Версия для слабовидящих

Лыдӟиськон кунокуа куартолэзе

Лыдӟиськон кунокуа куартолэзе

26-тӥ куартолэзе 18.00 часын Йӧскалык библиотекалэн литературая но искусствоя ёзэтаз (Камский институт гуманитарных и инженерных технологий; В. Сивкова ур, 12 а, 224 бӧл.) Лыдӟиськон кунокулэн выль пумиськонэз ортчоз. Ужрадлэн темаез ­– «PRO-чтение: обзор публикаций журнала "Иностранная литература" за 2013 год».

«Иностранная литература» литературно-художественной журнал трос аръёс ӵоже асьме кунысь лыдӟисьёсмы пӧлын тодмо луиз ини. Совет дыръёсы та одӥг гинэ луонлык вал шунды пуксён палась тодмо гожъяськисьёсын тодматскыны, кудъёсыз цензуралы луыса книгаосын потыны ӧз быгатэ. Журнал кӧня ке сю экземпляръёсын ке но потылӥз, номеръёссэ пась потытозь лыдӟылӥзы.

 

Туннэ «Иностранная литература» «зӧк журналъёс» – Россиысь литературно-художественной периодической изданиос – пӧлын валтӥсез луэ. Со печатла XX даурысь кунгож сьӧрысь тужгес умой классической произведениосты, тодмо писательёслэн выль ужъёсыныз тодматэ, кудъёсызлэн ужъёсыз Россиын ӧз печатлаське на, дунневылысь туала литературной процесслэсь азинскемзэ возьматэ.

 

2013 арысь журналлэн номеръёсаз тодмо литературной преми лауреатъёслэн ужъёссы поттэмын.

 

5-тӥ номераз туала тодмо китай гожъяськисьлэн Мо Яньлэн Нобель лекциеныз тодматскон луонлык вань (Йӧскалык библиотекалэн фондаз солэн «Страна вина» книгаез вань, кудзэ тӥ шумпотыса лыдӟоды но авторлэсь аспӧртэмлыко ӧрзэ шӧдыны быгатоды).

 

Литератураез яратӥсьёслы «Статьи и эссе» но «Писатель путешествует» рубрикаосысь материалъёс тунсыко луозы. XX даурысь гожъяськисьёслэн творчествоенызы пыр-почгес тодматскыны, выль нимъёсын тодматскыны, туала кунгож сьӧр литератураез валаны мылкыд карисьёслы тунсыко луоз «Литературный гид» рубрика. Кылбуръёсты яратӥсьёслы «Вглубь стихотворения» рубрика тужгес яралоз.

 

Возьмаськомы вань мылкыд карисьёсты.

 

Пырон дунтэк.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru