Версия для слабовидящих

Борис Заходерлэн вордскемез дырысен 100 ар тырмонлы

Борис Заходерлэн вордскемез дырысен 100 ар тырмонлы

10-тӥ-26-тӥ куарусёнэ кунгожсьӧр кылъёсъя литературая ёзэтын (Удмурт урам, 264-тӥ юрт) ужа «Мастера перевода» циклысь Борис Владимирович Заходерлэн вордскемез дырысен 100 ар тырмонлы сӥзем адӟытон.

Нылпи кылбурчи, прозаик, кылысь кылэ берыктӥсь, нылпи литературалэн историяз Борис Заходер кунгожсьӧр литератураысь троссэ шедевръёсты берыктӥсь луыса пыриз (тросэз ик нырысьсэ ӟуч кылын печатласькизы). Соос пӧлын Алан Милнлэн «Винни-Пух и все-все-все», Памела Трэверслэн «Мэри Поппинс», Льюис Кэрроллэн «Приключения Алисы в Стране Чудес» повестьёссы, Карел Чапеклэн но Гримм агай-вынъёслэн выжыкылъёссы, Джеймс Баррилэн «Питер Пэн» пьесаосыз, Ян Бжехвалэн, Юлиан Тувимлэн, Ян Грабовскийлэн кылбуръёссы но мукет.

 

Аслэсьтыз берыктэмъёссэ Заходер пересказ шуылӥз – озьы ик нимаз тужгес но тодмо луэм Винни-Пух сярысь берыктэмзэ, кудӥз нылпиослы но бадӟымъёслы но кельше. Милн сярысь Заходер «быдӟым писатель» шуиз но будэтӥз: «Мон зэмзэ но “Винни-Пух” сярысь ӟуч сямен гожтӥ. Тырши озьы гожтыны, кызьы, мынам малпамъя, автор гожтысал, ӟуч кыл солэн вордскем кылыз ке луысал». Кылсярысь, плюш гондырпилэсь кричалкаоссэ, вопилкаоссэ, шумелкаоссэ но сопилкаоссэ Заходер ачиз малпаз – оригиналаз соос ӧвӧл. (США-ын Заходерлэсь книгазэ факсимиле сямен печатлакузы, гожтэмын вал, та «ӟуч литературалэн балетэз»! шуыса)

 

Нош писательлы котьку но тужгес но кельшиз Иоганн Вольфганг Гете. Заходер сое быдэс улонэз ӵоже берыктӥз но котькуд статьяосаз сое гажаса нимаз «Мынам Лушкем Кенеш сётӥсе». Гетелэн книгаез Заходерен валче вань ожъёс пыр потӥз (Борис Владимирович нырысь доброволец луыса финн ожын, нош собере Быдӟым Атыкай войнаын ожмаськиз). Заходер кулэм бере кузпалыз Галина Заходер берыктэмъёссэ нимысьтыз книгаен поттӥз.

 

Адӟытонэ пыртэмын оригинал кылын книгаос но кыллы усточилэн Борис Владимирович Заходерлэн ӟуч кылэ берыктэмъёсыз. Винни-Пух сярысь книгалэн кӧня ке изданиосыз возьматэмын: карикатуристлэн но Алан Милнлэн «соавторезлэн» Эрнест Хауард Шепардлэн иллюстрациосыныз – соос пыризы нырысьсэ англи кылын 1962-тӥ арын печатлам книгае; Россиысь калык суредасьлэн Борис Аркадьевич Диодоровлэн «Дом» издательство понна дасям суредъёсыныз книга; Мускоен но Ижкарен валче поттэм книга, кудӥз кутске аслаз Борис Заходерлэн «Юбилейной изданиелы азькыл» шуыса гожтэменыз.  

 

Озьы ик адӟытонэ пыриз Заходерлэн статьяосыныз книгаез, кудаз со гожтэ нылпиослы берыктэмъёс сярысь но – «Заходерзости» (писатель кулэм бере нырысьсэ печатламын вал), Гетеысь берыктэм нырысетӥез кылбурез, кудӥз потӥз «Новый мир» журналын 1966-тӥ арын но мукет.  

 

BZ 2

Яндекс.Метрика

Возник вопрос?

Будем рады вам помочь
Подробнее