58
Фестиваль – со тодослэн праздникез, кытын котькудӥз быгатоз выль тодон-валанъёс басьтыны, тодосчиосын пумиськыны, аслэсьтыз тодослыко азинсконъёссэ возьматыны, дырзэ пайдаё но шулдыр ортчытыны. Ӧтиськом тодосэн тунсыкъяськисьёсты пыриськыны фестивальлэн пӧртэм ужрадъёсаз:
презентациос но книга адӟытонъёс
- Историяя, кылъя но литературая удмурт институтлэн выль поттэтъёсызлэн презентациез (монографиос, бичетъёс, дышетскыны юрттэтъёс);
- Йӧскалык лыдӟиськоннилэн фондысьтыз «Слава отечественной науки: нобелевские лауреаты» нимо книга адӟытон;
- адӟисьтэм но ляб адӟись лыдӟиськисьёсын ужась улосвыл центрлэн фондысьтыз «Личность. Мысль. Наука» нимо книга адӟытон (сукыр тодосчиос, гожъяськисьёс но дышетӥсьёс сярысь книгаос но рельефной юрттэтъёс);
шара лекциос
- «Названия жилых комплексов города Ижевска (лингвистический анализ)» (лектор – кылосбур тодосъя кандидат, кылъя но литературая Институтлэн (УдГУ) романской кылосбуръя, кыкетӥ кунгож кылъя но лингводидактикая кафедраысьтыз доцент Диана Игоревна Медведева – вералоз, мар вылэ пыкиськыса нимало Ижысь туала улон комплексъёсты, кыӵе соослэн шормалпанъёссы);
- «Золотое сечение в искусстве» (лулчеберет но устолык исторической кылёслэсь (наследилэсь) объектъёссэ сэрттон-пертчон);
егит тодосчиослэн II Элькун тодослыко слэмзы (элькунысьтымы вылӥ дышетсконниосысь но тодослыко институтъёсысь егит тодосчиос валамон, лэчыт визьмо, шулдыр вералозы асьсэлэн эскеронъёссы сярысь);
студентъёслы «Биб-квиз» нимо интелллектуальной шудон (таиз командаен шудон, соин дасяськытэк но шудыны луэ. Пыриськисьёслы тодоно луоз фотомадиськонъёсты, «книжный крокодил» шудон пыр потоно луоз но мукетъёсыз. Вормисе потоз соиз команда, кудӥз Интернет вотэсысь, книгаосысь, энциклопедиосысь умойгес но оскымонгес информация шедьтыны быгатэ);
семинаръёс-практикумъёс, тренингъёс но консультациос
- «Сетевые удаленные ресурсы и базы данных Национальной библиотеки УР» нимо семинар-практикум;
- «Знакомство с подписными ресурсами – ЭБС “Znanium.com” и образовательным порталом “Юрайт”» нимо семинар-практикум;
- «Президентская библиотека им. Б. Н. Ельцина: возможности портала и удаленного электронного читального зала» нимо семинар-практикум;
- Йӧскалык лыдӟиськоннилэн каталогъёсызъя но база данныхъёсызъя «Профи-рейд» нимо блиц-тренинг;
- «Внешние лицензионные информационные ресурсы Национальной библиотеки УР: особенности доступа и поиска» нимо блиц-тренинг;
- «Знать, где брать: интернет-источники научной информации» нимо блиц-тренинг;
- магистрантъёс, аспирантъёс, егит тодосчиос понна Йӧскалык лыдӟиськоннилэн тодослыко абонементэзлэн ужамез сярысь нимысьтыз консультациос.
Блиц-тренингъёсы азьвыл ик гожтӥськон, тодослыко слэме пыриськисьёс сярысь информация но мукет иворъёсты учкелэ фестивальлэн огинысьтыз «ВKонтакте».