Версия для слабовидящих

«Национальный корпус удмуртского языка» – выль информационно-справочной сӧзнэт

«Национальный корпус удмуртского языка» – выль информационно-справочной сӧзнэт

Элькунмылэн кунлык басьтэмез дырысен 100 ар тырмонэзлы сӥзем ужрадъёсты дасян улсын «Национальный корпус удмуртского языка» нимо проект улонэ вӧлмытэмын вал. Радъясьёсыз луо Историяя, кылъя но литературая удмурт институт (УИИЯЛ), Йӧскалык политикая министерство, Йӧскалык лыдӟиськонни но ООО «Нооматика».

УИИЯЛ но Йӧскалык лыдӟиськонни трос аръёс ӵоже ни удмурт тодослыкез но лулчеберетэз азинтон бордын тыршо. Берпуметӥез валче радъям ужрад – кык томен «Русско-удмуртский словарь»-лэн презентациез, озьы ик УИИЯЛ-ысь ӧнерчиосын шаермылэн юбилеезлы дасямын вал.

 

Йӧскалык электрон лыдӟиськонни кылдытон – валче ужамлэн одӥгез ӧрез. Институт лыдӟиськоннилы луонлык сётэ ӧнерчиосызлэсь гожтэм книгаоссэ оцифровать карыны. Йӧскалык лыдӟиськонни институтлэн фондысьтыз газетъёсты утён вылысь архивной номеръёссэ оцифровать каре.

 

Кема аръёс ӵоже валче ужамлэн емышез луиз УИИЯЛ-ысь ӧнерчиосын кылдытэм «Национальный корпус удмуртского языка» – информационно-справочной сӧзнэт, кудӥз люка удмурт текстъёсты электрон вариантэн. Проектлэн сайтаз кык люкет: корпус но кыллюкам. Корпусэ пыремын удмурт кылын книгаосысь но периодика поттэтъёсысь люкетъёссы. Куд-огез соос пӧлысь луэ Йӧскалык электрон лыдӟиськоннилэн «Удмуртская книга» коллекциысьтыз.

 

Кыллюкаме пыртэмын удмурт-ӟуч (2008) но ӟуч-удмурт (2019) кыллюкамъёслэн электрон версизы. Кылысь кылэ берыктон сяна татын луэ на удмурт кылъёслэсь чузъяськемзэс кылӟиськыны. «Гипертекстовой» берыктонэз но уже кутыны луонлык вань. Курсорез пуктоно удмурт текстысь кыл вылэ, солэн улаз ӟуч кылэ берыктэмез потоз.

 

Та ресурс кылдытэмын удмурт кылэн тунсыкъяськисьёс понна: ӧнерлыко кылчиослы, кылэз дышетӥсьёслы, дышетскисьёслы, студентъёслы но ас кожаз кылэз эскерисьёслы.

Похожие материалы (по тегу)

25.04.16

Заседание Межведомственной комиссии по созданию и использованию ресурсов НЭБ УР

22 апреля в Министерстве культуры и туризма УР, под председательством зам. министра культуры и туризма УР Петра Павловича Данилова, прошло заседание Межведомственной комиссии по созданию и использованию ресурсов Национальной электронной библиотеки Удмуртской Республики.

10.12.13

Предоставление доступа к оцифрованным изданиям, хранящимся в библиотеках, в том числе к фонду редких книг

В рамках данной услуги предоставляется доступ к коллекциям Национальной электронной библиотеки НБ УР. Библиотека включает полные тексты документов национального и краеведческого фонда (книги, периодические издания) на русском и удмуртском языках.