Версия для слабовидящих

Удмуртия – доре мынам

Заголовок материала: Удмуртия – доре мынам

 

Содержание:

Чузъяське удмурт крезьгур. Куноос удмурт коркае пыро, кузёоос соосты вӧйын-нянен пумитало.

 

Нуись: Вашкала дырысен котьку асьмелэн

Сяммы вылэм удмурт калыклэн:

Тодмо-а, ӧвӧл-а, гажаса пырисьлы

Вӧйын-нянь пуктӥськом тазалык-шудбурлы.

Бускелез доры бускелез ке потэ,

Туганэз доры туганэз ке лыктэ,

Таӵе гожтымтэ сяммы милям вань:

Ӝӧк вылэ пуктӥськом вӧйын нянь.

Кыдёке-а, матэ-а сюресэ потыкуд,

Пыратэк эн кошкы, ми пала вуыкуд.

Ӧсмы усьтэмын ми доры лыктӥсьлы,

Вӧй басьты, йыбыртты тыр няньлы.

 

Кузёос:

  Кинъёс, кинъёс, кинъёс, кинъёс лыктӥллям?

  Анайёсмы, атайёсмы лыктӥллям / 2 пол

  Малы, малы, малы, малы лыктӥллям?

  Быгатэммес эскерыны лыктӥллям / 2 пол

 

Нуись: Умоесь, дуно куноосмы. Вашкала сямъя адямиос ог-огзы доры куное ветло.

Туннэ ми ваньзэс ӧтимы куное Удмурт шаермылэсь вордӥськем нуналзэ  пусйыны. 1920-тӥ арын 4-тӥ шуркынмонэ кылдӥз Удмурт автономной область. Со нуналэз шаермылэн вордӥськем нуналэныз лыдъяськом. Ваньдэс, пиналъёс, куноос, дышетӥсьёс, ӟечкыласькомы Удмурт Элькунлэн нуналэныз. Яратэ вордӥськем шаердэс, уте сое, вордэм анайдэс кадь.

 

1-тӥ дышетскись:

Мар дунне вылысь

Котьмарлэсь дуно?

Котькытчы но мын –

Солэсь мӧзмоно.

 

2-тӥ дышетскись:

Мар дунне вылын

Котьмарлэсь чебер?

Со одӥг кылын –

Вордӥськем шаер.

 

3-тӥ дышетскись:

Бен, Волга но Каматэк уз лу чебер,

Волгамытэк Кама но ӧвӧл.

Россиятэк ӧвӧл вордскем шаер,

Нош мон понна Удмуртитэк Россия но ӧвӧл.

 

Нуись: Нош али кыл сётом куномылы.

 

Лыдӟиськонниын ужась вера Удмурт шаерлэн Россия борды итӥськемез сярысь.

 

Нуись: Котькуд  кунлэн вань аслаз куншетэз, кунпусэз, кункрезез. Нош кин тодэ куншетмылэсь но кунпусмылэсь кылдытӥсьсэ.  (Ю. Лобанов)

 

Нош кункрезьлэсь авторзэ? (А. Корепанов)

 

Шонер валэктонъёс понна  жетонъёс сётӥсько.

 

Удмуртъёслэн яратоно буёлъёссы горд, тӧдьы но сьӧд. Мае соос возьмато?

(сьӧд – музъемлэн буёлэз, тӧдьы – югытлэн, инбамлэн, чылкытлыклэн буёлэз, горд – шундылэн, шунытлэн буелэз).

 

Нуись: Нош али шудом «Ньылетӥез – мултэс» шудонэн. Адӟом, кин меда ӟечгес тодэ ас шаерзэ но калыксэ.

 

Ньыль кыл пӧлысь шедьтоно мултэссэ.

Шудонлы материал басьтыны луоз «Вордскем кыл» журналлэн 2000-тӥ ар понна 5-тӥ номерысьтыз, 30-тӥ бам.

 

Туж умой, одӥг юанмы но валэктонтэк ӧз кыльы. Я, табере кыл сётом кузёослы.

 

Кузёос:

Беседа – мудрая сестра

Хороших в мире новостей.

Из понимания добра

Я приглашу к себе гостей.

И чтобы наши вечера

Бесследно не прошли в тиши,

Из понимания добра

Найдется песня для души.

 

Кузёос кырӟало: 1-тӥ, 2-тӥ класс «Э, пе, ӟазеге»

3-тӥ, 4-тӥ класс «Вордӥськем гуртэ».

 

Нуись: Куноосмы но буш киын ӧз лыктэ, дыр. Соослы но кыл сётом.

 

Кырӟало анай-атайёс.

 

Пыре Лопшо Педунь.

 

Лопшо Педунь: Ӟечбуресь, ӟечбуресь! Школады вӧзтӥ ортчисько вал но, шулдыр удмурт гурез кылыса, пыдъёсы асьсэос татчы кыскизы. О-о, кӧня татын етӥзэсь пиос, чебересь нылъёс но анайёс.

Нош монэ ӧд вунэтэ на-а? Вералэ ай, кин мон!

 

Праздникен тӥледыз. Орина кенакты но лыкто шуэ вал, но перепеч пыжыса кылиз.

Салам вераз, песьтэрам мар ке но тырыса лэзиз.

Учком али, мар меда.

 

Поттэ лыдпусъёсын карточкаос.

 

Мар юмок та, синмы но очкитэк умой уг адӟы ни. Лыдпусъёс кадь уг та? Нош мар соос возьмато, ойдолэ ӵошен тодомы.

4/XI; 25; 6; 1920.

 

Песьтэрам эшшо мар ке но вань на.

Орина кенак мар но со гожъям на.

 

«Шедьты пардэ» шудон

Пиналъёслы карточкаос люкыло. Соос вылын пӧртэм пословицаослэн кутсконзы но пумзы гожъямын. Соосты огазеяно.

 

Писпу дано емышен, адями ужен.

Оген венез но ӝутыны секыт.

Корка нылпиен шулдыр.

Ачид ке ӧд гыр, геры уз гыры.

Герой быре одӥг пол, кышкась мурт – 7 пол.

Кытын 1 мурт нёжтоз, отын 7 мурт кырӟалоз.

Сюлмысь потэм кыл куинь толэзь но шунтоз.

Родная сторона – мать, чужая – мачеха.

Не посеяв, не жнут.

Азьтэм муртэ нокин уз гажа.

Кырӟась муртлы кузь сюрес но вакчи потэ.

Дасезлы эн синмаськы, ачид лэсьты.

Адями уженыз чебер, нош музъем – будосэныз.

Ужам бере сиён ческыт кошке.

Ӟеч дышетскод – анай-атайдэ шумпоттод.

Мурт дуннеын пуны но мӧзме.

Вордскем шаер котькинлы мусо.

Ас шаер кутске  вордскем гуртысен.

 

Нуись: Я, паръёсмес ваньмы шедьтӥм. Табере ойдолэ мыноме шудыны.

 

Лопшо Педунь: Ойдолэ мыноме шудыны.

 

Ӵош: Жин-жин, мусо нылъёс, жин-жин, чебер пиос, шудыны.

 

Нуись: Тон, Педунь агай, небыльток луод, дыр, партэк кылид.

 

«Небыльток» шудон

 

Лопшо Педунь: Мынам песьтэрам эшшо одӥг удмурт шудонэ вань на.

«Кутэн» шудон

«Ӟазег уя, ӵож уя но» шудон.

 

Вордӥськем шаермы сярысь вераськимы, кылбуръёс лыдӟимы, шудӥмы, эктӥмы, кырӟамы. Нош али…

 

1-тӥ дышетскись:

Перепеч но бискыли

Песянай пӧра али.

Пырыса ке вуиды,

Тӥ но куно луоды.

 

2-тӥ дышетскись:

Анайлэн нош ческытгес

Пӧрме вӧё табанез.

Сиыса ке утчады,

Оло, кылдэс ньылоды.

 

3-тӥ дышетскись:

Нош туннэ ми асьмеос

Пыжимы шекераос.

Пӧрамъёсмес сиыны

Ӝӧк сьӧры ӧтиськомы.

 

Огъя чай юон.

Юанъёслы тужгес но трос валэктон сётэмъёслы пичияк кузьым кузьмано.

 

Дасяз Т. И. Кузнецова, Кизнер ёросысь Саркуз гуртысь библиотекаын ужась

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru