Версия для слабовидящих

«Вода для жизни» адӟытонэз усьтон

«Вода для жизни» адӟытонэз усьтон

10-тӥ инвожое 16.00 часын Удмурт Элькунысь Йӧскалык библиотекалэн техникая но гурт возёсъя ёзэтаз (30 лет Победы ур., 14) «Вода для жизни» адӟытон усьтӥськоз, кудӥз Вуэз ӵошен уже кутонлы сӥзем калыккуспо арлы но Россиын Экологи культурая но котырысь инкуазез утён арлы тупатыса дасямын.

2010 арлэн 20-тӥ толшораз ООН-лэн Валтӥсь Ассамблеяез резолюция кутӥз, кудӥзъя 2013 ар Вуэз ӵошен уже кутонлы сӥзем калыккуспо ар луиз. Резолюциын калыклэн азьланьтӥськоназ, тазалыказ но улоназ вулэн валтӥсь инты басьтэмез сярысь верамын. Вуэз ӵошен уже кутонлы сӥзем калыккуспо ар калыклэсь вуэн гекрӟаськем шуг-секытъёс сярысь но соосты сэрттон-пертчон сярысь тодон-валанъёссэс паськытатон понна ООН-лэсь но мукет калыккуспо но улосвыл организациослэсь, кивалтэтъёслэсь, калык огазеяськонъёслэсь но ужбергатонлэсь кужымъёссэ огазеяны кулэ.

 

Котькуд адямилэсь умой инкуазьын улыны эрикрадзэ быдэстон вылысь, 2013 ар Россиын Экологи культурая но котырысь инкуазез утён ар шуыса ялэмын вал (Росси Федерациысь Азьветлӥсьлэн 1157 номеро указэныз 11 гудырикошконэ 2012 арын).

 

Адӟытонлэн нырысетӥ люкетэз – «Вода – источник жизни» –книгаосты но статьяосты огазея, кытын ву Музъем вылын улонлэн дӥньыз шуыса эскериське, солэн пудо-животъёслы но будосъёслы кулэлыкез пусйиське (М. И. Львович «Вода и жизнь», А. В. Кудельский «Вода жизни нашей» но мк.).

Кыкетӥ люкетын – «Вода и здоровье человека» – возьматэмын литература, кудӥз вулэн ӟечлыкез но адямилэн улонэз но тазалыкез вискысь кусыпъёсты усьтэ (С. М. Говорушко «Взаимодействие человека с окружающей средой», З. И. Хата «Здоровье человека в современной экологической обстановке» но мк.).

 

Куинетӥ люкет ­ – «Водные ресурсы Удмуртии» – тодматоз печатлосъёсын, кудъёсыз сӥземын Удмурт Элькунысь вуослы (шуръёслы, тыметъёслы, ошмесъёслы) (соос пушкын В. В. Туганаевлэн «Ижевский пруд», «Родники Ижевска», «Родники и артезианские воды Ижевска» но мк. книгаосыз).

Ньылетӥез люкет – «Рациональное использование и охрана водных ресурсов» – огазея книгаосты но ӧнерлыко изданиосысь статьяосты, кудъёсыз промышленностьын вуэз туала амалэн кутонъёсын, дунне вылысь но Россиысь пож вуосты чылкытатон амалъёсын, озьы ик удмурт экологъёслэн та удысын лэсьтэм ужъёсынызы тодмато.

 

Адӟытонэз усьтонэ Удмурт Элькунысь Инкуазь узырлыкъёсъя но инкуазез утёнъя министерствоысь ужасьёс, Удмурт кун университетысь но Ижкарысь кун эм академиысь дышетӥсьёс, Удмурт Элькунысь Роспотребнадзорлэн кивалтэтысьтыз ужасьёс, журналистъёс, студентъёс пыриськозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru