18
Художественно-публицистической издание (составителез – «Удмуртия» издательстволэн валтӥсь редакторез, элькунысьтымы дано журналист Г. Грязев) удмурт автономилэсь кылдэмезлэсь валтӥсь этапъёссэ возьматӥсь исторической документъёс пыремын, выступлениос, публицистической статьяос, тодэ ваёнъёс, озьы ик гожтэтъёс, кылбуръёс, прозаической произведениос тодмо удмурт адямиослэн, кудъёсыз шаермылэн кунлык кылдон вакытаз трос тыршизы, соослэн соратникъёссылэн, туала тодосчиослэн статьяоссы – исторической тодосъёсъя докторлэн К. И. Куликовлэн, исторической тодосъёсъя докторлэн Н. П. Павловалэн, исторической тодосъёсъя докторлэн К. А. Пономаревлэн.
Изданилэн тиражез – 2 сюрс экземпляр. Матысь дыре книга элькунысьтымы вань муниципал лыдӟиськонниосы вуоз.
Ужрадын «Даур пыр поттэм визькыл» нимо Йӧскалык лыдӟиськоннилэн фондысьтыз книга адӟытон ужаз. Отын возьматэмын вал «Удмурт калыклы гожтэт» книгае пырем авторъёслэн тужгес но валтӥсь ужъёссы.
Пыронэз эрико вал, азьвыл ик регистрациез ортчыса.