Версия для слабовидящих

Иворъёс

9-тӥ тулыспалэ 18.00 часын  Йӧскалык лыдӟиськонниын (Удмурт урам, 264 юрт) «Учкиськом, дышетскиськом, шутэтскиськом…» темая удмурт кылын вераськонъя «Кубо» клубын пумиськон ортчоз.

10-тӥ тулыспалэ 18.00 часын (Удмурт урам, 264 юрт) Йӧскалык лыдӟиськонниын Тодослы сӥзем фестивальлэн программаезъя «Названия жилых комплексов города Ижевска (лингвистический анализ)» нимо Диана Медведевалэн лекциез ортчоз.

8-тӥ тулыспалэ 16.00 часын (Пушкинской урам, 200 юрт), Росси тодос нуналэ, Йӧскалык лыдӟиськонниын тодослы сӥзем фестивалез мытон ужрадын Историяя, кылъя но литературая удмурт институтлэн выль поттэтъёсызлэн презентациез ортчоз.

4-тӥ тулыспалэ 11.00 часын Кун Кенешын сӥё-дано ужрадын, кудӥз сӥземын Удмурт Элькунлэн Йӧскалык печатезлэн нуналэзлы, Йӧскалык лыдӟиськоннилэн фондысьтыз «Из истории национальной печати Удмуртской Республики» нимо адӟытон радъямын луоз.

8–14 тулыспалэ, Удмурт федерал тодослыко центрлэн юрттэменыз, Йӧскалык лыдӟиськонниын арлы быдэ радъяськись Тодослы сӥзем фестиваль ортчоз. Со сӥземын Росси тодос нуналлы. 2021 арын фестиваль ортчытӥське Тодослы но технологиослы сӥзем ар улсын.

30-тӥ толшоре 16.00 часын «Globus» нимо кылтодон клубын (Удмурт урам, 264 юрт) Индияе виртуальной путешествие ортчоз.

Элькунмылэн кунлык басьтэмез дырысен 100 ар тырмонэзлы сӥзем ужрадъёсты дасян улсын «Национальный корпус удмуртского языка» нимо проект улонэ вӧлмытэмын вал. Радъясьёсыз луо Историяя, кылъя но литературая удмурт институт (УИИЯЛ), Йӧскалык политикая министерство, Йӧскалык лыдӟиськонни но ООО «Нооматика».

30-тӥ южтолэзёзь «Книга года на родине П. И. Чайковского» нимо II Улосвылкуспо фестиваль-конкурсэ куронъёсты но конкурсной изданиосты кутон ортче.  Ӵошатскон ортче книгапоттонниос, полиграфической организациос куспын, озьы ик пыриськыны быгато мерлыко огазеяськонъёс, ужъюртъёс, книгаослэн авторъёссы но мукетъёсыз, кинъёс поттон ужен выро.

 

26-тӥ толшоре 18.00 часын  Йӧскалык лыдӟиськонниын (Удмурт урам, 264 юрт) удмурт кылын вераськонъя «Кубо» клублэн таиз ар понна нырысетӥ пумиськонэз ортчоз. Пукетлэн темаез – «Ӝӧк вылэ сиён ачиз уг лыкты».

8-тӥ толсуре 13.00 часын Йӧскалык лыдӟиськонниын (Удмурт урам, 264 юрт) М. Н. Толстухиналэсь «Сказ о том, как простые бабушки из удмуртского села Бураново храм построили» нимо книгазэ элькунысьтымы лыдӟиськонниосы но лулчеберет юртъёсы сӥё-дано сётон ужрад ортчоз.

8-тӥ толсуре 18.00 часын Йӧскалык лыдӟиськонниын (Удмурт урам, 264 юрт) ог дышем сямъя удмурт кылын вераськонъя «Кубо» клубын пумиськон ортчоз. Пукетлэн темаез – «Тазалык – асьмелэн узырлыкмы».

26-тӥ шуркынмонэ 15.00 часын, Удмурт кыллэн нуналэз азьын, Калыкъёслэн эшъяськон юртазы (Орджоникидзе урам, 33а юрт) «Туала удмурт нылпи литература» антологилэн презентациез ортчоз. Ужрадэз радъяло – «Удмуртия» книгапоттонни но Йӧскалык лыдӟиськонни.

24-тӥ шуркынмонысен 27-тӥ шуркынмонозь Йӧскалык лыдӟиськонни ортчытэ Удмурт кыллэн нуналэзлы сӥзем пӧртэм ужрадъёсын программа (та нунал пусйиське 2018-тӥ арысен «Удмурт кенеш» огазеяськонысь азьветлӥсьёсызлэн мылкыд каремзыя).

Дась луиз Йӧскалык лыдӟиськоннилэн арлы быдэ потӥсь электрон изданиез – «Удмуртилэн сӥё-дано лыдпусъёсыныз дырпус» нимо 2021-тӥ арлы библиографической указатель.

Йӧскалык лыдӟиськонни дасяз выль издание – «На Сибирском тракте» нимо библиографической указатель, кудӥз сӥземын Россиысь XVIII–XIX дауръёсы валтӥсь луись транспортной магистральлэн историезлы. Та сюрес Сибирь пыр нуэ вал кунлэн европейской люкетысьтыз Китай дорозь.

4-тӥ шуркынмонозь Йӧскалык лыдӟиськонни «Литературная и100рия» нимо калыкез культуралы дышетонъя марафон ортчытэ, кудӥз сӥземын элькунмылэн кунлык басьтэмез дырысен 100 ар тырмонэзлы.

 

Йӧскалык лыдӟиськоннилэн «ВКонтакте» огиназ #деньвУдмуртии нимо выль рубрикаез кылдӥз. Таӵе хештег улсын гожъямъёс лыдӟиськисьёсты котькуд нунал тодматозы Удмуртилэн историысьтыз сӥё-дано лыдпусъёсын. 

10-тӥ куарсёнэ 15.00 часын Йӧскалык лыдӟиськоннилэн «ВКонтакте» огиназ меӵак эфирын арлы быдэ ортчытӥськись «Студенческий квартал» нимо акция ужзэ мытэ.

3-тӥ куарусёнэ Йӧскалык лыдӟиськоннилэн вань ёзэтъёсыз - 30 лет Победы урамысь 14-тӥ  юртын интыяськемез сяна -  технической мугъёсъя ворсамын луозы.

15-тӥ гудырикошконэ Йӧскалык лыдӟиськонни гурт лулчеберетлы сӥзем «Гурт-fest» нимо музейной фестивале пыриськоз. Элькунамы та фестиваль «Лудорвай» музей-заповедникын 2016-тӥ арысен радъяське ни.

10–21 гудырикошконэ Йӧскалык лыдӟиськонни УдГУ-ысь удмурт кылосбуръя, финно-угроведения но журналистикая Институт юрттэмен «Медиаритм» онлайн-лагерь радъя. Лагерьлэн дышетон сменаез ортчоз «Умные каникулы» акция улсын.

Страница 1 из 23