Версия для слабовидящих

«“Какая светлая стезя...”. Жизнь и творчество Нелли Миллиор» книгалы презентация

«“Какая светлая стезя...”. Жизнь и творчество Нелли Миллиор» книгалы презентация

6-тӥ южтолэзе 18.00 часэ Нылпиослы но быдэ вуымтэослы элькун людӟетъюртын (Пушкин ульча, 200-тӥ юрт) ортчоз «“Какая светлая стезя...” Жизнь и творчество Нелли Миллиор» (люказ Д. И. Черашняя) книгалы презентация. Сое радъя Йӧскалык лыдӟетъюрт.

 Книга сӥземын Елена Александровна (Нелли) Миллиорлы (1900–1978) – тодосчилы-античниклы, Ленинград кун университетысь но Удмурт кун пединститутысь историяя, грек но латин кылъёсъя дышетӥсьлы (1937–39, 1943–57).

 

Бичетэ пыртэмын солэн биографиезъя материалъёс, дневникъёсысьтыз но тодмо ӟуч тодосчиослы гожтэтъёсысьтыз люкетъёс, эшъёсызлэн, коллегаосызлэн но дышетскисьёслэн тодэ ваёнъёссы, озьы ик тодос статьяос, эссеос, кылбуръёс, веросъёс но нырысьсэ – Вашкала Грециысь улонлы сӥзем «Мечом и словом» роман. Книгаез иллюстрациос чеберъяло – Елена Александровналэн архивысьтыз туспуктэмъёс но рукописьёс.

 

«Какая светлая стезя...» книгалы ним сётӥз Нелли Миллиорлэн кылбурысьтыз нырысетӥ чурез. Со кылбурзэ сӥзиз Азвесь даурысь кылбурчилы, философлы, Баку университетысь дышетӥсезлы Вячеслав Иванович Ивановлы.   

 

Дышетӥсезлэсь Сӥзёнзэ быдэстыса (Вяч. Ивановлэн Е.А.-лы 1925-тӥ арын Бакуысен гожтэм гожтэтысьтыз): «Адямиез яратон но гажан тылдэс вылӥын ӝутыса возе. Со даурлы кулэ…», – Елена Александровна  ассэ быдэстӥз адӟем карымон адями сямен (улонлы но даурлы пумитъяськыса), тросэзлы Ижысь егит эшъёсызлы аслэсьтыз кужмо мылкыдзэ но югытсэ сётыса кельтӥз. Асьсэды Нелли Миллиорлэн дышетскисьёсыз шуись муртъёс –  филологъёс Д. И. Черашняя но Ф. Б. Ажимова, историкъёс Н. Г. Шишкина но Е. Ф. Шумилов, физик С. Р. Сакаева  та сярысь мадёзы пумиськон дыръя. Ӝытэ пыриськисьёслы усьтӥськозы кусыпъёс, кудъёсыз Елена Александровналы луыса, герӟазы пӧртэм вакытъёсысь аспӧртэм адямиосты но кылдытӥзы паськыт лулчеберет контекст, кудӥныз со Ижлэсь омырзэ узырмытӥз 1940-тӥ–1967-тӥ аръёсы.

 

Та книга сярысь вералозы сое кылдытонэ пыриськем муртъёс но – Дора Израилевна Черашняя, Юрий Львович Толкач (ӝытэз нуись), Лия Леонидовна Ермакова.

 

Презентация дыръя тодматскыны луоз «Нелли Миллиор: и не кончается симпосион!» адӟытонэн. Отчы поттозы Е. А. Миллиорлэн дорысьтыз легендалы пӧрмем библиотекаезлэсь пичи люкетсэ, кудзэ уте Йӧскалык лыдӟетъюрт но Е. А. Миллиор сярысь пӧртэм изданиосын печатлам публикациосты.
 

Озьы ик презентацие пыриськозы Удмурт кун университетысь дышетӥсьёс, журналистъёс, издательёс.


Вань мылкыд карисьёсты ӧтиськом.

Пыронэз дунтэк.

Яндекс.Метрика

Возник вопрос?

Будем рады вам помочь
Подробнее