Ӵошатсконэ пырыны быгато покчи пиналъёс, школаысь дышетскисьёс, школаысь коллективъёс, огазеяськонъёслэн, кружокъёслэн, студиослэн, нылпи творчествоя центръёслэн но мукет нылпиосын ужась организациослэн ёзчиоссы. Тужгес но ӟеч ужъёс конкурсэ пыриськисьёс пӧлын пусъемын луозы таӵе арлыдъем категориосъя: 6–8 арес; 8–10 арес; 10–12 арес. Пиналъёсын ӵош конкурсэ анай-атайёссы но пыриськыны быгатозы.
«Мама, это шноркели!» книга сярысь
- Маня нимо пичи ныл сярысь серекъятӥсь но мылкыдэз ӝутӥсь мадёс. Со одӥг толэзьлы эмъяськонние сюрем. Зэмзэ вераса, мӧзмыса кема бӧрдымтэ, малы ке шуоно суредъёсын альбомысь тур-пар вырыса шноркельёс потӥзы, нылашез исаны но серекъятыны кутскизы. Таӵе бускельёсын мылыд потытэк но ӟечезлы оскыны дышод! Кинъёс со шноркельёс? Соослэн куинь синзы. Оло, кык но. Яке вить. Но быжзы вань. Киоссы но. Ымзы уг ворсаськы. Кыӵеен соосыз суредалоды, сыӵе ик луозы соос! Чалякгес книгаез усьтэ, лыдӟе но суредалэ асьтэлэсь шноркельёстэс.
Конкурсэ ыстэм ужъёс дунъяськозы таӵе куронъёсъя:
- ӝикыт но тыршыса суредамын;
- конкурсэ пыриськись пиналлэн ужез солэн арлыдэзлы тупа;
- аспӧртэм малпан быдэстэмын;
- чеберлыкез но буёлъёсыз валаса суредамын;
- конкурслэн темаез пыр-поч возьматэмын;
- уж йылысен пумозяз быдэстэмын.
Конкурсэ пыриськон понна ыстоно заявка (учке заявкалэсь кабзэ – Ватсэтысь но конкурс сярысь Положениысь) но суредлэсь скан-копизэ яке туспуктэмзэ (JPG/PDF форматэн, разрешение 300 dpi -лэсь ӧжыт медаз лу) электрон почтае: nadya-alekseenko@bk.ru – «Конкурсэ» пусйыса.
Лауратъёслы дипломъёс келямын луозы электрон амалэн конкурсэ пыриськисьлэн электрон почтаяз.
