Версия для слабовидящих

«Асьме ӧсэ йыгасько. – Кин отын? А буква но сӥзьыл – autumn»

«Асьме ӧсэ йыгасько. – Кин отын? А буква но сӥзьыл – autumn»

9-тӥ куарусёнозь Йӧскалык лыдӟетъюртысь кунгожсьӧр кылъёсъя ёзэтын «Асьме ӧсэ йыгасько. – Кин отын? А буква но сӥзьыл – autumn» адӟытон ужа. Со дасямын покчи лыдӟисьёс но анай-атайёссы понна.

Ӝоген выль дышетскон ар вуоз ни, тросэз нылпиос нырысьсэ кутскозы англи кылэз дышетыны. Нош кылэз дышетыны луоз-а, алфавитэз тодытэк?

 

Алфавит, нырысь ик, котькуд кыллэн дӥнез луэ, англи кыллэн гинэ ӧвӧл. Аlphabet  англи кыл латыньысь потэмын, нош отчы со вуиз грек алфавитысь, нырысетӥ но кыкетӥ букваоссэ – альфаез (alpha) но бетаез (beta) ӵош карыса. Англи алфавитын 26 буква – кудӥныз 40 пӧртэм куара возьматыны луэ.

 

Нялтас вераса, англи кылэз тодӥсьёслы ӵемгес алфавит кулэ луэ. Гожтэм кыл но сое куараен шара веран ӵемгес ог-огзылэсь висъясько. Куке англи адямилы аслэсьтыз фамилизэ, тодмотэм инты нимез, кушето кылэз вераны кулэ луэ, солы кылысь котькуд буквазэ верано (со нимаське to spell). Соин англи алфавитысь букваосты одно ик тодыны кулэ.  

 

Асьме лыдӟисьёслы, кудъёсыз англи кылэз дышетыны кутско гинэ, ми ӵектӥськом англи алфавитэз дышетонъя книгаосын сериез – соос кыллы дышетозы, кыӵе ке арбериез сак синйылтон, сое кутыса, шӧдон амал пыр. Адӟытонысь Россиын но кунгожсьӧрын печатлам книгаосын тодматскыны луоз. Соос пӧлын – алфавитъя сётэм пӧйшуръёслэн туспуктэмъёсынызы книгаос, мадиськонъёсын книгаос, рифмовкаосын книгаос, раскраскаос, книга-прописьёс но Татьяна Ивановна Ижогиналэн. «Пӧртмаськись букварикез». Котькуд книга усто суредъёсын чебертэмын.

Яндекс.Метрика

Возник вопрос?

Будем рады вам помочь
Подробнее