Версия для слабовидящих

«Россиысь калыкъёслэн туала литературазы. Кылбурет» выль антология

«Россиысь калыкъёслэн туала литературазы. Кылбурет» выль антология

Йӧскалык лыдӟетъюртэ вуиз «Россиысь калыкъёслэн туала литературазы» выль антологиялэн (М., 2017. – 568 б.) нырысетӥ томез («Поэзия»). Со печатламын Россиысь калыкъёслэн литератураоссылы юрттэт сётонъя Программа улсын. 

2017-тӥ арын та издание вормиз арлы быдэ ортчись «Арлэн книгаез» йӧскалык конкурсын. Антологилэн кылкутӥсь редакторез Максим Амелин данъет басьтӥз XXX Мускоысь калыккуспо книга адӟытонын-ярмаркаын.

 

Антологие пыризы 1991-тӥ ар бере гожтэм но печате поттэм 57 кылын кылбуръёс, кудъёссэ гожтӥз пӧртэм арлыдъем 229 автор. Со сяна книгае пыризы ӟуч кылэ чеберлыко берыктэмъёс. Тросэз текстъёс нырысьсэ нимысьтыз антология понна берыктэмын туала ӟуч кылбурчиосын, кудъёсыз азинто туала берыктон школалэсь традициоссэ.

 

Антологилэн котькуд люкетэз кутске Россиысь калыклэн литературной кылыз но кылбурет традициосыз сярысь очерк бордысен. Книга йылпумъяське авторъёс сярысь вакчи биографической справкаосын.

 

«Проектэз улонэ пыӵатон понна кулэ луиз ар но ӝыны ӵоже дасяськыны. Кун властьлэн, улосвылъёсысь но шоркарысь творческой но тодос интеллигенцилэн валче ужамез ӟеч емыш сётӥз. Антологиез дасянэ пыриськиз кунысьтымы 800 адями  (Роспечатьлэн пресс-службаез). Вераны кулэ, удмурт кылбуретъя улосвыл редакционной кенеше пыриськиз Йӧскалык лыдӟетъюртмылэн директорез Татьяна Владимировна Тенсина.

Яндекс.Метрика

Возник вопрос?

Будем рады вам помочь
Подробнее