Версия для слабовидящих

«Эно Раудлэн ӟечлы дышетӥсь урокъёсыз»

«Эно Раудлэн ӟечлы дышетӥсь урокъёсыз»

12-тӥ южтолэзёзь Йӧскалык лыдӟетъюртысь кунгожсьӧр кылъёсын литературая ёзэтын (Удмурт урам, 264-тӥ юрт) ужа «Эно Раудлэн ӟечлы дышетӥсь урокъёсыз: эстон писательлэн 90 ар тырмонэзлы» книгаосын адӟытон.

Кин ке но накситралльёс сярысь пичи дыръяз лыдӟытэк кылиз меда? Муфта, Ботинкалюкет но Ӝуй Туш уло адямиос кадь: автоен ворттыло, лавкаосы но кафеосы ветло, нюлэскы пикнике пото, эмъюмниосын эмъясько. Ӝуй Туш инкуазез утён понна дурбасьтэ. Солэн инкуазез утёнлэн кулэлыкез сярысь верамъёсыз авторлэсь, тодмо эстон писательлэсь Эно Раудлэсь (1928–1996) малпанъёссэ шараяло но накситралльёс сярысь книгаослэсь валтӥсь темазэс усьто.

 

Ӝуй Тушлэн прототипез луэ ачиз Эно Рауд, 1930-тӥ аръёсы аслэсьтыз нырысетӥ произведениоссэ Эно Саммальхабе (Эно – Ӝуй Туш) нимын поттылӥз. 1974-тӥ арын накситралльёс сярысь нырысетӥ книга понна со Ганс Христиан Андерсен нимо литературая йӧскалык премиялэн дипломеныз пусъемын вал. (Адӟытонэ та книгалэн кӧня ке изданиосыз поттэмын.)

 

Эно Раудлэн гожъяськон манерез адӟиське капчи серекъям пыр, эсэпез валаса, мултэс дышетыны тыршытэк, уродэз но ӟечез сярысь валэктон сётонын. Таӵе книгаосыз тодмо луизы: «Тыл пеймыталэс карын» («Огонь в затемненном городе»), бадӟым классъёсын дышетскисьёслы повесть, «“Лобась тэркыос” сярысь мадёс» («История с “летающими тарелками”») повестьёсын бичет, «Сипсик» выжыкыл, «Пичи воргоронъёс» («Маленькие мужички») тэшкылиослы книга.

 

Эно Раудлэн эстон литератураез азинтонын эшшо мукетыз бадӟым ужез – со «Калевипоэг» эстон калык эпосэз прозаен пиналъёс понна пересказ. Адӟытонын Э. Раудэн дасям «Калевипоэглэн» 1978-тӥ но 1989-тӥ аръёсы потэм изданиосыз возьматэмын.

 

Эно Раудлэн нылпиослы кылбуръёсыз но веросъёсыз пыризы «Зэмос учыр» (Ижевск : Удмуртия, 2008) книгае. Соосты удмурт кылэ Арво Валтон но Надежда Пчеловодова (азьвыл Йӧскалык библиотекаысь ӧнерчи, али улэ Эстониын) берыктӥзы.

 

Эно Рауд сярысь чебер иллюстрациосын пичи статья пыртэмын «Советская Эстония. Литература. Наука. Искусство» (Таллин : Периодика, 1979) бюллетень-каталоге.

Яндекс.Метрика

Возник вопрос?

Будем рады вам помочь
Подробнее