Удмурт кылын вераськонъя «Кубо» клуб: удмурт пӧранни сярысь вераськом

Удмурт калык – куно карыны яратӥсь калык. Удмуртъёс куноосты вӧйын-нянен, табанен зыретэн, пӧсь перепечен но ческыт юонъёсын пумитало. Берло дыре йӧскалык сиён-юонэн тунсыкъяськон элькунамы будӥз. Со сярысь ик верало Удмуртиын радъяськись пӧртэм гастрономической фестивальёс: «Всемирный день пельменя», «Пест-fest», «Губи-fest», финн-угор пӧранния «Быг-быг» фестиваль но мукетъёсыз. 

Клублэн пумиськоназ вераськон мыноз удмурт пӧранни но солэн аспӧртэмлыкъёсыз сярысь, пумиськонэ лыктэмъёслэн яратоно сиёнъёссы но рецептъёссы сярысь. Кыӵе тӥляд яратоно удмурт сиёнды? Быгатӥськоды-а тӥ сое пӧраны? Маин куно кариськоды эшъёстэс? Кыӵе йӧскалык сиёнэз берло дыре нырысьсэ веръяды? Та юанъёслы валэктон утчан куспын пукетэ пыриськисьёс трос выль кылъёс тодозы но соосты вераськоназы уже кутыны дышетскозы. 

Пыронэз эрико, азьвыл ик регистрациез ортчоно.

Клубе лыктэмъёслэн сьӧразы одно ик кулэ луыны черлэсь утиськон маскаоссы.