Версия для слабовидящих

«Огненная дуга: к 70-летию Курской битвы» адӟытонэз усьтон

«Огненная дуга: к 70-летию Курской битвы» адӟытонэз усьтон

24-тӥ куарусёнэ 16.00 часын Удмурт Элькунысь Йӧскалык библиотекаен дасям «Огненная дуга: к 70-летию Курской битвы» адӟытонэз усьтон ортчоз (Вадима Сивкова ур., 158, Н. А. Некрасов нимо шор муниципал библиотекалэн юртаз).

Курск ожмаськон (1943 ар 5 пӧсьтолэзьысен 23 гудырикошконозь; тодмо Битва на Курской дуге нимын) быдӟалаезъя, пыриськем ожгарчиосъя но уже кутэм арбериосъя, секытэзъя, бервылъёсызъя, ожгар но политика ласянь бервылъёсызъя Кыкетӥ дунневыл ожынын но Быдӟым Отечественной ожын со тужгес но валтӥсь ожмаськон луэ, кудӥз Вермахтлэсь азьлань мынонзэ дугдытӥз. Та ожмаськон бырем бере, кужым Горд арми пала берыктӥськиз, кудӥзлы луыса 1945 арын СССР вормисе потӥз.
 

Адӟытонлэн нырысетӥ люкетэз – «Планы сторон и расстановка сил накануне сражения» – ужрадэ лыктӥсьёсты тодматоз Курск ожмаськон историяя шаерысьтымы но кунгож сьӧрысь тодосчиослэн исследованиосыныз, ӟуч но герман военноначальникъёслэн мемуаръёсыныз, немец но советской армилэн ожмаськон тӥрлыкъёсыныз (ИЛ-2 штурмовик, Ла-5 истребитель, Т-34 но «Тигр» танкъёс) чебересь изданиосын.

 

«Курская операция: крах Вермахта» люкетын книгаос возьматэмын, кудъёсыз ожлэн кызьы мынэмез сярысь верало, Г. К. Жуков, А. М. Василевский, К. К. Рокоссовский, Н. Ф. Ватутин но мукет полководедъёслэн быгатыса ожмаськемзы сярысь. Кык армилэн вормонъёссы но удалтымтытэк кылем интыоссы сярысь журнал-газетъёсысь публикациос но Информбюролэн иворъёсысьтыз тодыны луоз. Экспозици люкетэз туспуктэмъёс Курск ожмаськонлы сӥзем суредъёс ватсало на.

Берпуметӥез люкет – «И разогнулась Курская дуга: итоги великого сражения» –Курск ожмаськон сярысь документальной но чеберлыко литератураен, тодослыко изданиосын, «Отечественная история», «Родина» журналъёсысь статьяосын тодматоз.

 

Ужрадэ Удмурт Элькунысь лулчеберетъя, печатья, ивортодэтъя но егитъёсын ужанъя министерствоосысь ужасьёс, Ож комиссариатысь ужасьёс, Удмурт кун университетысь дышетӥсьёс, Быдэс Россиысь ожысь но ужысь ветеранъёслэн мер огазеяськонысьтыз ужасьёс, Быдӟым Отечественной ожысь ветеранъёс, Удмурт кун университетысь истори факультетысь дышетскисьёс, лэсьтӥськонъя 4-тӥ лицейысь курсантъёс, 97 номеро школаысь кадетской классъёсысь дышетскисьёс пыриськозы.

 

Ужрадлэн программаяз – Быдӟым Отечественной ожлы сӥзем «Эрудит-квартет» шудон. Нуисез – Ижкарысь визьмо шудонъёсъя «Что? Где? Когда?» клублэн вице-президентэз Михаил Эстрин.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru