13.00, 14.00 но 18.00 часэ дунтэк экскурсие ӧтиськомы. Экскурсие лыктэмъёс тодозы библиотекалэн историысьтыз тунсыко фактъёс, тодматскозы книгаосын фондэн, лыдӟиськон залъёстӥ но лыдӟетюртлэсь улонзэ валтӥсь мукет бӧлетъёстӥ ортчозы, озьы ик эскерозы службаослэсь но отделъёслэсь ужамзэс, учкозы книгаосын но суредъёсын адӟытонъёсты. Библиотекалэн тужгес но чебересь сэрегъёсаз лыктэм куноос туспуксьыны быгатозы.
Лыктон азьын одно ик гожтӥськоно:
13.30 часын лыдӟетъюрт вӧзысь садын «ПриСКВЕРные чтения» проект улсын нырысетӥ пумиськон ортчоз. Арнялы быдэ та пумиськонъёсын библиотекаысь ӧнерчиос Россиысь но кунгожсьӧрысь туала гожъясьчиослэсь книгаоссэс шара лыдӟозы. (Ми ивортом на, ку радъяськозы вуоно арняосы шара лыдӟонъёс,– вотэсбаммес эскере.)
Быдэс нунал куноос понна ужалоз «Библиотекалэн историысьтыз» адӟытон-инсталляция. Отын возьматэмын луозы пӧртэм аръёсысь туспуктэмъёс, ужкагазъёс но артефактъёс (коркапушкез чеберъясь арбериос, лыдӟисьёслэн билетъёссы но трос мукет экспонатъёс), озьы ик библиотекалэн 1918-тӥ арын кылдытэм нырысетӥ фондаз пырем книгаос (али вакытэ лыдӟетъюртмылэн шер пумиськылӥсь но дуно ужкагазъёсын ёзэтаз утисько нимаз коллекциен).
Вань мылкыд карисьёсыз ӧтиськом.
Пыронэз дунтэк.
6+ аресысен пыриськыны луэ.
