Версия для слабовидящих

Лыдӟиськон кунокуа куарусёнэ: Алексей Сомовез тодэ ваён

Лыдӟиськон кунокуа куарусёнэ: Алексей Сомовез тодэ ваён

6-тӥ куарусёнэ 18 часын Удмурт Элькунысь Йӧскалык библиотекалэн лыдӟиськон кунокуаяз быгатӥсь кылбурчиез, веросчиез Алексей Сомовез (1976–2013) буре ваён ортчоз. Ӝыт «Грифон» галереяын (Калыккуспо Восточно-Европейской университет, Пушкинской урам, 268-тӥ юрт) луоз.

Алексей Сомов – Йӧскалык литература премилэн зарни лауреатэз, «Золотое перо Руси – 2007» фарфор статуэткаез «Очерк» номинациын «Смех авгура» понна утӥсь; Штутгартын (Германиын) «Русский Stil – 2008» калыккуспо литература фестивальын «Поэзия» люкетаз куинетӥ инты басьтӥз,Григорьевской премилэн лонг-листаз пырылӥз. Удмуртиысь Литераторъёслэн огазеяськонзылэн ёзчиез.

 

А. Сомов «Урал», «Луч», «День и ночь», «Аквилон», «Дети Ра», «Воздух», «Крещатик», «Оберег», «Ижевская тетрадь» но мукет журналъёсын но альманахъёсын печатласькиз.

 

Солэн ужъёсыз таӵе книгаосын потӥзы: «И реквиема медь: избранные тексты «Крещатика» – 1997–2007», «Теперь на бумаге», «Уксус и крокодилы: 38 лучших рассказов 2006 года» («Все, что вы хотели узнать о Веселых Велосипедистах, но стеснялись спросить» веросэз), «Беглецы и чародеи: лучшие рассказы 2007 года» (Американские горки-ХХХ» веросэз), («Амфора», СПб, люкасез – Макс Фрай).

 

Алексей Сомовлэн творчествоеныз солэн блогаз но «Сетевая словесность» сайтын тодматскыны луэ.

 

Лыдӟиськон кунокуаын чузъяськозы Алексей Сомовлэн кылбуръёсыз, кудзэ лыдӟозы Алексей Сомовлэсь творчествозэ яратӥсьёс. Ӝытлэн кыкетӥ люкетаз вераськозы литераторъёс, кудъёсыз герӟаськемын Алексеен эшъяськонэн но мур валанэн. Соос пушкын Александр Корамыслов, Даниил Клеопов, Сергей Данилов, Илья Марков. Соослэн текстъёссы кылбурчилы но эшллы аспӧртэмлыко реквием луозы.

 

Ӝытэ Лев Роднов пыриськоз, кинлэн юрттэмезъя Алексей «День и ночь» альманахын печатламын вал. «Луч» журналлэн валтӥсь редакторез Н. Е. Малышев, кудӥз огпол гинэ ӧз печатла Сомовлэсь кылбуръёссэ но прозазэ, тодматоз журналлэн выль выпускеныз, авторлэн берпуметӥ улэп дыръяз публикациеныз. А. Сомовлэсь творчествозэ яратӥсьёс «Лучлэсь» та номерзэ но солэн кылбуръёсыныз мукет номеръёсты кутыны быгатозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru