Версия для слабовидящих

«Из истории национальной печати Удмуртской Республики» нимо потон-ветлон книга адӟытон

«Из истории национальной печати Удмуртской Республики» нимо потон-ветлон книга адӟытон

4-тӥ тулыспалэ 11.00 часын Кун Кенешын сӥё-дано ужрадын, кудӥз сӥземын Удмурт Элькунлэн Йӧскалык печатезлэн нуналэзлы, Йӧскалык лыдӟиськоннилэн фондысьтыз «Из истории национальной печати Удмуртской Республики» нимо адӟытон радъямын луоз.

Йӧскалык печатьлэн нуналыз 2021 арын шаерамы официально нырысьсэ пусйиськоз («О праздничных днях и памятных датах Удмуртской Республики» катэ тупатонъёс 24.11.2020 арын Кун Кенешлэн пукетэзлэн 29-тӥ сессияз пыртэмын вал). Праздниклэн лыдпусэз – 4-тӥ тулыспал – ӵапак та нуналэ 1915-тӥ арын потӥз нырысетӥ удмурт газет — «Войнаысь ивор».

 

Туннэ удмурт кылын пото элькун газет «Удмурт дунне» («Герд», «Дарт», «Берекет», «Ингож» ватсэтъёсыз) но нылпиослы «Ӟечбур», ньыль элькун журналъёс – «Кенеш», «Инвожо», «Вордскем кыл», «Кизили» (1998–2011 аръёсы потӥз «Ашальчи» журнал), «Иднакар» ёроскуспо газет но тямыс ёрос газетъёслэн ватсэтъёссы, бигер кылын потэ «Янарыш» газет.

 

Адӟытонэ пыртэмын изданиос но публикациос, кудъёсыз сӥземын йӧскалык периодической печатьлэн огъя историезлы, азьланьтӥськон сюресэзлы, озьы ик чакламын нимаз изданиослэн сюрессы:

  • Миронов А. Рабселькорлы юрттэт. Ижкар : Гудыри, 1929;
  • Волков М. И. Удмурт печать. Ижкар : Удгиз, 1932;
  • Емельянов Л. П. Печать Удмуртии. Из истории возникновения и развития партийно-советской печати Удмуртии (1905–1934 гг.). Ижевск : Удмуртия, 1964;
  • Зайцева Т. Журналы и развитие художественной литературы // Зайцева Т. Современная удмуртская проза (1980–2000 гг.). Ижевск, 2006;
  • Христолюбова Л. С. Удмуртская диаспора в отражении удмуртской прессы в конце XX в. // Диаспоры Урало-Поволжья : материалы межрегион. науч.-практ. конф. Ижевск, 2005;
  • Старкова Г. И. История молодежной периодической печати Удмуртии (1905–1929 гг.). Ижевск : Удмуртский университет, 2012;
  • Старкова Г. И. Детская, подростковая, юношеская и молодежная пресса Удмуртии : от истоков до дня сегодняшнего : библиограф. указатель (1904–2016). Ижевск : Удмуртский университет, 2017 и др.

 

UD

Одӥгез нырысетӥез йӧскалык периодической издание – «Удмурт дунне» газет. 2015 арын – газетлэн сю ар тырмоназ – удмурт лулчеберетэз, сям-йылолъёсты утемзы но азинтэмзы понна, калыкъёс куспын эшъяськон мылкыд юнматэмзы понна «Удмурт дунне» коллективлы Кузебай Герд нимо йӧскалык премия сётэмын. Газетлэн историез сярысь, нимъёсызлэн вошъяськемзы сярысь, валтӥсь редакторъёсыз, корреспондентъёсыз но штатсьӧр авторъёсыз сярысь лыдӟыны луэ «Тыныд витьтон арес. “Советской Удмуртилы” – 50 ар» (Ижевск : Удмуртия, 1968) но «“Гудыри”. “Удмурт коммуна”. “Советской Удмуртия”» (Ижевск : Удмуртия, 1988) бичетъёсысь, «Удмурт дунне» (Ижевск : Удмуртия, 2015) энциклопедической справочникысь, кудӥз дасямын газетлэн 100 ар тырмонэзлы. «Удмурт дунне» элькунмылэн общественно-политической но лулчеберет улонэз сярысь ивортэ, пусъе экономика, гурт возёс, дышетон, мер но йӧскалык политика удысъёсын герӟаськем юанъёсты, издательской ужез радъя (адӟытонын редакцилэн поттэм книгаосыз пуктэмын луозы: Галина Савина «Кышет», Елена Сараматова «Лудӵӧж», Лия Малых «Ӟечбур, выжыкыл!», «Ингож. Сборник произведений молодых авторов» но мукетъёсыз).

 

Kenesh1926 арысен потӥсь литературно-художественной но общественно-политической «Кенеш» журналэз удмурт авторъёслэн «кебитсы» шуо. Та журналлэн бамъёсаз вань удмурт классикъёслэн, озьы ик куке но кутскись, нош туннэ нуналлы элькунамы тодмо луись гожъяськисьёслэн произведениоссы печатласькизы. Журналлэн 60 ар тырмонэзлы «“Молотлы” – 60» (Ижевск : Удмуртия, 1986) антология поттэмын вал, кудаз пыремын чеберлыко произведениос, биографической но мемуарной статьяос. Журналлы сӥземын А. Г. Шкляевлэн «“Кенеш” – школа удмуртской литературной классики» (Вестник Удмуртского ун-та. 2005. Вып. 1) публикациез, «“Кенешлы” – 80» (Кенеш. 2006. № 1) редакционной статья но мукет материалъёс. Адӟытонысь чакланы луоз, кызьы вошъяськиз журналлэн вылбам тусыз.

 

2020 арын «Инвожо» но «Вордскем кыл» журналъёс пусйизы 30 арзэс.

 

Invozho«Инвожо» журнал кылдӥз литература удыслэн но оглом кун улонмылэн секытэсь 1990-тӥ аръёсаз. Нырысетӥ номераз ик тодмо гожъяськисьёслэн ужъёссы сяна, пумиськыло вал егит кылбурчиослэн, прозаикъёслэн, суредасьёслэн нимъёссы, Удмуртиысь тодмо адямиос сярысь тунсыко статьяос (кылсярысь, Любимова С. «Инвожо» – лазоревый цветок удмуртской молодежи // На переломе эпох. Союзу писателей Удмуртии 70 лет (1934–2000). Ижевск : Удмуртия, 2006). Редакция бордын ужа издательство, кудӥз шаерамы улӥсь авторъёслэсь ужъёссэс, озьы ик мукет кылысь берыктэм книгаосты потта.

 

VK«Вордскем кыл» журналлы сӥземын С. Л. Скопкаревалэн «Роль научно-методического журнала “Вордскем кыл” в моделировании инновационного образовательного пространства Удмуртской Республики» (Вордскем кыл 2010. № 11–12) статьяез. Адӟытонысь шедьтыны луоз редакциен дасям книгаосты: «Выж ми доры, выжыкыл!» (2017); «Ӧтиськом литературной лыдӟиськонъя уроке» (2019); «Эшъяськон бордын кужыммы = В дружбе наша сила (об ансамбле удмуртской песни “Тюрагай” (“Жаворонок”))» (2015) но мукет. 

 

JBКылем арын 90 ар тырмонзэ пусйиз нылпиослы «Ӟечбур» (1930–1991 гг. – «Дась лу!» ) газет. Та газетлэн но улонэз учыръёсын узыр. Адӟытонын «“Ӟечбур”, “Дась лу!”. 1930–1990» (Ижевск : Удмуртия, 1990) бичетэн луоз тодматскыны, кудаз пыртэмын издание сярысь обзорной статьяос, газетлэн юнкоръёсызлэн ужъёссы.

 

Kizily1986 арысен элькунамы потыны кутскиз удмурт кылын нылпиослы сӥзем «Кизили» журнал. Солэн улонэзлы но историезлы сӥземын Г. И. Старковалэн «Становление детской периодической печати в Удмуртии (Седьмая научно-практическая конференция преподавателей и сотрудников УдГУ, посвященная 245-летию города Ижевска : материалы конф. Ижевск, 2005. Ч. 1) статьяез но У. Ш. Бадретдиновлэн «Звездочка надежды» (На переломе эпох. Союзу писателей Удмуртии 70 лет (1934–2000). Ижевск : Удмуртия, 2006) нимо статьяез.

 

Janarysh1990 арысен Ижын потэ бигер кылын «Янарыш» («Обновление») нимо газет, нош 2012 арысен – ватсэтэз – нылпиослы «Алтын йомгак» («Золотой клубок») нимо журнал. Газетлэн азинскемез сярысь – Р. Батталовлэн «“Янарыш” – пространство созидания» (Луч. 2006 № 3-4) статьяез, улосвылкуспо научно-практической конференцилэн материалъёсыныз бичет «Отображение этнокультурной жизни татар в информационном пространстве Удмуртии» – «Под парусом единым» (Ижау : Янарыш, 2016). (Бигер лулчеберетэз утён сярысь но «Янарыш» газетлэн сое азинтонын ролез пумысь учкыны луоз газетлэн валтӥсь редакторезлэн Р. И. Габбасовалэн интервьюысьтыз).