Версия для слабовидящих

Тарас Шевченколы 200 ар тырмонэзлы сӥзем адӟытон

Тарас Шевченколы 200 ар тырмонэзлы сӥзем адӟытон

11-тӥ южтолэзе 17:00 часын «Певец Украины: к 200-летию со дня рождения Т. Г. Шевченко» нимо адӟытон усьтӥськоз, кудзэ Удмурт Элькунысь Йӧскалык библиотека дасяз. Ужрад Гуманитарной но инженерной технологиосъя Кам институтын (В. Сивкова ур., 12 а, 224 бӧл.) ортчоз.

Тарас Григорьевич Шевченко (1814–1861) – украин кылбурчи, гожъяськись, суредаськись, Художествоя император Академилэн академикез. Солэн творчествояз тужгес бадӟым инты кылбур («Кобзарь» кылбур бичетэз, «Катерина» поэмаез но мк.) басьтэ, кудъёсыз украин литературалэн классикаез луизы но инъет сётӥзы украин литературалэн кутсконэзлы. Соос Украинаез яратонэн, калыкез жалянэн пыӵамын, со туж матын калык творчестволы. «Быдӟым кобзарьлэн» фигураез украина лулчеберетын гинэ ӧвӧл, озьы ик ӟуч литератураын но бадӟым инты басьтэ, малы ке шуоно Шевченколэн трос ужъёсыз ӟуч кылын печатласькизы. Шевченколэн живописез («Катерина» суредэз, 1842; акварелен суредам пейзажъёсыз но мк.) украина изобразительной искусстволэсь реалистика амалэн суредан ӧрзэ усьтӥз.

 

Адӟытонлэн нырысетӥ люкетэз – «"Всё он изведал..."». Жизненный путь Т. Г. Шевченко» –быдӟым украин кылбурчилэн но суредаськисьлэн улон но ужан сюресэныз тодматэ – классической академической экеронъёсысен кутскыса (Н. Ф. Бельчиковлэн, Г. Д. Владимирскийлэн и А. Н. Савиновлэн ужъёсыз), озьы ик бергес потэм изданиос (Петр Журлэн «Дума про огонь» повесть-эскеронэз, Л. Н. Большаковлэн «Всё он изведал...» веросъёсын книгаез, кытчы Т. Шевченколэн дневникисьтыз люкетъёсыз; англи кылын очеркъёс: Maxim Rylsky, Alexander Deutsch. Taras Shevchenko но мк.).

 

Кыкетӥ люкет – «"И, выкормленный хлебом тем, народ – острее ощутит себя народом". Творческое наследие Т. Г. Шевченко» –Тарас Шевченколэн пӧртэм аръёсы потэм гожъямъёссэ люкаса поттэм ужъёсты, суредъёсызлэсь репродукциоссэ огазея.

 

Адӟытонлэн куинетӥ люкетаз – «"Слава твоя не вмре, не поляже!". Т. Г. Шевченко в системе мировой культуры» – литературоведческой но историко-культурно ужъёс возьматэмын, кудъёсаз Тарас Шевченколэн творческой наследиез эскериське (тодмо тодосчилэн Ю. Я. Барабашлэн ужъёсыз, А. Е. Аникинлэн, Ю. Д. Марголислэн ужъёсыз но мк.); соос пушкын солэн улон но ужан сюресэз сярысь чеберлыко произведениос.

 

Ужрадэ Удмурт Элькунысь лулчеберетъя, печатья но ивортодэтъя, Удмурт Элькунысь йӧскалык политикая министерствоосысь ужасьёс , элькунысь йӧскалык лулчеберетъя огазеяськонъёслэн ёзчиосыз, Калыкъёслэн эшъяськон юртысьтызы ужасьёс, Удмур кун университетысь, Гуманитарной но инженерной технологиосъя Кам институтысь, Калыккуспо Восточно-Европейской университетысь дышетӥсьёс, карысь библиотекаосын ужасьёс пыриськизы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru