Версия для слабовидящих

Мынам Удмурт шаере

Название материала: «Мынам Удмурт шаере» (1-тӥ-4-тӥ классъёс пӧлын ортчытон ужрад)

 

Содержание:

Нуись:

Вордӥськем музъеммы

Вордӥськем шаермы,

Туж мусо потӥськод,

Туж шулдыр адскиськод!

 

Ӟечбуресь, пиналъёс! Ӟечбуресь, гажано дышетӥсьёс! Ӝоген асьмеос пусъёмы Удмурт шаерлы 90 ар тырмонэз.

 

Асьмеос улӥськомы Россиын. Россиын трос элькунъёс. Нош асьмелэнэз - Удмуртия.

Асьме музъем вылын уло но ужало удмуртъёс. Соин ик асьме шаерез Удмуртия шуо.

 

Удмурт шаермы туж узыр тодмо адямиосын:

 

- Михаил Тимофеевич Калашников - тодмо конструктор-оружейник,

- Петр Ильич Чайковский – композитор,

- Галина Кулакова, Тамара Тихонова – тодмо спортсменкаос,

- Сергей Чирцев - трос пол вормылӥз мотоен ворттылонын.

 

Нош кыӵе шулдыр калык улэ асьме шаерын! Кырӟанэз но эктонэз ке верано, «Италмас» ансамблез тодӥсьтэмез ӧвӧл, дыр, асьме шаерын но кунгож сьӧрын но.

 

Нош асьме клубын ужа «Купанча» ансамбль. Али дэмласьком кылзыны солэсь кырӟанъёссэ:

 

«Вишур гуртэ»

«Арганчи»

«Мон гуртын улӥсько»

 

Потэ Лӧпшо Педунь.

 

Лӧпшо Педунь: Ӟечбуресь, мусо пиналъёс, чебересь сяськаос, миськем сяртчыос! Кылӥ, тӥ вордскем шаермес данъяськоды, шуыса. Лыктоно кариськи, кызьы монтэк? Нош тӥ тодӥськоды-а, кин мон? Вералэ али ваньды ӵош! (верало)

 

Ой, ӟечесь, ой, визьмоесь! Вордски мон туж кемалась, асьме удмурт шаерын, выжыкыл дуннеын. Кемалась ке но вордски, уг пересьмиськы, котьку пинал но етӥз, али но шир! гинэ дорады вуи. Мон малпасько, асьмеос тунсыко дырмес ортчытом шуыса. Ойдолэ, азьлозэ кӧня ке тодамы ваёме. Мон тӥледлы кӧня ке юанъёс сёто, нош тӥ тодэмдэс вералэ. Мон тӥледлы тани таӵе сяська сёто, кинлэн сяськаез трос луиз, солы пичияк кузьым но грамота кузьмало.

 

1. Кӧня городъёс асьме шаерын? (6)

 

2. Кыӵе удмурт пыжиськемъёсты тӥ тодӥськоды?

 

3. Кыӵе удмурт юонъёсты тодӥськоды? Кин тросгес тодэ?

 

4. Кыӵе писательлэн потэмын «Шаркан палан» книгаез? (В. В. Котков)

 

5. Кыӵе дано спортсменъёсты тодӥськоды Удмуртиысь но Шаркан районысь? (Кулакова, Тихонова - куасэн бызьылон, Никитин – куасэн бызьылон, Медведцев - биатлон, Кравцов - гандбол, Товарницын - капчи атлетика; Шарканысь – М. Вылегжанин, Г. Хохряков)

 

Ӟечокъёс, трос тодӥськоды. Я, ӟеч луэ, нош вуо на дорады.

 

Нуись: Нош азьланьтӥськом шутэтсконмес. Куное дорамы куриськиз на Шунды-Мумы.

 

Шунды-Мумы: Ӟечбуресь, куноос! Шумпотыса лыктӥсько дорады. Вылӥын ке но улӥсько, котьмае мон адӟисько но шунтӥсько. Кыӵе узыр удмурт музъем бадӟымесь сикъёсын, бусыосын, кузесь шуръёсын, муресь ӵыпетъёсын, трос пӧртэм будосъёсын, пудо-животэн но тылобурдоен. Оскисько, тӥ ваньзэ тодӥськоды, адӟиськоды, утялтӥськоды но яратӥськоды шуыса. Шумпотӥсько, удмурт шаерез узырмытэмдылы. Тодӥськоды, туэ гужем капчи ӧй вал. Шунды сиосыным зол шунтэменым, ваньмызлы пӧсь йӧтӥз. Кӧня сик ӝуаз. Адямиос нюлэскы куное лыкто но, тылскем бервылзэс уг эскеро, потэ тылӝу. Соин ик нюлэскы сак эскериськыса ветлоно.

 

Мон тодӥсько, удмурт шаерлэн Горд книгаез вань шуыса. Кылзэ, мар отын гожтэмын. (Пичияк лыдӟе)

 

Нош али мон тӥледлы кӧня ке юанъёс сёто.

 

1. Кыӵе сяська пыртэмын Горд книгае?

- ландыш,

- ромашка,

- италмас. *

 

2. Кыӵе турын-куар тӥледлы юрттоз, сюрес вылын чиньыдэс вандӥды ке?

- подорожник *,

- пушнер,

- люгы куар.

 

3. Малы лазегомо асьмелэн шуръёсмы?

- вузэ мукет интые лэзё.

- яр дуръёсысь писпуосты корало *.

- шунды пыжемъя, вуэз быре.

 

4. Нош кыӵе музъем узырлык вань Удмурт шаерын?

- мувӧй *,

- алмаз,

- зарни.

 

Ваньзэ тодӥськоды, визьпогъёс. Я, ӟеч луэ, умой дышетске.

 

Нуись: Асьме доры лыкто на эшшо куноос. (Кырӟаса пыро табанен куноос)

 

Нуись: Пыре, пыре, куноосмы. Ваньды-а вуиды? Нокинэ сюрес вылэ ӧд ыштэ-а? Нырысь мон тӥледыз куноято пӧяськон табанен. Та табаньёсын юанъёс вань. Тододы меда?

 

1. Мар со табань? (Удмурт сиен)

Табань со киосын лэсьтэм шунды,

Вань шунытэз люкаське нянь борды.

Т. Чернова

 

2. Малы сое табань шуиллям?

(«таба» - сковорода кыллэсь)

Таба, таба, табапуд

Вань семьямы ӝӧк сьӧрын

Анай берга гур дурын,

Табань пыже пӧсь гурын.

 

3. Пукон табань со - сям яке йылол? (сям)

 

4. Малы-о сямъёсты но йылолъёсты тодыны кулэ?

(азьло улонэз тодон понна)

 

5. Малэсь удмуртъёс лэсьто табань? (By, пызь, курегпуз, сылал)

 

Визьбугоръёс, котьмае тодӥськоды.

 

Нуись: Азьло егитъёс но мӧйы калык ог-огзы доры «Пукон табане» ветлылӥзы. Отын шулдыръяськизы, табанен ог-огзэсты утялтӥзы. Табань вылэ зырет тыро вал. Зырет луэ вӧен, йӧл вылын, кисьтэм йӧлын, картошкаен.

 

Нош кунян вордӥськем бере бускельёссэс, ӵыжы-выжызэс ӧтчаллязы «Ӵӧжыен табань сиыны».

 

Тани ми но тӥледыз утялтом али гинэ пыжем табанен.

 

Бен, котькин котькытын мед вордӥськоз, нош аслаз шаеред, вордӥськем интыед кадь мусоез, умоез нокытын но ӧвӧл. Татын ми улӥськомы, татын милям коркамы, эшъёсмы, татын асьмелы умой, татын милемыз витё.

 

Кинлэн трос сяськаез луиз, пичияк кузьым но грамота басьто. Нош али ми тӥледыз утялтом табанен но чаен.

 

Дасяз Р. С. Широбокова, Зар-Вишур библиотекаын ужась 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru