Версия для слабовидящих

Батыръёслэн ӵошатсконзы

Название материала: "Батыръёслэн ӵошатсконзы"  (Атыкай музъемез утисьёслэн нуналзылы сӥзем ӵошатскон)

 

Содержание:

Пырисько 8-тӥ-11-тӥ классын дышетскисьёс, котькуд классысь быдэн одӥг пияш быръёно,

нош кылемез пиос батырлэн юрттӥсьёсыз луозы)

 

Мугез:

Удмурт калыклэсь культуразэ егит калык пӧлын вӧлмытон; удмурт калыкез гажан мылкыд пыӵатон, сцена вылын асьсэды возьыны дышетон

 

Уже кутон материал: гиря, 12 кор. спичка, пукыӵлы материал, шальы, гозы, пунон (шпагат), бумагалэсь тылобурдо (оригами).

 

Азькыл.

 

Огсыр улыку, луыло сыӵе дыръёс но вапумъёс, куке калык аслэсьтыз азинскон сюрессэ сэрттыны-пертчыны кутске, ар вакытсэ лыдъя-чота. Тани али но удмуртъёслэн Россия борды итӥськемзы дырысен 450 ар тырмонэз пусйыны дасяськиськом, ортчем сюресмес выльысь но выльысь валаны, дунъяны тыршиськом. Та удысын трос тыршо историкъёсмы, соослэн тодоссы калыкъёслэсь пӧртэм дауръёсы улэмзэс, ог-огенызы кусын воземзэс эскере уго. Но вань на мукетыз история. Тайзэ ачиз калык кылдытэ. Сое уг гожто, мадё гинэ. «Кемалась-кемалась», «валляна аръёс» сярысь малпанзэс но валанзэс, ымысь ыме, пельысь пеле верало. Та выжыкыл-преданиослы луыса ик, асьмеос адӟиськом, кызьы удмуртъёс асьсэлэсь та дуннеын удмурт луэмзэс, мукет калыкъёслэсь висъяськемзэс-ёзнаськемзэс, мукет выжы калыкъёсын ӵыжы-выжы кусыпъёс тупатэмзэс валаллям но суредаллям. Со вакыт - батыръёслэн даурзы.

Батыр кыл удмурт кылэ вашкала тюрк кылъёсысь пыремын: багатур, боотур - «ожгарчи», «азьветлӥсь», «эксэй» шуэм луэ. Батыръёсты вашкала туж ӝужыт адямиос - алангасаръёс яке зэрпалъёс но огшоры адямиос вискы пуктыны луэ. Нырысетӥосызлэсь соос ӝужыт но ядыё мугорзэс басьтӥллям, кыкетӥосызлэсь - лэчыт визьзэс. Соин ик котькыӵе тушмонлы пумит султыны, асьсэлэсь ӵыжы-выжызэс утьыны быгато вылэм. Соос калык пӧлын эксэйёс кадь улӥллям, удмуртъёслэн азьветлӥсьёссы вылӥллям.

 

Вашкала дыръя, ӟуч калыклэн татчы лыктэмезлэсь азьло, та музъем вылын порен но удмуртэн улӥллям.

Кыкезлэн ик та калыкъёслэн нимаз бакатыръёссы вылӥллям, ожтэм дыръя калыкез судъялозы вылэм, ож дыръя калыклэн азьпалаз ветлозы вылэм.

 

1-тӥ нуись: Ӟечбуресь!

 

2-тӥ нуись: Шулдыр ӝытэн!

 

1-тӥ нуись:

Та палан - визыл шуръёс,

Чупчимы чагыяське,

Тэльёсын трос гондыръёс,

Калыкед нош кышкасьтэм

Тӥнь отын та кырӟанъёс

Кылдӥзы, кузь веранъёс,

Жингыртӥсь маден кылъес.

 

2-тӥ нуись:

Вань калык татын шортчи,

Пӧрмыто батыр гуръёс,

Кырӟало данъян гуръёс,

Песятай мадьёсазы

Пересьёс мадё татын.

Крезь шудэм - кырӟан улсын,

Покчиос нош кылзӥсько,

Визь кылъёссэс пыӵато,

Вашкала батыръёс кадь ик

Сэзь луыны дышетско.

 

1-тӥ нуись:

Ньыль бадӟым батыръёссы

Вылӥллям Зюзяослэн:

Одӥгез - ...........

Мукетыз - солэн выныз

Вынызлэн ........... нимыз

Куиньметӥ батыр - .........

Зюзяын вордскем-будэм ньылетӥез .............

 

2-тӥ нуись: Оскиськомы, туннэ гажано жюри быръёз школаысьтымы тужгес но батырлы тупась, кужмо, сэзь, шаплы, визьмо пияшмес.

 

1-тӥ нуись: Map бен, ӧтиськомы сцена вылэ мылкыд карись пияшъёсмес!

 

2-тӥ нуись: Кыӵе соос туннэ чебересь, йӧноесь!

 

1-тӥ нуись: Ойдолэ бен тодматскомы (котькуд пияш сярысь ивортон, кыӵе классысь луэмзэ, ялоно юрттӥсьёссэ).

 

2-тӥ нуись: Нош дунъялоз тӥлесьтыд быгатонлыкъёстэс сӥё-дано жюри, кудаз луозы...

 

1-тӥ нуись: Нырысетӥез конкурсмы.

 

Тодматскон (визитка, 3 мин.)

 

1-тӥ нуись:

Нош пумен ни вордӥськем

Адями выжы.

Соку

Адскиллям, пе, удмуртъёс,

Лапегесь гинэ соос,

Зэрпалэн ӵошатоно ке.

Нош визьмын юнэсь, сэзесь,

Сӥль-вирын андан кадь юн

Кышкасьтэм удмурт выжы.

 

Гиря ӝуткан

 

2-тӥ нуись:

Шумпотса пукто корка,

Кылдыло ни гуртъёссы –

Асьсэлэн шаеразы

Удмуртъёс интыясько

 

(корка пукто спичкалэсь, сётӥське дыр - 2 мин. Кинлэн ӝужытгес, юано коркалэсь люкет нимъёссэ).

(Конкурс мыныку, чузъяське удмурт гур).

 

1-тӥ нуись:

Удмуртъёс весь йылӥзы –

Кылдысин утиз уго:

Дышизы му гырыны,

Муш утьыны-вордыны.

Удмуртъёс - пӧйшурасьёс

Йыбытэк-а кылёзы?

Золтӥсько пукыӵъёссы –

Шур вадьсы вуэм туре

Мертчисько лек шиоссы.

 

Пукыӵен ыбылӥськон (Та конкурсын пукыӵъёс лэсьто асьсэос ик батыръёс, пукыӵен ыбо бумага тылобурдое)

 

2-тӥ нуись:

Лыз инмын пилем уя,

Му вылтӥ батыр мынэ,

Нош солэн вамышъямъяз.

Куать иськем котыр музъем,

Гудыръям кадь, зурекъя

Со озьы... (батырлэн нимыз)

Тушмонъёс вылэ потэ.

 

Шальыен лэзяськон

 

1-тӥ нуись: Огпол Можга батыр пужымез юбо карыны мынэм. Туж бадӟым пужымез погыртэм, нош со мыдлань пограны шедем, малпан интыяз усьымтэ. Можга батыр, дӥньтӥз кутыса, собыдӟа пужымез каньылэн гинэ пельпумаз понэм но вал музэн, пе, кошке. Одӥг пол нош ик вайыж зӧкта кызьпуэз гозы пунэм, собере сюрес вылэ куям, калык мед шӧдоз шуыса, маке но, пе, со суремес лэсьтэ вал.

 

Гозы пунон

 

2-тӥ нуись: Мукетъят мукет учыр луэм. Кык муртъёс даллашо, пе. Огез малпа: «Талы мыжги ке, отчы ик кулоз». Мыжгоно муртлэсь шляпазэ йырысьтыз басьтэм но, корка сэрегез ӝутыса, отчы пачкатэм. Со Можга батыр вылэм.

 

Армрестлинг

 

1-тӥ нуись: Туж кемалась дыръёсы солдатын кызь вить ар служить каро вылэм. Солдатэ мынонлэсь пегаса, тросэз нюлэскын уло вылэм. Уйылыкузы соос кузь бодыен, пе, конго вылэм. Тазьы конгыкузы, валэн муртъёс но сутылӥллямтэ. Кузь боды йылазы пыкиськыса, пырак, пе, шур вамен тэтчо, яке шур шоры муӵ вылэ пото но, кутэмзы, пе, уг ни луы.

 

Конкурс - Шур вамен выжон (Нылъёс кырӟало удмурт кырӟан)

 

Тани конкурсмы но йылпумъяськиз, йыр поромымон синмаськизы, дыр, чебер апайес. Кыл сётӥське жюрилы. Номинациос «Батыр -20...», «Кужмо батыр», «Шортчи батыр», «Кышкасьтэм батыр».

 

2-тӥ нуись:

Ваньмызлэсъ шортчи вылэм

Эльтӧро (вормись батырлэн нимыз)

Номырлэсь но кышкамтэ со,

Шудыса кадь ожмаськем.

Соослэн ӟеч ужъёссы,

Ожъёсын вормонъёссы

Калыкын вунэтонтэм.

Туала вакытъёсы но

Ортчемез тодэ лыктэ но,

Жингырес кырӟанъёсын

Сюлэмез ай вырӟытэ.

 

1-тӥ нуись:

Кырӟамы но верамы

Вашкала мадёнъёсыз –

Соосты пересьёсмы

Кырӟаллям дауръёсын.

Мед быроз ымнырысь шуш,

Куректӥсь-бӧрдӥсь тусмы,

Сюлэме мед каръяськоз,

Быдӟым крезь кадь жингыртоз

Ӵук шунды кадь ик чылкыт

Сэзь бурдо мылмы-кыдмы.

 

2-тӥ нуись:

Шортчиесь вал батыръёс,

Кужмоесь, кышкасьтэмесь –

Соослэсь адӟем каре,

Сӥльвиро, сэзь егитъёс!

Мӧйыосмы, тӥ визьмоесь,

Трос тодӥсь мед луозы,

Кырӟамзэс-верамъёссэс,

Визьнодо мадёнъёссэс,

Пелямы мед пономы!

(Конкурс йылпумъяське кырӟанэн.)

 

Дасяз О. А. Кардапольцева, Зюзиноысь лыдӟиськонниысь ужась

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru