Версия для слабовидящих

«Краевед по призванию: к 70-летию Е. Ф. Шумилова» адӟытонэз усьтон

«Краевед по призванию: к 70-летию Е. Ф. Шумилова» адӟытонэз усьтон

18-тӥ инвожое 16.00 часын Удмурт Элькунысь ӥӧскалык библиотекаысь шаертодонъя но финн-угор литературая ёзэтаз (Удмуртская урам, 264-тӥ юрт) «Краевед по призванию: к 70-летию Е. Ф. Шумилова» адӟытонэз усьтон ортчоз.

Евгений Феодорович Шумилов – истори тодосъя доктор, искусствоведени тодосъя кандидат, Росси Федерациысь суредасьёслэн огазеяськонзылэн ёзчиез, Росси Федерациысь архитекторъёслэн огазеяськонзылэ ёзчиез, Ижкарлэн сӥё-дано улӥсез, преподобный Сергий Радонежскийлэн орденэзлэн кавалерез. Удмуртилэн историез сярысь книгаослэн, тодослыко статьяослэн, монографиослэн авторез.

 

Адӟытонлэн нырысетӥ люкетэз – «С любовью к малой родине» – Евгений Шумиловлэсь Удмуртилэн но солэн каръёсызлэн историезъя («Город на Иже», «История нашего края», «Вода для Ижевска» но мк.), Удмуртиысь православилэн историезъя («Православная Удмуртия. История Ижевской и Удмуртской епархии. ХХ век», «Свято-Михайловский собор», «Православные храмы Удмуртии» но мк.), Удмуртилэн архитектураезъя («Архитектура Ижевска», «Первый зодчий Удмуртии» но мк.) ужъёссэ (пӧртэм аръёсы потэм книгаоссэ но периодической изданиосын потэм статьяоссэ) огазея.

 

Кыкетӥяз люкетын – «Простой почетный гражданин» – возьматэмын шаертодосчилэн улэмез но ужамез сярысь печатлосъёс: И. Васильевлэн «Простой почетный гражданин», А. Иртеньевалэн «Хомо Ижевикус: от Дерябина до Сивкова» но «Летописец» , С . Княжиналэн «Ижевские краеведы и профессор Е. Ф. Шумилов как классик краеведения для нашего города», Н. Прокопьевалэн «Певец "села Ижева"» статьяоссы но мк.

 

Ужрадэ Удмурт Элькунысь лулчеберетъя, печатья но ивортодэтъя министерствоысь, Ижкарысь Октябрь ёрослэн кивалтэтысь, Кузебай Герд нимо музейысь ужасьёс, Удмурт кун университетысь дышетӥсьёс, Удмурт Элькунысь суредасьёслэн огазеяськонэзлэн ёзчиосыз, журналистъёс.

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru