Версия для слабовидящих

«Выль книгаос, выль нимъёс (Можга ёрослэн литератураезлы сӥзем нуналъёслы)

«Выль книгаос, выль нимъёс (Можга ёрослэн литератураезлы сӥзем нуналъёслы)

Южтолэзь ӵоже Йӧскалык но шаертодон литературая но библиографияя Центрын (Удмурт урам, 264-тӥ юрт) ужа «Выль книгаос, выль нимъёс» адӟытон, кудӥз дасямын Удмурт Элькунын Можга ёрослэн литератураезлы сӥзем нуналъёслы.

2018-тӥ арын Удмурт Элькунысь муниципал кылдытэтъёслэн литературазылы сӥзем нуналъёс» проектлэн эстафетаез сётэмын Можга ёрослы. 30-тӥ южтолэзе Можга ёрослэн литератураезлы сӥзем нуналъёсты сӥё-дано усьтозы.

 

Можга музъем дано гожъяськисьёсын узыр. Татын вордскиз Удмуртиысь калык писатель Трофим Архипов, прозаик Михаил Коновалов, удмурт драматургилэн классикез Игнатий Гаврилов, поэт но режиссер Михаил Покчи-Петров, драматург Анатолий Григорьев, кылбурчи Анатолий Леонтьев, писатель но журналист Григорий Данилов, егит, но тодмо луэм Андрей Гоголев но мукетъёс.

 

Адӟытонэ поттэм ужъёслэн авторъёссы – профессиональной писательёс ӧвӧл. Соос пӧртэм арлыдо, пӧртэм интыосын ужало, но ваньзэсты огазея литературной творчествоез яратон. Ваньмыз, мар сярысь соос гожъяло, валамон но матын луэ котькинлы: вордскем гурт, городлэн яратоно ульчаосыз, семьялэн шунытэз, оскымон эшъёс.

 

Адӟытонын возьматэмын удмурт кылъя но литературая дышетӥсьёслэн книгаоссы – Л. В. Чукаревалэн «Улон гердъёс» но Р. И. Рыловалэн – «Ог-огмылы пальпотом», Пычас шоръёзо школаысь историяя но англи кылъя дышетӥсьлэн Н. Н. Емельяновлэн «Дано, дуно... нимъёс уно» бичетъёссы. Берпуметӥез автор бичетаз, кылбуръёс сяна, пыртэм матысьёсызлы сӥзем чуръёс, удмуртэ берыктэм ӟуч калык выжыкылъёсты, нылпиослэсь творческой ужъёссэ.

 

Можга медколледжысь азьвыл дышетӥсьлэн Ринат Рахманович Шакировлэн «Можгинский край родимый...» (2013) книгаез пӧртэм жанрен гожтэм кылбуръёсты огазеяз. Бичетын кӧня ке люкет: «Инкуазь сярысь», «Улон сярысь», «Вордскем шаерлэн улон сюресэз», «Серемес чуръёс», «Зечкыланъёс».

 

Кызь ар ӵоже Можга карын Н. С. Байтеряков нимо библиотекаын ужа «Инвис» кылбур клуб. 2016-тӥ арын потӥз ньылетӥез кылбур бичетэз – «Третий понедельник», отчы пыризы тодмо луэм авторъёслэн П. К. Барыкинлэн, С. А. Ветровлэн, Г. А. Гагалевалэн, Л. В. Мельниковалэн, О. И. Рассветовалэн, Г. И. Рыбалколэн, озьы ик егитъёслэн, кутскисьёслэн Полина Дедюхиналэн, Богдан Терентьевлэн, Алина Шадриналэн (соос «Ростки поэзии» нимысьтыз разделэ пыризы) ужъёссы. Егит литераторъёслэн – «Инвистенок» нылпи литературной клублэн ёзчиосызлэн ужъёссы озьы ик пыремын «Волшебное перо» (2016) печатлосэ. Мария Брылева, Ксения Воронина, Мирослав Королев, Софья Тумаева, Елизавета Сергеева гожто асьсэ сюлмаськонъёссы сярысь: асьсэды утчан, школа улон, вордскем шаерез но инкуазез яратон.

 

Со сяна, адӟытонын «Мы вновь сильны и дерзновенны» бичет поттэмын. Отчы пыриськизы Можга ёросысь инвалидъёслэн огазеяськонзылэн ёзчиосыз.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru