Ольга Ивановна Зорина гожъяське Ольга Рассветова кушем ним басьтыса. Со пыремын Удмуртиысь писательёслэн союзазы, Можга карысь «Инвис» литературной клублэн ёзчиез луэ.
Ӝытэ пыриськиз Ольга Рассветовалэн семьяез. Нылпиосыз юртто анайзылы калыкез творчествоеныз тодматыны. Кенэз Анна ужа Можгалась Николай Байтеряков нимо библиотекаын. Анайзыезлэсь гожъямъёссэ со самиздат амалэн пичиесь бичетъёсын поттылэ. Юрий пиез но Елисей нунокез книгаосызлы иллюстрациос суредало. Анналэн верамезъя, «Сказки-подсказки», «Иван-царевич и серый волк» пичи книгаосты умой басьяло анай-атайёс. Ольга Рассветовалэсь троссэ кылбуръёссэ ужрадэ лыктэм куноос шара лыдӟизы. Озьы выль бичетлэн пуштросэныз тодматскыны луиз.
Ольга Рассветова трос кылбура вордскем шаерез яратон сярысь. «Любань» поэмаяз возьматэ Быдӟым Атыкай тылож бервылъёсты эскерись поисковой отрядъёсты. Пумитъяське нылкышноослэн вордӥськымтэ нунызэс куштоно кариськемзылы, Совето Союзлэсь флагзэ но гербзэ данъя, гуртъёслэн бушамзы пумысен куректэ. Ачиз сярысь Ольга Рассветова вера: со Родиналэн патриотэз.
О. Зориналэн удмурт выжыез Сьӧлталась. Улосчиезлэсь, Николай Байтеряковлэсь кылбуръёссэ ӟуч кылэ берыктӥз. Автор текстъёсаз удмурт кылъёс но пыртэ. Тунсыкъяське лимерик жанрен кылбур кылдытонэн. Трос книгаослэн авторзы. Али ужъёсыныз выль книга дася.
