Версия для слабовидящих

Л. Е. Улицкаен но Е. Ю. Гениваен пумиськон

Л. Е. Улицкаен но Е. Ю. Гениваен пумиськон

28–29-тӥ оштолэзе, Удмурт Элькаунысь Йӧскалык библиотекалэн ӧтемезъя, «Ex Libris: библиотеки ХХI века» гуманитарной проектлэн ужрадъёсыз улсын ортчоз ВГБИЛ-эн директореныз Екатерина Гениваен но Людмила Улицкая гожъяськисен пумиськон ортчоз.

2013 арын кутскем «Ex Libris: библиотеки ХХI века» гуманитарной проект библиотекаосысь книга фонд дефицитэз кулэстон бордын, улосвылысь библиотекаосты Россиысь культурно-интеллектуальной центръёс карон бордын ужа. Проектэз дасясьёслэн планазы книга лэзем сяна пыро на тодмо гожъяськисьёсын, лулчеберет удысын ужасьёсын пумиськонъёс ортчытон, книгаосты цифровой кабе поттон но соосты районъёсысь но гуртысь библиотекаосы сётон, улосвыл библиотекаослы ВГБИЛ-лэн цифровой фондэныз ужаны луонлык.

 

Та проект улсын ужрадъёс Ульяновскын, Калининград но Ленинград улосвылъёсын, Кемеровоын, Новосибирскын, Омскын, Курскын но Орёлын ортчизы ини. Удмуртиысь библиотекаос озьы ик чеберлыко но пиналъёслы литератураен 32 комплект басьтозы, котькудаз 75 пумо книгаос пырозы. Тросэз книгаос кык кылын – ӟуч но кунгож сьӧр кылъёсын. «Ex Libris» координаторъёс, книгаосты люкакузы, исторической но юбилейной датаос вылэ пыкъяськизы: Нырысетӥ дунне ож кутскон дырысен 100 ар тырмон, М. Ю. Лермантовлэн вордскем дырысеныз 200 ар тырмон, Шекспирлэн но Микеланджелолэн 450 арес тырмемзы.

 

Та проектэн тодматоз одӥгез организаторез –ВГБИЛ-эн гендиректорез Екатерина Юрьевна Гениева – тодос но мер удысысь тодмо ужась, филологи наукаосъя кандидат, педагогика наукаосъя доктор, Росси Федерациысь Лулчеберетъя министерстволэн Лулчеберетъя мер кенешезлэн ёзчиез, Калыккуспо библиотекая федерацилэн вице-президентэз, ЮНЕСКО ужпумъёсъя Росси Федерациысь комиссилэн ёзчиез. 28-тӥ оштолэзе 10.00 часын «Park Inn by Radisson» отельлэн конференц-залаз пумиськонын Е. Ю. Гениева «Борхес – великий библиотекарь» нимо лекция лыдӟоз. 29-тӥ оштолэзе Е. Ю. Гениева Пичи Пурга ёросысь Ильинск черкогуртысь библиотекае ветлоз. Со Пичи Пурга, Сарапул, Завьял но Кияса ёросъёсысь библиотекарьёслы «Образ библиотеки ХХI века» нимо лекция лыдӟоз. Ужрад Пичи Пургалан ёрос Лулчеберет юртын ортчоз.

 

Людмила Улицкаен пумиськон ортчоз 28-тӥ оштолэзе 12.30 часын «Park Inn by Radisson» отельлэн конференц-залаз но 15.30 Удмурт кун университетлэн актовой залаз. Гожъяськисьлэн ужъёсыныз тунсыкъяськисьёслы автограф-сессия ортчытэмын луоз.

 

Ужрадъёсын «Ex Libris: библиотеки ХХI века» адӟытон ужалоз, кытын возьматэмын луозы элькунысьтымы библиотекаослы кузьмано книгаос но «Литературный гид», кудӥз Л. Е. Улицкаялэн творчествезлы сӥземын.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru