Версия для слабовидящих

«Чистый город – чистая планета» адӟытонэз усьтон

«Чистый город – чистая планета» адӟытонэз усьтон

3-тӥ инвожое 16:00 часын Удмурт Элькунысь йӧскалык лыдӟиськоннилэн техника но гурт возёсъя ёзэтаз (30 лет Победы ул., 14) «Чистый город – чистая планета» адӟытонэз усьтон ортчоз. Ужрад Экологи кышкытлыкъёслэсь утён нуналъёслы сӥземын

Адӟытонэз усьтон ужрадэ биологи тодосъя доктор, Удмурт кун университетлэн огъя экологи кафедраысь профессор Виктор Васильевич Туганаев пыриськоз, кудӥз «Элькунысьтымы каръёслэн экологи тазалыксы» нимо доклад лыдӟоз. Удуртилэн шоркарезлэн средаезлэн ӟечлыкеныз шугъяськонъёс сярысь вералоз Ижкарлэн администрациысьтыз ӧнерчи Татьяна Николаевна Ермакова. Егитъёслы эколого-правовой валанэз пыӵатон - сыӵе темаен вераськозУдмурт кун университетысь дышетӥсь Лия Наильевна Тукаева.

 

Адӟытонэн тодматоз ужрадэз нуись – Йӧскалык лыдӟиськоннилэн лыдӟисьёсын ужась ёзэтлэн кивалтӥсез Валентина Николаевна Мальцева.

 

Нырысетӥ люкет – «Экология большого города: проблемы и пути их разрешения» – кар экосӧзнэтлэн огъя шуг-секытъёсызлы сӥземын (Г. С. Камерилова «Экология города: урбанизация», Б. Б. Прохоров «Жизненная среда горожан», В. А. Григорьев «Проблемы экологизации городов в мире, России, Сибири» но мк.).

 

Кыкетӥ люкетлэн – «Управление отходами в городской среде» – изданиосыз жуг-жагез быдтонлы сӥземын (К. Сильги «История мусора», А. П. Кашкарова «Отходы – в доходы. Правила и проекты безубыточного хозяйствования», «Вопросы гарбологии на муниципальном и региональном уровне: наука и практика» под ред. В. И. Некрасова но мк.).

 

Адӟытонлэн куинетӥ люкетэз – «Город для комфортной жизни» – кар хозяйствоослэн каръёсты умойгес но вожгес каронэнызы тодматоз, тазалыкез урод карисьтэм туала лэсьтӥськон амалъёсын тодматоз (Г. П. Зарубин «Гигиена города», А. С. Курбатов «Перспективы усовершенствования экологического сопровождения градостроительной деятельности» но мк.).

 

Адӟытонлэн берпуметӥ люкетаз – «Ижевск – мой чистый город» –Удмуртилэн шоркарезлэн экологической югдурез сярысь верась материалъёс возьматэмын . (Л. Р. Яковицкая «О современном состоянии и мерах по улучшению охраны зеленых насаждений города Ижевска»; В. И. Стурманлэн редакциез улсын «Воздушный бассейн Ижевска» статьяосын бичетно мк.).

 

Адӟытон 20-тӥ инвожоозь ужалоз.

 

Возьмаськомы вань мылкыд карисьёсты.

 

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru