Версия для слабовидящих

Песянайёс, песятайёс но ми

Заголовок материала: Песянайёс, песятайёс но ми

 

Содержание:

Сцена чеберматэмын пужъятэм ӵушконъёсын, выж вылын – куэм выжлёгетъёс, ӝӧкъёс вылын - ӝӧккышетъёс. Одӥгаз ӝӧк вылын вашкала тӥрлык интыямын, мукетаз – туалаез (фотоаппарат, магнитофон но мукетыз).

 

«Тӥ - милям гажаноосмы» суредъёсын адӟытон дасямын.

Удмурт калык сиён дасямын.

Чузъяське удмурт крезьгур. Куноос ӝӧк сьӧры пуксё.

 

Нуись: Ӟечбуресь, гажано эшъёс! Туннэ ми люкаськимы песянайёсмылэн-песятайёсмылэн егит дырзы, гурт улон сярысь вераськон понна.

 

Дышетскись: Вордскем гуртэ,

                     Мон яратско тонэ гинэ.

                     Котькытчы мын,

                     Котькытчы мын,

                     Котькытчы ву, -

                     Мынам сюлмам

                     Вордскем гуртэ.

                     (В. Пчельников)

 

Пересьёс гуртлэн кылдэмез сярысь верало.

 

Одӥгез дышетскись Саркуз гуртлэн кылдэмез сярысь доклад лыдӟе.

 

Дышетскись: Ой, кӧня бӧрдӥ мон, утчай шудэз

                      Уй-нунал ужай, сиёнтэк жумми.

                      Синвуэн коттӥ ульчаез, лудэз,

                      Тыл кадь лек каргам улонлы сӥзи.

                      (Ф. Кедров)

 

Куноос егит дырзы сярысь, война сярысь тодэ ваёнъёссэ верало.

 

Дышетскись:

Анай киос…

Мае но адӟемын ӧвӧл соос?

Кыӵе ужез ӧз лэсьтэ на меда?

Уз вера сое нокыӵе медаль…

Анай киос азьын йыбырттӥсько

Тыр шудбуре понна тау карисько.

(Т. Чернова)

 

Нуись тодматэ – кӧня гуртоос кошкизы фронтэ, кӧняез соос пӧлысь ӧз берытске ни, кӧняез гуртэ кылемъёс война аръёсы тыршемзы понна «Ужысь ветеран» ним басьтӥзы.

 

Дышетскись:

Ӧй адӟы мон песятайме,

Уг тодӥськы солэсь туссэ.

Ӧз веша со пинал дырме,

Ӧй кылы тышкаськем кылзэ.

Песятае быриз ожын,

Ӧз вуы адӟыса шудзэ.

Уз вунэтэ, дыр, нокытын

Солэсь но ӟеч сюлмаськонзэ.

Утча со шуд кизилиез,

Сое ӧз вуы адӟыса.

Мусо, дуно песятае,

Яркыт пиштэ мынам вадьсам

Тынад утчам кизилиед.

(Ф. Васильев)

 

Нуись: Тӥ ваньзэ вормиды, ужады, нылпи будэтӥды. Али нылпиостылэсь нылпиоссэс утиськоды. Калыкын шуо: «Мар вань шудоез, нылпилэсь нылпизэ утемлэсь». Зэм но, тӥтэк уз луы, дыр, будэтыны шаермылы визьмо, кужмо, таза ужасьёс.

 

Дышетскись:

Песянайтэк, песятайтэк

Уз пыжы табань,

Картошка сутскоз,

Нош йӧлмы чырсалоз.

Песянаен, песятаен

Ваньмыз ческыт луоз ӝоген,

Улыны но шулдыргес,

Шоканы но капчигес.

 

Нуись: Тӥ дышетӥськоды нылпиосты котькуд ужез быгатыса но сюлэм шунытэз поныса лэсьтыны.

 

Дышетскись:

Параска кенак выж миське.

Юрттыны Нина сюлмаське,

Мучоло, исьнер кутэм,

Мемиез манер дауртэ.

Дэриен нырыз саптаськем,

Нош дэрем дурыз шульыкмем.

Мемиез ушъя, шумпотэ,

Нинаез веша, ӟыгыртэ.

«Ой, нылы, нылы, будӥськод,

Юрттыны мыным вуиськод».

(А. Белоногов)

 

Нуись: Тӥ кадь шуныт пӧзь но небыт пыдвыл нокин уг кертты.

 

Дышетскись:

Пӧзь керттӥз бабуше,

Пӧзьёсыз туж бушесь:

Пичиомымтэ, лэся.

Пӧсь вуэ со веттылӥз,

Майталэн посӥз, куасьтӥз –

Пуксизы пӧзьёс

Ме, Вася!

(А. Клабуков)

 

Нуись: Тӥ кадь ческыт сиён нокин уг пӧра.

 

Дышетскись:

Пере-, пере-, перепеч…

Песянай пӧра туж ӟеч.

Лыктэлэ тӥ дорамы,

Ваньдэс куно каромы.

(Ю. Байсарова)

 

Удмурт калык сиён-юонъёсъя юанъёс.

 

Нуись: Тӥ юрттӥськоды дуннеез валаны, дышетӥськоды ӟечсэ но уродзэ висъяны, чеберлы паймыны, тыршиськоды улонэ нырысь вамышъёсмес капчигес карыны.

 

Дышетскись:

Кытысь, мае тодӥськом, пе,

Пичи мурт йырын.

Валантэм шат учкиськом уг

Бадӟымъёс шоры.

Кытчы-о вамыштӥськом, пе,

Та улон ӧрын…

Тодмотэм шат, мынӥськом ми

Бадӟымъёс сьӧры.

(А. Белоногов)

 

Вашкала но туала арбериосты тодманъя ӵошатскон. Нылпиос вашкала арбериосты тодманы кулэ, арлыдоос – туалаооссэ.

 

Нуись: Макем вылӥ дунъяло тӥледыз пиналъёс. Тани соос суредазы но тӥледыз. Тодмалоды-а асьтэдыз?

 

Чузъяське «Ныл дыр» кырӟан. Огъя чай юон.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru