Версия для слабовидящих

«Ӟазег вӧсь» йылол

Заголовок материала: «Ӟазег вӧсь» йылол (обряд жертвоприношения или обращение к Нюлэсмурту с просьбой о благополучии)

 

Содержание:

Вашкала сямъёсты утьыса но туала куронъёсты чакласа, калык мед утёз бубаоссылэсь, ӵуж нэнэоссылэсь йылолъёссэс. Ӟазег бадӟым инты басьтэ вылэм вашкалаосмылэн улоназы. Тужгес но тӧдьы ӟазег. Али возьматом «Ӟазег вӧсь» йылолэз.

 

Шудэ «Сэрего ук» кырӟан, сцена вылын ӝӧк, ӝӧк вылын нянь, сылал, вӧй, кыз, песьтер, ӟазеген куды, потэ коллектив.

 

Калык:  Чырткемесь!

 

Кузёос: Умоесь, пыре, пыре, татӥе кариське. Покроозь кема ик дыр ӧз ни кыльы, соин ик асьмеос туннэ Ӟазег вӧсь ортчытыны люкаськимы.

 

Нюлэс нюня-бубае, тӥлед пирдан сётӥськом. Куриськомы котырады кутыны ваньместы, уте, сётэ бадӟым тазалык, уте шудтэм учыръёслэсь. Ӟеч вордэ пудо-животмес, возьмалэ сьӧсь изьверъёслэсь, кылем пудо-животмы мед йылоз-пушъёз, йыбырттӥськом тӥледлы.

Пиос, тӥ дасесь ини-а?

 

Пиос: Дасесь!

 

Кышноос: котырдэс кутэ но мынэ ни тэле, я ӟеч ветлэ!

 

Ойдо, пиос тэле ветлытозь, асьмеос кырӟан кырӟалом.

 

Шудэ «Сэрего ук» кырӟан

 

Сьӧразы  тэле нуыны песьтэре тыро: нянь сукыри, вӧй, ӵуж мильым (сылалтэк пыжемын) тусьты-пуньы, аракы, тӧдьы ӝӧккышет, луло ӟазег кутыса тэле кошко.

 

Сцена сьӧрысь куара: Картэн улӥсь кышномуртъёсты та вӧсе тэле уг басьто: ветло пиосмуртъёс, пиналъёс, пересьёс. Интыязы вуыса, йыбыртто. Ӟазегез вандо, тылско. Ву быректытозь, ӟазегез ишко, сузяло, пӧзьтыны пуртые поно. Быректэмез бере ик 3 пуньы лымез тыл вылэ кисьто, иназ мед мыноз шуыса. Лымаз йыды кеньырлэсь сылалтэк шӧг ӝук пӧзьто. Пӧзем бере йыбыртто, сьӧразы ваем котырзэс ӝӧкышет вылэ пуктыло. Ӵуж мильымзэс тӧдьы басма вылын бадӟым кыз вай вылэ поно. Собере сиськыны пуксё. Ӟазег лыосты ваньзэ туйлэсь лэсьтэм чумонэ люкало, отчы пуштроссэ тыро. Гонзэ, йырзэ ӟазег тус лэсьто но кыз вае поно. Чумонзэ сюе сого, нош йыбыртто. «Нюлэс нюня-бубамы, тӥлед вазиськиськом: семья куспамы тупаса мед уломы, котькудӥзлы шуд-пай, дэлето улон сётэ, нылпиосмес тылпулэсь, висёнъёслэсь, вӧсь луэмлэсь утьыны куриськомы, пудо-животмы йылӥсь-пушйись мед луоз».

 

Бервылзэ утялто но гуртэ берто. Гуртын соосты кышноос витё ини: тодо уго, кыӵе ческыт ӟазег сӥльын ӝук. Вылаз ик ваем ӝуке сылал ватсаны яра ни. Но солэсь азьло гуртын возьмамъёс тэльысь берытскемъёсын ӵош йыбыртто на.

 

Кырӟанлэн берпуметӥ кылъёсаз пиос берто тэльысь.

 

Кышноос: Я, кыӵе ветлӥды?..

 

Пиос: Умой. Ми нюлэс нюня-бубалэсь салам ваимы, оскалтэ.

 

Сылал поныса шӧмъяло.

 

Кышноос: Туж ческыт пӧзьтӥллямды ӝуктэс!

Ойдолэ, умой ветлэмды понна ӧжытак шулдыртоме!

 

Чузъяське «Ӵукна» кырӟан

 

Обряд «Сӥзьыл ӟазег сиён» или обращение с просьбой о благополучии к Нюлэсмурту (записано со слов Емельянова Германа Яковлевича)

 

На совершение этого обряда шли сначала одни мужчины. Место для него выбиралось такое, чтоб по пути попалась небольшая речушка. Нужно было обязательно перейти её. В ходе обряда приносили в жертву гуся или утку, главное, чтоб птица была водоплавающая, и варили кашу без соли. Резали гуся прямо в лесу. Обработав и сварив мясо, печень, легкие, сердце и часть мяса, их вешали на ель в заранее приготовленный тусь (емкость, похожую на чашку). Это угощение предназначалось «нюлэс бубалы, тылобурдоослы, ивор сётӥсьёслы, кырныжъёслы». А внизу ели создавали из перьев подобие гуся. Затем приходили и женщины, но без детей, солили кашу и все вместе ели.

 

К Нюлэсмурту обращались с просьбой сохранить домашний скот от зверей, болезней, подтопления в речках и логах, просили сделать скот сильным и плодовитым.

 

Обряд «Сӥзьыл ӟазег сиён» (гожтэмын Кожевникова Калиста Андреевналэн кылъёсыз вылысь)

 

Коркаысь потэмлэсь азьло ӝӧк вылэ ӝӧккышет валё, со вылэ нянь, сылал, кирос поно, умой ветлэм мед луоз шуыса йыбыртто. Куто ӟазегез, со тӧдьы мед луоз. Мыно сике, со интые, кытын сиё ӟазег - котькуд выжылэн аслаз интыез. Кышноослы отчы пыроно ӧвӧл. Пиосмуртъёс йыбырско но инты дасяло. Азьло тылско, отчы ву нулло. Ӟазегез вандо, ишко кыз улын. Со ӟазегез поно пуртые, ӟазег пӧзе, собере поно кеньыр. Пӧзьто сылалтэк. Ӝук пӧзем бере йыбыртто. Вань галям лыоссэ туе поныса кызэ поно, иназ мед мыноз шуыса. Гонэзлэсь, йырызлэсь, выльысь ӟазег лэсьто вал  - туж укша вылэм лулоезлы.

 

Ӝукез кӧттырмон сиё шуыса верало вал, кылемзэ гуртэ нуо. Та йылолэз Нюлэсмуртлы пирдан сётыса ортчыто вылэм, ӟеч пудо-животэз мед вордоз, кылемез пудо-живот мед удалтоз шуыса.

 

Дасязы Лонки-Ворцы ЦСДК-ын ужасьёс

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru