Версия для слабовидящих

«Книжная среда» лыдӟиськон куа куартолэзе

«Книжная среда» лыдӟиськон куа куартолэзе

30-тӥ куартолэзе 18.00 часэ Удмурт кун филармонилэн пичи залаз (Пушкин ульча, 245) «Книжная среда» лыдӟиськон куа ортчытоз «Удмуртиысь туала кылбурет альманахлэсь#1» презентацизэ.

Альманахлэн нырысетӥ выпусказ 10 егит кылбурчилэн кылбуръёсыз пыризы. Авторъёсыз – Егор Завгородний, Катька Растягаева, Богдан Анфиногенов, Анастасия Шумилова, Юрий Бражник, Дарья Нестерова, Анна Глухова, Ирина Кадочникова, Александр Митряков, Таня Репина. Куд-огез али палэнын уло, но ваньзэсты огазеяло вордскем палъёс но литературалэн улоназ мыло-кыдо пыриськемзы.  

 

Книга потӥз «ПоэтUp» Граждан кылбуретлэн штабезлэн кичӧлтэмезъя. Бичет печатламын кык арня куспын, калыклэсь уксё люкаса, нош тусбур, леттеринг но верстка понна сётэм коньдон книгаез вузаса берытскоз. Кызьы шуиз Штаблэн идеологез Герман Суслов, бичетэн «табыш поттыны уз луы: ужбергатӥсьлэн синмыныз учкыса, со, котькуд искусство сямен ик, коньдон уг вайы, – но солэн дунлыкез лыдъянтэм бадӟым. Бичетэ пыриськем авторъёслэн аудиторизы геометрической прогрессиен будэ. Со огинэ каре – кылбурчиосыз, мерез, кылбурет пыр ӟуч но удмурт кылэз.

 

Редколлегилэн одӥгез ёзчиез, Литинститутысь аспирант Андрей Гоголев шуэ, альманахе кылбур быръён тодос принциплы матын вал: филологъёс, лулчеберет удысысь азьветлӥсьёс но туала кылбуретэз дунъясьёс бырйизы авторъёсты но, текстъёссэс но. Бичетлэн ӝыныез гинэ – авторъёсын дэмлам кылбуръёс. Редколлегие пырись муртъёс бырйизы мукетъёссэ, соослэн малпамзыя, тужгес но кулэ луисьёссэ текстъёсты. Озьы, редколлегилэн ёзчиосыз но авторъёс куспын со яке та кылбур понна куара сётон ортчытэм бере, бичетлэн пуштросэз пӧрмиз.  

 

Презентациын альманахе пыриськем поэтъёс кылбуръёссэс лыдӟозы. Нош учкисьёс авторъёслэсь декламацизэс кылзозы, юанъёс сётыны быгатозы, Удмуртилэн туала кылбуретэз сярысь тодон-валан басьтозы. Ужрад дыръя альманах но егит поэтъёслэн мукет кылбур бичетъёссы вузаськозы.

 

Озьы ик «Les Partisans», «IzhDocTheater» но «Догма» егитъёслы театръёсысь актеръёс альманахысь кылбуръёсты крезьгур чузъяськем улсын лыдӟозы.

 

Вань мылкыд карисьёсты ӧтиськом.

Пыронэз дунтэк.

Яндекс.Метрика

Возник вопрос?

Будем рады вам помочь
Подробнее