Свежая пресса Версия для слабовидящих

Live: Йӧскалык лыдӟиськонни

Live: Йӧскалык лыдӟиськонни

Йӧскалык лыдӟиськонниын ортчись ужрадэ – гожъяськисьёсын пумиськонъёс, книгаослэн презентациоссы, лекциос – кыӵе ке мугъя вуыны ке ӧд быгатэ, «ВКонтакте» огинысь трансляциос юрттозы отчы пыриськыны тӥледлы тупась вакытэ.

19-тӥ тулыспалэ ортчем книга презентацие лыктэмъёс ваньзы соглаш луо – пумиськон туж тунсыко вал. Москваысь гид-переводчикъёслэн, экскурсоводъёслэн но турменеджеръёслэн Ассоциацизылэн ёзчиезлэн Любовь Исенколэн «Гид нараспашку» нимо книгаеныз тодматскон видеоконференция амалэн ортчиз. Книгалэн авторез (та солэн нырысетӥ литературной ужез, кудӥзлы вылӥ дунъет сёто ӵош ужан эшъёсыз) ужезлэн аспӧртэмлыкъёсыз сярысь вераз, кык вероссэ лыдӟиз.

 

Isenko vid

 

 

24-тӥ тулыспалэ «Книжная среда» нимо литературной гостинойын Святослав Макка (та Святослав Соколовлэн кушем нимыз, азьланяз кылбурчи малпа сое фамилия карыны) кылбурчиен пумиськон ортчиз. Кык ар талэсь азьло Марат Багаутдиновен но Егор Завгородниен ӵош Святослав Ижысь кылбурчиослэсь командазэс возьматӥз но баттлын Ижкарлы «Поэтическая столица Урала и Поволжья» ним утӥз. Кылбурчилы верлибръёс сюлмаз матынгес луо, яратэ соос пӧлы туала реалийъёсты пыртыны, эшшо театрен, режиссураен, дизайнэн тунсыкъяське, крезьгуро группаын шудэ (оло, соин солэн котькуд кылбурез мини-пьесалы кельше). Кылбурчиен матэгес тодматскыны луэ соин пумиськонэз записьын учкыса.

 

Sok vid

 

 

Кыкетӥез лекция «Писатели – юбиляры года» циклысь ортчиз 26-тӥ тулыспалэ. Лекторийлэн нуисьёсыз – кылосбур тодосъёсъя кандидат Александр Лаврентьев но Вячеслав Малых –немец тодосчилэн, фольклористлэн, выжыкыл люкасьлэн Вильгельм Гриммлэн (туэ солэн вордӥськем нуналэз дырысен 235 ар тырме) но тунсыко ӟуч писательлэн Николай Семенович Лесковлэн («Левша»-лэн «атаезлы» 2021-тӥ арын 190 ар тырме) улон но творческой сюресъёсысьтызы герӟетъёс шедьтӥллям. Ӵектӥськом лекцилэсь записьсэ но оскиськом, со бурдъятоз мургес но пыр-почгес тодматскыны та кык авторъёслэн пӧртэм культураосын но вакытъёсын кылдытэм ужъёсынызы.

 

Lekt vid