Версия для слабовидящих

Йӧскалык лыдӟетъюрт Гербер празднике пыриське

Йӧскалык лыдӟетъюрт Гербер празднике пыриське

12-тӥ инвожое Йӧскалык лыдӟетъюрт пыриське Гербер удмурт калык празднике. Шулдыръяськон ортчоз Ижкарысь «Кызьпу арама» паркын 12.00 часысен.

Туэ Гербер сӥземын Россиысь удмуртъёслэн огазеяськон ужзылэн кутскемез дырысен  сю ар тырмонлы.

 

Йӧскалык лыдӟетъюртэн дасям программаын:

  • «Библиотекалэн историез – элькунлэн историез» адӟытон,
  • «Удмуртия сярысь тодон-валанмес будэтӥськом» визь сынан,
  • Кузебай Гердлэсь но Ашальчи Окилэсь кылбуръёссэ пӧртэм кылын лыдӟон,
  • Авторъёс понна «эрико микрофон»,
  • Удмуртиысь кылбурчиосын но писательёсын пумиськон но автограф-сессия,
  • Йӧскалык лыдӟетъюртысь Сукыр но ляб адӟись муртъёс понна библиотечной уж радъянъя улосвыл центрлэн мастер-классъёсыз: «Мылкыд мастерской», «Ваньзылы ярамон шудон» (мастер-классъёсын котькуд мылкыд карись пыриськыны быгатэ – котькыӵе арлыдъем но ужен вырись). 

 

Пумиськонэ пыриськозы: Удмуртиысь калык писательёс Вячеслав Ар-Серги но Василий Михайлович Ванюшев, писательёс но журналистъёс Татьяна Чернова, Любовь Тихонова, Семен Карпов, Сергей Жилин, озьы ик егит авторъёс – Дарали Лели, Богдан Анфиногенов, Оксана Бисар но мукет. Кылбурчи но крезьгурчи Николай Мерзляков аслэсьтыз кырӟанъёссэ быдэстоз.

 

Яндекс.Метрика

Возник вопрос?

Будем рады вам помочь
Подробнее