Версия для слабовидящих

«Синпӧртмась эмъян турын: паросысен экстрактозь»

«Синпӧртмась эмъян турын: паросысен экстрактозь»

3-тӥ–31-тӥ куарусёнэ Йӧскалык лыдӟетъюртысь техникая но гурт удыс литературая ёзэтын (30 ар Вормонлы ульча, 14-тӥ юрт) ужа «Синпӧртмась эмъян турын: паросысен экстрактозь» («Магия лекарственных растений: от зелья до экстракта») адӟытон.

Вашкалаысен адямиос будосъёслэсь эмъяны но тазалыкез юнматыны быгатонлыксы сярысь тодӥзы: та сярысь тодон-валан ымысь ыме, пельысь пеле вӧлдӥськиз. Озьы верало мифъёс, легендаос, мадькылъёс. Гожъяськон кылдэм бере эмъян турынъёс сярысь гожъяны кутскизы. Вашкала философъёс но эмчиос Гиппократ, Диоскорид, Плиний, Гален но мукетъёс ужъёсазы будосъёслэн эмъян кужымзы сярысь трос тунсыкозэ гожтӥзы. Нырысетӥез ӟуч «Травник» печатламын вал 1588-тӥ арын.

 

Эмъян будосъёсыз эскеронын но эмъюмъёсты кылдытон ужын бадӟым инты басьтэ 1931-тӥ арын кылдытэм Союзысь Эмъян будосъёсты эскерись институт (али нимаське Россиысь эмъян но ческыт зыно будосъёсты эскерись тодос институт (Всероссийский научно-исследовательский институт лекарственных и ароматических растений).

 

Адӟытонын возьматэмын трос пӧртэм справочникъёс, кудъёсыз тодматозы лыдӟисьёсыз эмъян будосъёслэн дуннеенызы, будослэсь эмъюм лэсьтон рецептъёсын.

 

Адӟытонысь одӥгез тунсыко книга – «Лекарственные растения в народной медицине». Авторез – Михаил Андреевич Носаль священник (ужез пиеныз И. М. Носален валче гожтэмын) – 45 ар ӵоже эмъясь турынъёсты эскериз но люказ. «Асме валаны кутскем бере мон эмтурынъёсты люканы кутски, - тодаз вае вал со, – сак эскерисько котькуд будослэсь эмъяны быгатон кужымзэ. Священник луыса гуртын служить кари  <...> Куке кар гуртлэсь 50 иськемлэсь кыдёкын интыяськемын, волостьысь фельдшер доры 24–30 верста мыныны кулэ, нош адями секыт висе, котырын нюр но тулыс тудву, мар борды кутскод на, эмъясь будос борды сяна  <...> Мон трос пол адӟи, кызьы будослэн кужымез адямиосты кулонлэсь мозмытӥз». Калык фитотерапевтлэн но будос будэтӥсьлэн тодон-валанэз возьматэмын таяз книгаын.

 

Эм удысын, пудо-животэз эмъянын кутӥськись кыксюлэсь ятыр будосъёс сярысь, соосты бичан, куасьтон но возён, будослэсь лэсьтэм эмъюмез кутон сярысь тодон-валан шедьтыны луэ Л. Я. Скляревскийлэн, И. А. Губановлэн «Лекарственные растения в быту»; П. С. Чиковлэн «Лекарственные растения»; С. Г. Шамруклэн «Лекарственные растения» книгаосысь но мукет справочникъёсысь.

 

Асьме нюлэсъёсысь эмъян будосъёс но оскымонэсь. Е. Д. Солодухинлэн «Аптека в лесу» книгаяз гожтэмын ог 200 эмъян будосъёс сярысь, пусъемын будон интыосыз, химической составзы но бичан вакытсы.

 

Тросэз сад-бакча возисьёс будэто эмъян будосъёсты. Тодон-валанзы сярысь но валэктыны дась (В. С. Лихаревлэн «Удивительное на грядке», Г. П. Лятохолэн «Лекарственные растения на своем участке» книгаосыз). Кылсярысь, кызьы будэтоно тужгес тодмо луэм, 3000 ар ӵоже эмъянын кутӥськись будосэз – женьшенез (В. А. Борисевичлэн «Женьшень на грядке»; М. А. Басовалэн «Женьшень на вашем огороде»; А. А. Малышевлэн «Женьшень» книгаосыз).

Яндекс.Метрика

Возник вопрос?

Будем рады вам помочь
Подробнее