Версия для слабовидящих

Омар Хайямлэн вордскемез дырысен 970 ар тырмонлы

Омар Хайямлэн вордскемез дырысен 970 ар тырмонлы

3-тӥ инвожоозь кунгожсьӧр кылъёсын литературая ёзэтын (Удмурт урам, 264-тӥ юрт) ужа «Солы ин сётӥз зэмлыкез тодыны: Омар Хайямлэн вордскемез дырысен 970 ар тырмонлы» книга адӟытон

Гийас ад-Дин Абу-л-Фатх Омар ибн Ибрахим Хайям – тазьы гожтӥське Шундыӝужан палъёсысь тужгес но тодмоез кылбурчилэн, рубаи (рубайят) философи ньыльчуръёслэн авторзылэн быдэс нимыз.

 

Омар Хайям куамын ар ӵоже улон сюрессэ ортчыса, кылбур гожъяны кутскиз. Ас вакытысьтыз тодмо математик, астроном но философ, со кылбурет борды басьтӥськиз, соин огвакытэ улэм муртъёслэн гожтэмзыя, тодос эскеронъёсын но философской малпанъёсын вырон дыръяз. Солэсь вакчи но мур пуштросъем ньыльчуръёссэ тодэ вань дуннеысь калыкъёс.

 

Россиын Хайямез ӟуч кылэ берыктыны кутскизы XIX даур пуме. Туннэ солэсь рубайятзэ берыктэмъёс туж трос, нош тужгес но тодмо кылбуръёсыз али но берыктӥсьёсты бордазы кыско.  

 

Адӟытонын тодматскыны луоз Омар Хайямлэн творчествоеныз ӟуч, англи но карачаевской кылъёсы берыктэмъёс пыр. Фарси ньыльчурез ӟуче берыктӥзы чеберлыко берыктон удысысь усточиос Владимир Державин, Исмаил Алиев, Николай Стрижков, Иван Тхоржевский, Осип Румер, Константин Чайкин.

 

Адӟытонысь тужгес но тунсыко ужъёс – Омар Хайямлэн тодмо «Робайят» кылбурен гожтэм визьноданъёсын фарси но ӟуч кылын потэм бичетэз; «Англи но америка кылбурет антология», кудаз пыртэмын Хайямлэн ньыльчуръёсыз, берыктӥсез – Эдвард Фицджеральд (солы луыса англи кылын вераськись дунне тодматскиз перс кылбурчилэн творчествоеныз); кылосбур тодосъя докторлэн Софья Львовна Кагановичлэн тунсыко «Переводчик в прозе – раб, переводчик в поэзии – соперник» cтатьяез (дышетон но амалтодослыко «Литература» журнал 2016 г.), кудаз со эскере Хайямлэсь тодмо луэм ньыльчурезлэсь кӧня ке берыктэмъёссэ.

 

Экспозицие пыртэмын Шундыӝужан палась быдӟым кылбурчилэн улэмез но творчествоез сярысь книгаос но.  

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru