Версия для слабовидящих

«Бадӟым лыдӟон – 2018: книгаез калыклы ӵектонын интерактив амалъёс»

«Бадӟым лыдӟон – 2018: книгаез калыклы ӵектонын интерактив амалъёс»

1-тӥ южтолэзе «Бадӟым лыдӟон – 2018: книгаез  калыклы ӵектонын интерактив амалъёс» удысэткуспо элькун конкурс кутскоз.

Библиотекаослы «Бадӟым лыдӟон» проектъёсъя элькун конкурс радъяське Йӧскалык библиотекаен, солы Лулчеберетъя но туризмъя министерство юрттэт сётэ. Конкурс арлы быдэ ортчыны кутскиз 2014-тӥ арысен, нош 2017-тӥ арысен пӧртэм удысэтъёсысь (ведомствоосысь) библиотекаос но ӵошатсконэ пырисько.

 

2018-тӥ арын конкурс ортче, библиотекаослэн ужазы выль ӧръёсты азинтон но книгаез калыклы ӵектон ужын интерактив амалъёсты кутон вылысь.

 

Интерактив амалъёсты кутон вачевераськонэз радъяны но азинтыны кулэ каре, нош со ог-огез валаны но валче ужаны юрттэ, со сяна творчествоен вырон мылкыдэз бурдъя.

 

Конкурс возьматоз элькунысь библиотекарьёслэсь тужгес но яркыт малпанъёссэ но творческой инициативаоссэ, лыдӟетъюртъёслэн книгаез но лыдӟонэз вӧлмытон ужазы выль амалъёс пыртоз, егит библиотекарьёслэсь творческой ужамзэс пусъёз, калыкез но библиотекае ветлӥсьёсты книга лыдӟонэз вӧлмытон уже кыскоз.

 

«Бадӟым лыдӟон – 2018» конкурслэн номинациосыз:

  1. «Интерактив классика» – мультимедиа но интернет-технологиосты (классикая интерактив картаосты яке путеводительёсты лэсьтон, фотографиосын но коллажъёсын иллюстрациос кылдытон, вужмем кылъёсты валэктыса, туала лыдӟисьлы текстэз валамон карон) кутыса, ӟуч, кунгожсьӧр но йӧскалык литератураез вӧлмытон.

  2. «Мерлыко вотэсъёсын интерактив амалъёсты кутон» – огинъёсын книгаез но лыдӟонэз вӧлмытон, лыдӟисьёсын кусып возьыса ( валче кариськыса, книгаез иллюстрациосын чебертон; классика вылэ пыкиськыса, сюлэмшугъяськытӥсь юанъёслы валэктон утчан; геройлэсь мынон-ветлонъёссэ учкыса, маршрутъёс кылдытон).

  3. «Книга городын» – книгаез вӧлмытонлы сӥзем объектъёсты, акциосты, ужрадъёсты кар но гурт улонэ пыӵатон. Соосты лыдӟисьёс – проектэ пыриськисьёс мылкыд каремзыя воштыны быгато.

 

Конкурслэн валтӥсь этапез – оргкомитетэ конкурсэ заявка вуттон но интыосын проектъёсты улонэ пыӵатон – 1-тӥ южтолэзьысен 30-тӥ куарусёнозь. Жюри проектъёсты коньывуон ӵоже эскероз. 2018-тӥ арын шуркынмон-толсур толэзе конкурсын вормисьёсты ӟечкылалозы.

 

Конкурсэ ужъёсты ыстоно таӵе адресъя: Ижкар, К. Маркс ульча, 188-тӥ юрт, 120 номеро комната (Йӧскалык лыдӟетъюртысь Лыдӟонъя центр) яке filolog@unatlib.org.ru электрон почтае.

 

Жингыртоно 8-912-446-91-08 (Ирина Николаевна Курс), 8-909-056-13-93 (Марина Ивановна Рябушенко) телефон номеръя.


КОНКУРС СЯРЫСЬ ПОЛОЖЕНИЕ

КУРИСЬКОНЛЭН (ЗАЯВКАЛЭН) ФОРМАЕЗ

ПРОЕКТЛЫ ВАЛЭКТОН

Яндекс.Метрика

Возник вопрос?

Будем рады вам помочь
Подробнее