Версия для слабовидящих

Н. Д. Украинецлэн «Чашу жизни испить до дна (о Н. А. Мацулевич)» книгаезлэн презентациез

Н. Д. Украинецлэн «Чашу жизни испить до дна (о Н. А. Мацулевич)» книгаезлэн презентациез

15-тӥ оштолэзе 17.00 часын Удмурт Элькунысь Йӧскалык библиотека Н. Д. Украинецлэн «Чашу жизни испить до дна (о Н. А. Мацулевич)» книгаезлы презентация ортчытэ, кудӥз 2014 арын «Бон Анца» книгапоттонниын Белоруссиын немец-фашист оккупацилэсь мозмем дырысен 70 арес тырмонэзлы сӥзьыса поттэмын. Ужрад Гуманитарной но инженерной технологиосъя Кам институтын (В. Сивкова ур., 12 а, 224 бӧл.) ортчоз.

Книгалэн авторез – Николай Дмитриевич Украинец, ужезлэсь мозмытскем полковник, али – «Батьковщина» белорус лулчеберетъя огазеяськонлэн тӧроез. Россиысь гожъяськисьёслэн огазеяськонзылэн ёзчиез, Удмурт Элькунысь кун премилэн лауреатэз, Удмуртиысь тодмо адямиос сярысь книгаослэн авторез (РСФСР-ысь сиё-дано лэсьтӥськись Н. Н. Шишкин сярысь, Ю. Д. Маслюков политик сярысь, З. А. Богомолова литературовед но критик сярысь но мк.)

 

Н. Д. Украинецлэн берпуметӥ ужез Быдӟым Атыкай ожлэн кышкыт дыръёсызлы сӥземын. Книгалэн валтӥсь героез, Нина Мацулевич, – Белоруссиын вордӥськем адями, али Сарапулын улӥсь, туж паймымон улон сюрес ортчем адями. Нина Антонова Сухоплюева (Мацулевич) – ӧжытэз пӧлысь одӥгез, кин улэп кылиз. Ож бере тыршыса ужаз Удмурт Элькунлэн Сарапул караз, будэтӥз пиналъёссэ но шумпотэ нунокъёсызлы. Сюлмыз вӧсь луыса ик со тодаз вае азьвыл улонзэ.

 

Презентациын «Судьба белорусского народа в XX веке» книга адӟытон ужалоз. Нырысетӥ люкетысь книгаос – «Белорусский народ в эпоху социальных потрясений» – кылем даурлэн кутсконаз луэм учыръёсты возьматэ. Кыкетӥез ёзэт – «Беларусь в годы Великой Отечественной войны». Возьматэмын энциклопедиос, ожгар историкъёслэн эскеронъёссы, тодэ ваёнъёс но чеберлыко литература.
«Стабильность, развитие, сотрудничество: место белорусского народа в современном мире» – озьы нимаське адӟытонлэн куинетӥ люкетэз, кытын ож бере БССР-лэн, нош берлогес ини нимысьтыз Беларусь Элькунлэн (экономика, политика но лулчеберет ӧръёс, Россиын ӵошен ужамъёссы, СНГ-е пыриськемзы) азинскемез возьматэмын.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru