Версия для слабовидящих

Трос лыдӟод – трос тодод

Название материала: Трос лыдӟод – трос тодод (Семьяен ӵошатскон)

 

Содержание:

Нуись:

Анай кыл – улонэ нырысь вамыш,

Сотэк уд лэсьты мукетсэ вамыш.

Анай музэн, анай кылыд юрттоз,

Улон сюрес кузя йыгмыт валтоз.

Бадӟым шуръёс кутско ошмесысен,

Нош вераськон кутске анай кылэн.

 

Асьмеос удмуртъёс. Соин ик милемлы ас кылмес, калыкмес, культурамес, ортчем сюресмес, сям-йылолъёсмес тодытэк нокызьы уг луы. Мон шумпотӥсько, гуртамы ваньмыныз таин тунсыкъяськись семьяос вань шуыса. Сыӵе семьяосын анай-атайёс нылпиоссылы удмурт кылэз, удмурт сямъёсты яратон пыӵато.

 

Тани соос. Туннэ ми доры куное лыктӥзы Васильевъёс, Ворончихинъёс, Ивановъёс.

Соос куспын туннэ пичильтык ӵошатскон ортчытом. Визьмоос пӧлысь тужгес но визьмозэ шараялом.

 

I. Разминка

 

Ӝӧк вылын кагаз вылын удмурт афавит гожъямын. Синдэс кыньыса, чиньыеныды кудӥз ке буква шоры возьматэ. Кыӵезэ бырйиды – удмурт писательёслэсь я поэтъёслэсь сыӵе букваен кутскись фамилизэс тодады ваёно луоды.

 

Кудӥз семья берпуметӥез вералоз, со ик вормисе потоз.

(В – Валишин, Ванюшев, Васильев…)

 

II. Йылолъёс

 

Мон кыӵе ке йылоллэсь тодметсэ лыдӟо, нош тӥ со йылолэз тодыны кулэ луоды. Кин тодӥз – кидэс ӝутэ.

(учконо нырысетӥ приложениез)

 

III. Визь – со узырлык

 

Таяз ӵошатсконын зэмос каром та удмурт лэчытверанэз.

Котькуд шонер валэктонлы – коньдон.

(Учконо кыкетӥ приложениез)

 

IV. Гуртысь уж

 

«Ойдолэ мыном шудыны»

Тодады ваёно вашкала удмурт шудонэз. Ми соин ваньмы дэменак шудом.

(Семьяос фойее потыса шудо)

 

V. «Кызь вить пӧлысь одӥгез»

 

Удмурт шаермы 25 ёрослы люкемын. Али мон тӥледлы юанъёс сётъяло, нош тӥ тодыны кулэ, кыӵе ёрос сярысь вераськон мынэ, валэктонъёсын карточкаостэс радызъя тыре.

(Учконо куинетӥ приложениез)

 

VI. Мадиськонъёс

 

Таяз ӵошатсконын шудо нылпиос гинэ.

(Учконо ньылетӥ приложениез)

 

VII. Гуртысь уж

 

Реклама

Яратоно книгадылы реклама лэсьтоно.

 

VIII. «Кылысь кылэ»

 

Али удмурт кылэ трос выль кылъёс пыӵало. Тодӥськоды-а меда тӥ соосты?

Выль кылъёсты удмуртысь ӟуче но ӟучысь удмуртэ берыктоно.

(Учконо витетӥ приложениез)

 

Таин ӵошатсконмы йылпумъяськиз. Дунъясьёсмы лыктытозь, нылпиос З. Трухиналэсь но В. Ившинлэсь кылбуръёссэс лыдӟозы.

 

Приложениос:

 

I приложение

 

Йылолъёс:

1. Кутске 7 толшоре, нош йылпумъяське 19 толшоре. (Вожодыр)

2. Та йылолэз пусъё Выль ар бере 7-8 арня ортчыса. Та нунал азьын одно мунчое пыро, ӵукна ик нянь пыжо, чеберъяло вал кыткетъёсты. (Вӧй дыр, Масленча)

3. Та нунал азьын уйлы ӝӧк вылэ вӧлдо тӧдь ӝӧккышет, со вылэ поно нянь сукыри, сылал, буям курегпузъёс, табань, аракы пукто. (Великтэм, Быдӟымнунал)

4. Та шулдыръяськонэз ортчыто, тулыс бусы ужъёс быремлы шумпотыса. (Гырон быдтон)

5. Та йылол сӥзьыл  бусы ужъёс бырем бере ортчытӥське. Шулдыръяськон ӝытазе кутске но, ӵуказеяз нуназе бере гинэ йылпумъяське. Одӥгысьтыз гуртысь егитъёс мукет гуртысь егитъёсты доразы куное ӧтё. Егитъёс та шулдыръяськонын одно кузэн луыны кулэ. (Ныл брага)

6. Тайзэ йылолэз пусйыку, ӧтем куноос одно ӵушконэн, коньдонэн, ныркышетэн, тамак пуйыен лыкто вал. Быдэс ӝыт егит пилы ӟеч, шонер сюрес сӥзё. (Солдатэ келян)

7. Таизъя йылолъя корка нырысь ик пичи пи но пичи ныл пыро, киязы коӵыш кутыса. Яке коӵышез азьло пырыны лэзё. (Корка пырон)

 

II приложение

 

Искусство                                               100 200 300 400

Тодмо адямиос                                        100 200 300 400

Будосъёс но пӧйшуръёс                          100 200 300 400

Йылолъёс                                               100 200 300 400

История                                                  100 200 300 400

Литература                                             100 200 300 400

Шудӥсь ачиз быръе тема но юанлэсь дунзэ. Кылсярысь, литература – 300.

 

Искусство:

100 – Кызьы нимаське куншетмы вылысь пус?

200 – Кыӵе арын Ижын берпуметӥзэ усьтӥськиз цирк? (2002).

300 – Кыӵе тодмо адями вордӥськиз Воткинскын? (Чайковский).

400 – Удмурт калык инструмент (крезь).

 

Тодмо адямиос

100 – Кыӵе арын Удмуртиын нырысетӥзэ бырйизы Президент? (2000)

200 – Удмуртиез быдэс дуннелы тодмо карем адями (Калашников).

300 – Радищев яке Горький вуылизы Удмуртие? (Радищев)

400 – «Удмурт кенеш» огазеяськонлэн али тӧроез (Н. Н. Мусалимов)

 

Будосъёс но пӧйшуръёс

100 – Кыӵе нуналэ тылобурдоослэсь нуналзэс пусйиськом?

200 – Кыӵе будос нымы-кибыосты сие?

300 – Кыӵе тылобурдо аслыз сиён ву пыдэсысь утча.

400 – Вералэ сиыны ярантэм будосъёсты.

 

Йылолъёс

100 – Ма кароно вӧяськыку сётэм нянен?

200 – Кызьы удмуртъёс нимало Пасхаез? (Акашка, Быдӟымнунал, Великтэм)

300 – Кыӵе числое уйин тунаськем зэма? (13-ысен 14-е)

400 – Кинлы вӧсяськиллям удмуртъёс? (Инмар, Кылчин, Керемет)

 

История

100 – Кӧня ар удмуртъёс но ӟучъёс валче уло ни? (450)

200 – Удмурт шаерысь кинлэн нимыныз герӟаськемын Мускоысь Кремль вылысь кизилиослэн историзы?

300 – Кӧня со алтын? (3 копейка)

400 – Удмуртъёслэн кыӵе уженызы нюръяськыны выризы 20-тӥ даурлэн шораз? (кумышка пӧзьтонэн)

 

Литература

100 – Вералэ А. Окилэсь зэмос нимзэ. (Акулина Григорьевна Векшина)

200 – «Нош мон понна Удмуртитэк Россия но ӧвӧл». Кинлэн кылъёсыз? (Ф. Васильев)

300 – Кин гожъяз удмурт басняос? (Лужанин)

400 – Кыӵе писательлэн но Удмуртиын улӥсь тылобурдолэн нимъёссы одӥг кадесь?

 

III  приложение

 

 «25 пӧлысь одӥгез»

1. Кыӵе ёросын Сибирь трактлы сӥзем музей вань? (Дэбес)

2. Кыӵе ёросын Кам шур кутске? (Кез)

3. Кыӵе ёросын интыяськемын Иднакар? (Глаз)

4. Кыӵе ёрос котыртэ Ижкарез? (Дэри)

5. Кыӵе ёросэз кыкетӥ Швейцария шуо? (Шаркан)

6. Кыӵе ёрос тужгес но кузь? (Красногорское)

7. Кыӵе ёрос тужгес вакчи? (Яр) 

8. Кыӵе ёросын вордӥськемын трос писательёс но кылбурчиос? (Алнаш)

9. Кыӵе ёросын берпуметӥ гурт ӵошатсконъёс ортчизы?

10. Кыӵе ёросын вордӥськемын Галина Кулакова?

11. Кыӵе ёросын  интыяськемын Байгурезь? (Дэбес)

12. Кыӵе ёросын вань Варзи-Ятчи санаторий? (Алнаш)

13. Кыӵе ёросын ужа Короленко нимо институт? (Глазов)

14. Кыӵе ёросын вордӥськемын Г. Е. Верещагин? (Шаркан)

15. Кыӵе ёрос нимын буёлэз вань? (Вавож)

 

IV  приложение

 

1. Гур азьын таба вылын

Удмурт сиён пыжемын.

Солэсь но ческыт ма вань?

Оскалтэ ай пӧсь … (табань)

 

2. Ӧтем куно ке вуэ,

Дэмен тэтчало вуэ.

Пушкесо векчи куарнянь –

Пӧзьтэмын ческыт … (пельнянь)

 

3. Шукко но шукко,

Нӧкыысь вӧй пӧрмыто.

Тани вӧез октэмын.

Нош маиз-о кылемын? (Аръян)

 

4. Садын сылэ пичи корка,

Отын улэ ужась семья. (Муш уморто)

 

5. Липет йылын со пуке,

Ымысьтыз ӵынзэ поттэ. (Мурьё)

 

6. Кот пушказ мунчоез,

Ныр бордаз – сипужез.

Йырбераз – бирдыез.

Тыбыраз – кикыез. (Самовар)

 

7. Вашкала дыръя

Калык соин поръяз.

Беризьлэсь пыдкук –

Мар ай вал та? (Кут)

 

8. Погылес, питырес,

Тэтчаны чупырес. (Туп)

 

9. Чик пумыз ӧвӧл,

Чик йылыз ӧвӧл,

Чиньые пыре,

Чиль! Учке шоре. (Зундэс)

 

10. Чебер апай-сузэръёс –

Шудыны яратӥсьёс

Ог-огзы пӧлы ватско

Котыр султо ке, адско. (Матрёшкаос)

 

V приложение

 

«Кылысь кылэ»

Лён – етӥн

Груздь – нингуби

Враг – тушмон

Жюри – дунъясьёс

Победа – вормон

Государство – кун

Сложение – ватсан

Декабрь – толсур

Среда – вирнунал

Флаг – куншет

Гнездо – кар

Лось – койык

Синица – пислег

Окунь – юш

Жук – бӧчы

Яровые – валэс юос

Сноп – культо

Зор-кот – осадки

Салкым – прохладно

Ыргон – медь

Тул – клин

Черс – веретено

Мувӧй – нефть

Пежъян – игла

Пияла – стекло

Тунгон – замок

Пуж – сито

Сюсьтыл – свеча

Удыс – отрасль

Дунъян – поощрение

Пужы – узор

Сьӧдчабей – гречка

Тылыс – шалаш

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru