Свежая пресса Версия для слабовидящих

«Globus» нимо кылтодон клуб: «Мӧзмыттэм Вьетнам»

«Globus» нимо кылтодон клуб: «Мӧзмыттэм Вьетнам»

27-тӥ южтолэзе 16.00 часын «Globus» нимо кылтодон клуб вань мылкыд карисьёсты ӧте дуннеез котыръяны яратӥсь Анна Баженоваен пумиськонэ. Матэктӥсь пукетлэн темаез – «Мӧзмыттэм Вьетнам» («Нескучный Вьетнам»). 

Стереотипъёсты лыдэ басьтоно ке, мар тодэ Вьетнам сярысь огшоры улосчимы? Куанер кун, кудаз адямиос улонзылэсь бадӟым люкетсэ пыдесозязы вуын ортчыто рисэн бусыос вылын, нош валтӥсь дӥськутсы соослэн – «вьетнамки» нимаськись пыдкутчан но куролэсь конус выллем шляпаос. Арлыдоосызгес кӧшкемыт Вьетнам ожез тодазы ваёзы, кудӥз ог кызь ар ӵоже кыстӥськиз. Со ож бере отын синпелетъёс но ӧз кыле ни, дыр, кудъёсыз архитектура ласянь тунсыко луысалзы на. Ог кылын вераса, кылдэ таӵе малпан: та кун интыяськемын тропикъёсын, кытын ӝыны аръёсын зоре но учкыны но номырзэ.

 

Озьы ик меда со? Кулэ-а Вьетнамез ас синмыныд адӟыны? Та сярысь пукетэ пыриськисьёслы вералоз англи кылъя дышетсь но йогая инструктор Анна Баженова, кудӥз улонзэ адӟе дуннеез котыръянын.

 

Пумиськиськом Удмурт урам, 264-тӥ юрт адресъя.

 

Пыронэз эрико, азьвыл ик регистрациез ортчоно.

 

Арлыдэн герӟаськем возет: 12+.

 

Клубе лыктэмъёслэн сьӧразы одно ик кулэ луыны черлэсь утиськон маскаоссы.

Похожие материалы (по тегу)

16.04.21

«Globus» нимо кылтодон клуб ӧте: «В Багдаде всё спокойно?»

17-тӥ оштолэзе 16.00 часын Йӧскалык лыдӟиськонниын (Удмурт урам, 264 юрт) «Globus» нимо кылтодон клублэн пукетаз Багдадэ вуылэмез сярысь вералоз лыдӟиськоннилэн ӧнерчиез Елена Кутасова.

10.03.21

«Globus» нимо кылтодон клублэн «Английский для путешествий» циклысьтыз занятие

13-тӥ южтолэзе 16.00 часын «Globus» нимо кылтодон клуб (Удмурт урам, 264 юрт) англи кылзэс волятыны мылкыд карисьёсты ӧте.

28.01.21

«Globus» нимо клуб: С. Чигвинцев путешественникен пумиськон

30-тӥ толшоре 16.00 часын «Globus» нимо кылтодон клубын (Удмурт урам, 264 юрт) Индияе виртуальной путешествие ортчоз.

14.12.20

В клубе «Globus» состоялась встреча с путешественницей Еленой Носковой

12 декабря на заседании лингвистического клуба «Globus» состоялась встреча с приглашенным гостем – путешественницей Еленой Носковой, которая поделилась историей о том, как она в одиночку прошла El Camino de Santiago – Путь Святого Иакова.

21.10.19

Лингвистический клуб «Globus»: встреча из цикла «Путешествуем по миру»

19 октября в лингвистическом клубе «Globus» прошла встреча из цикла «Путешествуем по миру» –  «Школьное образование в Сингапуре. Взгляд изнутри».