Версия для слабовидящих

«Сербско-русский круг»: Йӧскалык лыдӟетъюртлэн фондаз выль книгаос вуизы

«Сербско-русский круг»: Йӧскалык лыдӟетъюртлэн фондаз выль книгаос вуизы

Йӧскалык лыдӟетъюртысь кунгожсьӧр кылъёсъя ёзэтэ вуизы «Вахазар» книгапоттонниен кузьмам выль книгаос.

Нырысь ик, со Осип Мандельштамлэн, Николай Гумилевлэн, Владимир Маяковскийлэн, Николай Заболоцкийлэн, Леонид Мартыновлэн но Арсений Тарковскийлэн быръем произведениосынызы бичетъёс. Котькудаз бичетын ӟуч кылбуръёс вӧзы серб кылэ берыктэмез сётэмын. Книгаос потӥзы «Русско-сербская поэтическая библиотека: классика» сериын.

 

Кык выпускен (2016-тӥ–2017-тӥ но 2017-тӥ–2018-тӥ ар понна) чеберлыко литературалы сӥзем «Сербско-русский круг» альманахе пыризы  ӟуч но серб кылбурчиослэн В. Хлебниковлэн, Н. Гумилевлэн, Д. Хармслэн, К. Симоновлэн, Ю. Шевчуклэн, А. Шараповалэн, Д. Якшичлэн, Р. Караджичлэн, М. Диздарлэн гожъямъёссы, Исидора Секуличлэн но Душана Радовичлэн прозаез, Синиша Ковачевичлэн но Миодрага Булатовичлэн драмаез. Со сяна, котькуд книгаын мукет славян литературалы сӥзем бамъёс вань: таяз радэ куноос луизы Македониысь Влад Урошевич но Хорватиысь Мирослав Крлеж писательёс.

 

Нимысьтыз изданиен (вордскем кылын но ӟуче берыктыса) потӥзы серб кылбурчилэн, прозаиклэн но литературая критиклэн Мирослав Алексичлэн кылбуръёсыз («Лабиринт» бичет).

 

«Вахазар» книгапоттоннилэн ӟеч ужезлы луыса, Йӧскалык лыдӟетъюртысь кунгожсьӧр кылъёсъя ёзэтлэн фондаз витетӥ арзэ ини вуо туала серб но мукет авторъёслэн книгаоссы. Бадӟым тау таӵе юрттэт понна кылосбур тодосъя докторлы, РАН-лэн Дунне литературая институтысьтыз валтӥсь ӧнерчилы, литературовед-славистлы но кылысь кылэ берыктӥсьлы Андрей Борисович Базилевскийлы, книгапоттонилэн кивалтӥсезлы.

Яндекс.Метрика

Возник вопрос?

Будем рады вам помочь
Подробнее