн тыршеменыз та паймымон дневник дуннеез адӟиз.

Мария Никоновалы 4 арес дыръя, анай-атайзэ кулак шуыса юртысьтызы потто но вордӥськем Нӧднюк гуртысьтызы улляло. Ӝоген пичи ныллэн анаез, секыт улонэз чидатэк, кулэ. 6 аресъем Маня сирота кыле. Солы чидано луиз сютэм улонэз, «кулак ныл» шуыса мыскыллянэз. Быдӟым Атыкай тыложын 2 агаез быриз, ачиз уен-нуналэн колхозын ужаз. Быдэ вуыса, Мария Можга педучилищеез йылпумъяз но 30 ар ӵоже Выль Тӥгырмен гуртысь школаын дышетӥз. Нош пенсие потыса, Мария Павловна кутскиз нуналъян гожъяны. Дневниклы удмурт ним сётэ – нуналъян.

Татын вань аслаз сюжетэз но: Мария Павловна 5 аресъем нунычказэ (внучказэ) жаляса, кышномурт мозмонзэ кисьтон понна дневник гожъяны кутске. Пичи ныл семьяеныз табере песяезлэн юртысьтыз кошке, со доре куное гинэ ветлэ на. Собере аслаз но быдэ вуэм 5 нылпиосыз анай-атай юртысь кошкиллям. Соин Мария Никонова ӵем гожъя соосты витён но келян сярысь.

Мар сое ӵабыштэ вал, сое ик пусъе Мария Никонова. Адямилэсь лек кылын вӧсь каремзэс вератэк уг кельты. Но со вакытэ ик гожтэ адямиос борды кыстӥськемзэ. Мария Павловна туж яратэ бӧлякеныз Выль арез пумитаны, клубысь бал-маскарадэ пыриське, одно ик кыӵе ке костюм малпаса-вурыса. Куно карон но родняез доры куное ветлон сярысь гожтэ. Уйвӧтъёссэ малпа, аламалы-а, ӟечлы-а озьы вӧтаз шуыса…

Мае гинэ уг гожты Мария Павловна – со ваньмыз сюлэмлы матын но валамон. М. П. Никоноваез ниманы луоз гуртысь философен. Кибашлы – туж тросаз туспуктэмъёсын со пуксем чебер удмурт дэремъёсын. Корказэ чеберто ас киыныз куэм коверъёс но выжлёгетъёс. Мария Павловна кырӟаны но усточи. Та книгаын нотаос борды QR-код пуктэмын, соя нылкышнолэсь кырӟамзэ кылзыны луоз.

Пумиськонэ вуоз дневниклэн авторез Мария Павловна Никонова. Книгаен тодматоз фольклорист, тодосчи Николай Анисимов. Озьы ик выль книгаен ӟечкылалозы, со сярысь мылкыдзэс вералозы ӧтем куноос, тодосчиос но журналистъёс.

Вань мылкыд карисьёсты ӧтиськом.

Пыронэз дунтэк.

Ужрад кутске 13.00 часын.

Опубликовано: 10.07.24. Прочитано 27 раз Последнее изменение 15.07.24

Материалы по теме

Выль книгаен тодматскон

23.04.24

Валентин Белых ассэ шедьтӥз историез суреданын

16-тӥ оштолэзе Йӧскалык лыдӟетъюртын Удмуртиысь калык суредась Валентин Белых тодматӥз выль книгаеныз – «Красота уходящая» чеберлыко альбомен. Та книга возьматэ Удмуртиысь городъёслэсь вашкала архитектуразэс – суредъёс но XX даурлэн кутсконысьтыз вуж туспуктэмъёс пыр. Книга понна нимысьтыз очеркъёс гожтӥз шаертодосчи, кылбурчи, Удмуртиысь дано журналист Сергей Жилин.

09.02.24

Ульфат Бадретдиновлэн «Туннэ – ӵуказелэн кутсконэз» романэзлы презентация

29-тӥ толшоре Йӧскалык лыдӟетъюртын Ульфат Бадретдинов журналист но писатель «Туннэ – ӵуказелэн кутсконэз» романэныз тодматӥз. Выль чеберлыко ужез удмурт интеллигенцилы сӥземын. Автор 1910-тӥ аръёсысь азьветлӥсьлэн, Вотской автономиез кылдытӥсьлэн Максим Прокопьевлэн биографиеныз тодматэ, югдытӥсьлэсь нимзэ но данзэ утён сярысь ужпум ӝутэ.

26.01.24

Ульфат Бадретдинов писателен пумиськон ортчоз

29-тӥ толшоре (январе) 17.00 часын Йӧскалык лыдӟетъюртын ортчоз Ульфат Бадретдинов журналистэн но писателен пумиськон. Ужрадын авторлэн «Туннэ – ӵуказелэн кутсконэз» выль романэз (печатламын 2022-тӥ арын) пумысен кенешозы. Ӝытын вераськозы литературатодосчиос, журналистъёс но ваньзы, кин лыдӟиз романэз но произведение пумысен малпанъёссэс вераны мылкыд карисьёс. Озьыен, шумпотыса пумиталом туала удмурт литератураен тунсыкъяськисьёсты. Ӝыт ортчоз удмурт кылын.

24.01.24

Михаил Атамановлэн «Санӥ. Пилемъёс доразы берто...» романэз сярысь вераськон

16-тӥ толшоре Йӧскалык лыдӟетъюртын ортчиз Михаил Атаманов писателен пумиськон. Иеродиакон Михаил Гаврилович Атаманов – Удмурт Элькунлэн но Грак ёрослэн дано муртэз, кылосбур тодосъя доктор, Библиез удмурт кылэ берыктӥсь. Ужрадын солэн «Санӥ. Пилемъёс доразы берто...» выль романэз сярысь вераськизы. Роман печатласькиз «Кенеш» журналын 2023-тӥ арын.

22.12.23

Йӧскалык библиотекае Эгра палъёсысь кылбурчиос вуизы

21-тӥ толсуре йылпумъяськизы Эгра ёрос литературалы сӥзем нуналъёс. Та ӝытэ ёросысь вуэм усточиос Йӧскалык библиотекаын пӧртэм ужрадъёсты ортчытӥзы. Литературая кунокуаын Эгра палъёсысь кылбурчиосын «Удмурт кылме но калыкме данъяса» пумиськон радъяськиз.

12.12.23

Татьяна Черновалэн юбилеезлы сӥзем ӝыт

Тодмо удмурт кылбурчи, журналист, Удмурт Элькунысь лулчеберет удысысь дано ужась Татьяна Николаевна Чернова 15-тӥ толсуре 70 арессэ пусъе. Юбилеезлы сӥзем ӝыт ортчоз Ӥӧскалык библиотекалэн «Край удмуртский» клублэн пумиськонэз улсын.

28.06.23

«Огшоры дано кунмурт»: Евгений Шумиловен кылдытос пумиськон

20-тӥ инвожое Йӧскалык лыдӟетъюртын Евгений Федорович Шумиловен пумиськон ортчиз, Ужрад сӥземын вал 80 арес тырмонэзлы но «Родная Удмуртия: города и люди. Живая история из шумиловской шкатулки» выль книгаеныз тодматонлы.

09.06.23

Е. Ф. Шумиловлэн «Вордскем шаере Удмуртия: городъёс но адямиос» книгаезлы презентация

20-тӥ инвожое 17.30 часэ Е. Ф. Шумиловен – историкен, искусствоведэн, Йӧскалык лыдӟетъюртлэн дано лыдӟисеныз пумиськон ортчоз. Ужрад сӥземын тодосчилэн 80 арес тырмонэзлы.

18.05.23

IV Литературной фестивальлэн лыдӟиськоннияз – выль книгалы презентация

23 куартолэзе 18.00 часэ Йӧскалык лыдӟетъюртын «Чайковскийлэн дор палъёсаз» IV Литературной фестивальлэн программаез улсын «Современный удмуртский рассказ» антологилы презентация ортчоз. Отчы пыртэмын удмурт кылысь ӟуч кылэ берыктэм веросъёс.

04.05.23

«Арлэн книгаез Чайковскийлэн дор палъёсаз» вожвылъяськонысь книгаосын виртуальной адӟытон

Куартолэзь пумын Йӧскалык лыдӟетъюртын ортчоз Литературной фестивальлэн программаез улсын «Арлэн книгаез Чайковскийлэн дор палъёсаз» IV Улосвылкуспо фестиваль-конкурслы йылпумъян но вормисьёсты пусъён. 2023-тӥ арысен библиотекалэн вотэсбамысьтыз виртуальной адӟытонын вожвылъяськонэ пыриськем котькудӥныз книгаен тодматскыны луоз.

24.04.23