А. С. Пушкин – удмурт кылэ тужгес но ӵем берыктэм автор луэ. Григорий Верещагин этнограф но югдытӥсь XIX даурын «Сказка о рыбаке и рыбке» поэмаез берыктӥз «Зарни чорыг» нимын. XX даурын ӟуч кылбурчиез удмурт кылын чузъяськытӥзы Максим Прокопьев, Михаил Петров, Андрей Бутолин, Игнатий Гаврилов, Гай Сабитов литераторъёсмы.
2007-тӥ–2009-тӥ аръёсы А. С. Пушкинлэн тросэз кылбуръёсыз но поэмаосысьтыз люкетъёс берыктэмын вал «Ӟуч классика – удмурт кылын» проект улсын. Солы уксё висъяз Николай Витрук – меценат, кун ужчи, Конституционной Судысь судья. Та проектлы луыса, Пушкинэз берыктӥзы Вениамин Ившин, Сергей Матвеев кылбурчиос. 2009-тӥ арын Роза Ивановна Яшина тодмо лингвист, литературатодосчи, кылысь кылэ берыктӥсь нимаз книгаен печатлаз «Евгений Онегин» кылбурен романэз.
2009-тӥ арын Йӧскалык библиотекаысь ӧнерчиос дасязы «Художественные переводы на удмуртский язык» указатель, кудаз пыртэмын вал 5591 документ. Пӧлазы – А. С. Пушкинлэн удмурт кылэ берыктэм произведениосыз, пусъемын переводчикез но.
Дэмласьком тодматскыны нимаз книгаен потэм куд-ог берыктэмъёсын. Соосты лыдӟыны быгатоды Йӧскалык электрон библиотекаысь, ӵолскетэ ӟӥбыса.
- Поп но визьтэм : выжыкыл / А. С. Пушкин ; берыктӥз Макс. Прокопьев. – Казань : Казан. Вот. культ.-просвет. подотд., 1919 (Третья государственная типография). – 16 с.
- Станционной смотритель : повесть / А. С. Пушкин ; берыктӥз И. Г. Гаврилов ; [кылкутӥсь редактор В. И. Будин], 1937. – 28 с.
- Чорыгась но чорыг сярысь : сказка / А. С. Пушкин; [берыктӥз И. Г. Гаврилов ; кылкутӥсь редактор В. Е. Данилов ; суредаз А. Рогозин ], 1939. – 16 с.
- Капитан ныл : повесть / А. С. Пушкин; [берыктӥз П. Н. Усков ; редактор М. П. Петров].– Ижевск : Удмуртгосиздат, 1937.– 115 с.
- Капитанской ныл : повесть / А. С. Пушкин [берыктӥз П. Н. Усков ; кылкутӥсь редактор И. Т. Дядюков]. – Ижевск : Удмуртгосиздат, 1939.– 113 с.
- Повестьёс / А. С. Пушкин; [берыктэмлэн редакторъёсыз А. Н. Клабуков но П. М. Чайников]. – Ижевск : Удмуртгосиздат, 1949.– 175 с.
- Бахчисарай фонтан : поэма / А. С. Пушкин; [берыктӥз Г. Сабитов]. – Ижевск : Удмуртгосиздат, 1950. – 31 с.
- Борис Годунов : драма / А. С. Пушкин; берыктӥз И. Г. Гаврилов. – Ижевск : Удмуртской книжной издательство, 1954. – 69 с.
- Руслан но Людмила : поэма / А. С. Пушкин; [берыктӥз И. Г. Гаврилов]. – Ижевск : Удмуртское книжное издательство, 1954. – 92 с.
- Полтава : поэма / А. С. Пушкин; [берыктӥз И. Г. Гаврилов]. – Ижевск : Удмуртской книжной издательство, 1960. – 54 с.
- Избранные произведения : стихотворения, отрывки из поэм / А. С. Пушкин. – Ижевск, 2007. – 254 с. – На рус. и удм. яз.
- Евгений Онегин : кылбуранэн роман / А. С. Пушкин; берыктӥз Р. И. Яшина ; [азькыл гожтӥз А. С. Измайлова-Зуева]. – Ижевск : Удмуртский университет, 2009. – 253 с.
