Версия для слабовидящих

Е. Васильевалэн «Малпанлэн шыпыртэмез» бичетэзлэн презентациез

Е. Васильевалэн «Малпанлэн шыпыртэмез» бичетэзлэн презентациез

27-тӥ куартолэзе 17.00 часын «Удмурт шаер» клублэн заседанияз Екатерина Васильевалэн «Малпанлэн шыпыртэмез» бичетэзлэн презентациез ортчоз. Ужрад Йӧскалык но шаетодон литературая но библиографияя центрын (Удмуртская ул. , 264) ортчоз.

Екатерина Владимировна Васильева Удмурт кун университетысь удмурт кылосбуръя факультетэз йылпумъяз, Шаркан ёросысь Быги гуртын вордӥськиз. Школаын дышетскыкуз ик литературной кружоке ветлӥз, аслэсьтыз кужымзэ поэзиын но прозаын эскериз. Соку ик  «Инвис» но «Вестник» район газетъёсын печатласькыны кутскиз, элькун «Ӟечбур!» газетын но «Кенеш» журналын. Кык кылбур бичетэз но «Ӟечбур!» газет редакцилэн юрттэмезъя печатласькиз («Бурдъёсы вордӥсько», 2011; «Малпанлэн шыпыртэмез», 2014).
 
Екатерина Васильевалэн кылбуръёсыз сярысь малпанъёссэс вералозы профессиональной литературоведъёс но критикъёс ­– Удмурт кун университетысь дышетӥсьёс Александр Григорьевич Шкляев, Виктор Леонидович Шибанов, Любовь Петровна Федорова. Егит кылбурчилы юрттыны вуозы эшъёсыз но – литератураын солэн нырысетӥ вамышъёсыз сярысь вераны, выль книгаез сярысь малпанъёсты шараяны, бичетысьтыз кылбуръёссэ лыдӟозы. Пичигес гинэ адӟытон Екатерина Васильевалэсь публикациоссэ возьматоз (кылбуръёссэ, веросъёссэ, эссеоссэ), электрон презентацие пырозы егит авторлэн архивысьтыз туспуктэмъёсыз.
 
Ужрадэ Удмурт Элькунысь йӧскалык политикая  министерствоын ужасьёс но Ваньудмуртъёслэн «Удмурт кенеш» но Удмурт егитъёслэн «Шунды» ассоциациысьтызы ёзчиос, студентъёс пыриськозы.
 
Презентация удмурт кылын ортчоз.
 
Возьмаськомы вань мылкыд карисьёсты.
Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru