Версия для слабовидящих

«Туала удмурт гожъяськисьёс» мультимедиа ӵектослэн презентациез

«Туала удмурт гожъяськисьёс» мультимедиа ӵектослэн презентациез

27-тӥ куартолэзе 16.00 часын Удмурт Элькунысь Йӧскалык библиотекаысь шаертодонъя но финн-угор литературая ёзэтаз (Удмуртская урам, 264-тӥ юрт) «Удмурт шаер» клублэн заседаниез ортчем улсын удмурт но ӟуч кылын «Туала удмурт гожъяськисьёс» мультимедиа биобиблиографической ӵектослэн презентациез ортчоз.

Изданиез Удмурт Элькунысь Йӧскалык библиотекаын ужасьёс дасязы, М. А. Кастрен нимо финн лулчеберетъя огазеяськонлэн Ӵыжы-выжы калыкъёсъя программаез (1994–2012)юрттэмъя, кудӥзлы коньдон Финляндиысь Лулчеберетъя но дышетонъя министерство висъя.

 

2013 арысен М. А. Кастрен нимо огазеяськон ӵошен дасям росси-финн проектъёсты «Финн-угор лулчеберет удысын Россиен ӵош ужан» выль грант сӧзнэт улсын таӵе ӧръёсъя азьланьтэ: «Трос пӧртэм калыкъёс пушкын улӥсь финн-угор калыкъёслэсь лулчеберетсэс утён но азьланьтон»; «Финн-угор калыкъёслэсь кылъёссэс утён но азьланьтон», «Лулчеберет удысын финн-угор герӟетъёсты азьланьтон».

 

«Туала удмурт гожъяськисьёс» мультимедиа биобиблиографической ӵектос луонлын сётэ туала удмурт литературалэн азинскемез сярысь огъя тодон-валан басьтыны но нимысьтыз удмурт гожъяськисьёслэн творчествоенызы тодматскыны. Ӵектосэ 39 авторъёслэн нимъёссы пыризы, котькудӥзлэн бамазы пыро:

 

улэмзы но ужамзы сярысь ивортодэт;

 

авторлэсь гожъяськон манерзэ возьматӥсь произведени люкетъёс;

 

чеберлыко гожъямъёссылэн библиографической описанизы, улэмзы но гожъямзы сярысь потэм публикациослэн описанизы ӟуч но удмурт кылъёсын, кудъёсызъя Удмурт Элькунысь Йӧскалык электрон библиотекаысь быдэстекстъем материалъёс вылэ выжыны луэ;

 

гожъяськисьёслэн архивысьтызы улон но ужан сюресэс возьматӥсь туспуктэмъёс;

 

аудиозапись (улонзы сярысь мадён, кылбуръёссэс яке мукет произведениысь люкетъёсты лыдӟон).


Издание кык форматэн дасямын – онлайн но DVD.

 

Ужрадэ Удмурт Элькунысь Йӧскалык политикая министерствоысь ужасьёс, Удмурт Элькунысь Гожъяськисьёслэн огазеяськонысьтызы ёзчиос, Удмурт кун университетысь дышетӥсьёс, гожъяськисьёс, журналистъёс пыриськозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru