Версия для слабовидящих

«Джеймс Олдридж. Пичи дырлэн суредъёсыз» книга адӟытон

«Джеймс Олдридж. Пичи дырлэн суредъёсыз» книга адӟытон

20-тӥ пӧсьтолэзёзь Йӧскалык лыдӟетъюртын (Удмурт урам, 264-тӥ юрт) «Джеймс Олдридж. Пичи дырлэн суредъёсыз» адӟытон ужа. Со писательлэн вордскемез дырысен 100 ар тырмонлы сӥземын.

Адӟытонэ поттэмын кунгожсьӧр кылъёсын литературая ёзэтысь книгаос – мӧйыослы но нылпиослы ӟуч но англи кылын романъёс, повестьёс но веросъёс.

 

Джеймс Олдридж (James Aldridge, 1918–2015) – англи гожъяськись но азьветлӥсь, вордскиз но будӥз Австралиын, кытын тросэзлэн книгаосызлэн геройёсыз уло. Олдриджлэн книгаосыз 50-тӥ–80-тӥ аръёсы, ӟуч кылэ берыктыса, бадӟым тиражен потӥзы, малы ке шуоно писательлэн Совето Союзлы синмаськемез сярысь тодмо вал. Оло, соин но Шундыпуксён палан со саюлынгес кылиз.

 

60-тӥ аръёсысен кутскыса, Олдридж улонэз ӵоже нылпиос понна гожъяз. Писатель нылпи дуннелы саклык висъя, адямилэсь улэмзэ-вылэмзэ но сямезлэсь кыдан сюрессэ ӟечгес валэктон понна. «Мынам книгаосам валтӥсь тема котьку одӥг – быръён. Сюресэз быръён, вамыш лэсьтыны амалэз быръён, дунне валанэз быръён».

 

Экспозицие пырем книгаос пӧлын: Джеймс Олдриджлэн пичи шедеврез – «Берпуметӥ дюйм» (“The Last Inch”), тужгес но тодмоез гожтэм ужез – «Чигем энер» (“The Broken Saddle”) – куанер пияш но солэн пониез сярысь сюлэмез позыртӥсь кузьмадёс; «Спорт пумысен ӵектос» (“A Sporting Proposition (Ride a Wild Pony”); «Лилли Стьюбек сярысь зэмос веран».(“The true Story of Lilli Stubeck”). Со сяна веросъёс – «Нюлэс ярдур палась пи», «Нюлэс ярдур палась пилэн вормонэз», «Атайлэн коӵоез», «Акула понна четлык». Писательлэн произведениосыз адямиез яратонэн пыӵамын но улонын тужгес но дуно луись кусыпъёс сярысь мадё.  

Яндекс.Метрика

Возник вопрос?

Будем рады вам помочь
Подробнее