Версия для слабовидящих

«Книжная среда» лыдӟиськон кунокуа гудырикошконэ

«Книжная среда» лыдӟиськон кунокуа гудырикошконэ

17-тӥ гудырикошконэ 19.00 часэ Кар проектъёсъя «Лифт» штабын (Пушкин урам, 216-тӥ юрт) Йӧскалык лыдӟетъюртлэн «Книжная среда» лыдӟиськон кунокуаяз ортчоз Татьяна Репиналэн выль кылбур бичетэныз тодматскон.

Татьяна вордскемын Ижын, быдэстӥз Удмурт кун университетысь кылосбур факультетэз но Краков университетысь культурология факультетлэсь магистратуразэ. Поляк кылъя но кунгожсьӧрысь муртъёс понна ӟуч кылъя дышетӥсь, кылысь кылэ берыктӥсь, дуннеез котыръясь, Егит писательёслэн калыккуспо форумезлэн стипендиатэз (Муско), кылбуретлы сӥзем проектъёсты но программаосты радъясь, «Брезентовая цапля» (Ижевск) кылбур лыдӟонъёсы, «Маяк» (Петыркар) кылбуретлы сӥзем фестивале, туала кылбуретлы (Вологда) сӥзем фестивале, «Этажи» (Белгород) искусствоосъя фестивале но мукет литературая форумъёсы пыриськись.

 

Т. Репиналэн «Монография: пишет один человек» (Ижевск, 2013) но «Без глав» (С.-Пб., 2014) нырысетӥ книгаосыныз милям библиотекаын тодматскыны луоз. Татьяналэн вотэсысь публикациосыз потэмын «Стихи.ру» вотэсбамын но «Контактысь» бамаз «Та. Репина» кушем ним улсын.

 

«Плотность воздуха» (С.-Пб., 2018) нимо куинетӥ книгаеныз Татьяна ужрадэ лыктэм калыкез тодматоз поляк куноен валче. Паулина Скорупска – актриса, «Николи» (Краков) театре пыриськись, перфомер, ӟуч но поляк кылъёслы дышетӥсь. Презентацилэн программаяз: выль книгалэсь вордскемзэ пусъён, крезьгур но кылбурет композиция но «Акробатка» кык кылын поляк программалэн фрагментэз.

 

Вань мылкыд карисьёсты ӧтиськом.

Пыронэз дунтэк.


P. S. Ужрад дыръя «Плотность воздуха» бичетэз басьтыны луоз.

Яндекс.Метрика

Возник вопрос?

Будем рады вам помочь
Подробнее