Версия для слабовидящих

Удмурт Элькунысь Йӧскалык библиотекаысь «Удмурт шаер» клублы 30 арес тырмонэзлы сӥзем пумиськон

Удмурт Элькунысь Йӧскалык библиотекаысь «Удмурт шаер» клублы 30 арес тырмонэзлы сӥзем пумиськон

17-тӥ южтолэзе 16.00 часын Калыкъёслэн эшъяськон юртазы (Орджоникидзе ул. , 33 а)  «Удмурт шаер» клублэн 30 арес тырмонэзлы сӥзем пумиськон луоз, кудзэ Удмурт Элькунысь Йӧскалык библиотека Россиын Лулчеберетлы сӥзем ар улсын ортчытоз.

«Удмурт шаер» клуб Удмурт Элькунысь Йӧскалык библиотекалэн шаертодонъя но финн-угор литературая ёзэт бордын (али – Йӧскалык но шаертодон литературая но библиография центр) кылдытэмын вал. Со шаер сярысь тодонъёсты, солэн историез, лулчеберетэз но кылэз сярысь тодонъёстэ вӧлмытонын бадӟым инты басьтэ. Творческой но юбилейной ӝытъёс, тодос но лулчеберет удысысь тодмо адямиосын, гожъяськисьёсын, суредаськисьёсын пумиськонъёс, удмурт, венгер, эстон но финн авторъёслэн книга презентациоссы Удмуртиысь но быдэс финн-угор дуннеысь лулчеберет удысысь азинсконъёсты элькунамы улӥсьёсмы пӧлы паськыт вӧлмыто.

 

История, кылъя но литературая институтэн, Удмурт кун университетэн, Удмурт Элькунысь гожъяськисьёслэн огазеяськонэнызы, Вань удмуртъёслэн "Удмурт кенеш" огазеяськонэнызы, Лулчеберет удысын нылкышнооослэн элькун огазеяськонэнызы но мукет та выллем огазеяськонъёсын огазе кариськыса ог 150 пала пумиськонъёс ортчытэмын, кудъёсаз ог 8 сюрс пала адямиос пыриськизы. Кылем арын ортчытэм пумиськонъёс пӧлын таӵеосыз: Эстониысь Ӵыжы-выжы калык программалэн литература удысын преми лауреатъёсыныз, удмурт кылэ чеберлыко литератураез берыктӥсьёсын пумиськонъёс, «Туала удмурт гожъяськисьёс» мультемедиа биобиблиографической юрттэтлэн, «Ӟеч-а, бур-а, удмурт кыл!» 1–5 классын дышетскись ӟуч пиналъёслы учебно-методической комплекслэн презентациосссы, Федор Пукроковлэн но Вениамин Ившинлэн юбилейёссылы сӥзем ӝытъёс.

 

Клубез ӟечкыланы пумисконэ вуозы: Удмурт Элькун Тӧролэсь ужъёссэ быдэсъясь А. В. Соловьёв, Удмурт Элькунысь лулчеберетъя, печатья но ивортодъя министр В. М. Соловьёв, Удмурт Элькунысь йӧскалык политикая министрлэсь ужзэ быдэсъясь Л. Н. Буранова, Вань удмуртъёслэн «Удмурт кенеш» огазеяськонзылэн президентэз И. Н. Семенов, элькун тодослыко огазеяськонъёслэн ёзчиоссы, издательёс, библиотекаосын ужасьёс.

 

Ужрадын «Удмурт шаер» клублэн кылдэмез сярысь, азьвыл но туннэ нуналъёсыз сярысь, выль ужан амалъёсыз сярысь видеофильм возьматозы; профессиональной но самодеятельной артистъёс сцена вылэ потозы – «Арганчи» арган ансамбль, А. Ишмуратов кубызэн шудоз но мк.; книгаосын адӟытон возьматэмын луоз (монографиос, тодослыко бичетъёс но дышетскон литература, публицистика изданиос но суредъёсын альбомъёс, удмурт авторъёслэн чеберлыко ужъёссы, соос пушкын мукет кылъёсы берыктэмъёсыз но, озьы ик удмур кылэ берыктэмъёс), кудъёсызлэн презентациоосы пӧртэм аръёсы клубын ортчылӥзы.

 

Пумиськонлэн пумаз Удмурт Элькунысь Йӧскалык библиотека клублэн ёзчиосызлы но эшъёсызлы, кинъёс тыршыса пыриськизы клублэсь мероприятиоссэ дасянэ но ортчытонэ, тау карон гожтэтъёссэ кузьмалоз.


Возьмаськомы вань мылкыд карисьёсты.

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru