Версия для слабовидящих

Удмурт Элькунысь Йӧскалык библиотекалэн 95 арес тырмонэзлы сӥзем ужрадъёс

Удмурт Элькунысь Йӧскалык библиотекалэн 95 арес тырмонэзлы сӥзем ужрадъёс

2013 арын 15 куартолэзе Удмурт Элькунысь Йӧскалык библиотекалы 95 ар тырме. Юбилейлы луыса пӧртэм ужрадъёс дасямын.

 

22 куартолэзе 11 часын «Национальные электронные библиотеки: проблемы и тенденции развития» онлайн-конференция ортчоз, кудаз  Росси кун библиотекаысь, Росси йӧскалык библиотекаысь, Финляндиысь но Россиысь (Бурятия, Якутия, Коми, Марий Эл республикаосысь)йӧскалык библиотекаосысь, Мурманск но Санкт-Петербург улосвыл библиотекаосысь  ӧнерчиос пыриськозы.
 

Эскероно юанъёс:

  1. Йӧскалык но улосвыл библиотекаослэн йӧскалык электрон коллекциосын ужамзы.
  2. Библиотекаослэн йӧскалык электрон бичетъёсты кылдытонын мукет институтъёсын ӵош ужамзы.
  3. Авторъёслэн правозы но йӧскалык электрон библитекаослэн ресурсъёсынызы ужаны луонлык сётонзы.
  4. Библиотекаосысь финн-угор материалъёсты цифровой амалэ поттон бордын ӵошен ужаны луонлыкъёсты  эскерон.
  5. Электрон библиотекаосты усьтэм программаосты уже кутыса азьланьтон.
27-тӥ куартолэзе 16.00 часын Удмурт Элькунысь Йӧскалык библиотекаысь шаертодонъя но финн-угор литературая ёзэтаз (Удмуртская урам, 264-тӥ юрт) «Туала удмурт гожъяськисьёс» мультимеди биобиблиографической справочниклэн презентациез ортчоз.  Изданиез  Удмурт Элькунысь йӧскалык библиотека М. А. Кастрен нимо финн лулчеберетъя огазеяськонлэн  ӵыжы-выжы калыкъёсъя программаез юрттэмъя дасяз.
 

Котькуд гожъяськисьлы нимысьтыз люкет дасямын, кытчы пыро солэн улонысьтыз но гожъямъёсысьтыз хроника, фото, аудио. «Библиография» раздел авторлэсь произведениосын нимысьтыз печатлам изданиосты, бичетъёсын, журнал-газетъёсын потэм ужъёсты, берыктэмъёсты, озьы ик критико-литературоведческой но библиографической ужъёсты огазея. Библиографичекой гожтэмъёс  Удмурт Элькунысь йӧскалык электрон библиотекае чӧлсконъёсын будэтэмын. Издание кык форматэн дасямын – DVD-дискъёсын но онлайн амалэн.

 

28 куартолэзе 11 часын Калыкъёслэн эшъяськон юртазы  кенешон ортчоз, кудӥз Удмурт Элькунысь Йӧскалык библиотекалэн 95 арес тырмонэзлы сӥземын. Ужрадэ элькун министерствоосын но ведомствоосын ужасьёс, Ижкарысь кар но ёрос администрациын ужасьёс, тодос, лулчеберет но тодос удысын ужасьёс, мерлыко огазеяськонъёсысь, газетъёсысь, журналъёсысь но книгапоттонниысь адямиос, элькун библиотекаосысь кивалтӥсьёс но ӧнерчиос, ветеранъёс пыриськозы.  Калык кырзанъя но эктонъя удмурт кун театр "Айкай" библиотекаез аслаз концертэныз ӟечкылалоз.


 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru