Версия для слабовидящих

Казимир Малевичлэн 140 ар тырмонэзлы книга адӟытон

Казимир Малевичлэн 140 ар тырмонэзлы книга адӟытон

28-тӥ тулыспалозь Йӧскалык лыдӟетъюртын (Удмурт урам, 264-тӥ юрт) искусствоя литератураен ёзэтын ужа «Авангардлэн поэтикаез. Казимир Малевичлэн 140 ар тырмонэзлы книга адӟытон».

Казимир Северинович Малевич (1879–1935) – ӟуч но совето суредась-авангардист, педагог, искусствоя теоретик, философ, кылдытӥз супрематизмез – выль вакытысь абстрактной искусстволэсь тодметсэ. Малевичлэн дэраосыз ваньзылы тодмо, но куд-огезлы гинэ валамон. Куд-огзэ со кышкатэ, мукетсэ бордаз кыске, куинетӥзэ долкатэ.

 

Поляк выжыысь потэм суредасьлэн улон сюресэз тунсыко но «тӧдьы виштыослы» узыр. Кинъёс ке вордскем арзэ пусъё 1879-тӥ арен, мукетъёсыз 1878-тӥ ар шуо. Казимир Малевич вордскиз 1879-тӥ арын 11 (23) тулыспалэ, пылатэмын 1 (13) южтолэзе Киевысь дун-чылкыт Александрлэн костелаз – та сярысь пусъемын приходской книгаын.

 

Вордӥськем нуналэз 1878-тӥ арын 23-тӥ тулыспалэ шуыса, библиотека 140 арес тырмонэзлы адӟытон дасяз. Соос пӧлын – «Сьӧд квадрат» но «Горд квадрат» – озьы нимасько К. Малевичлэн нырысетӥ кык томез вить томъем люкам сочинениосыз пӧлысь. Та печатлослэн азькылаз А. С. Шацких искусствовед, искусствоосъя историк пусйиз, «Малевичлэн творчествоез асьме лулчеберетэ пырыны кутскиз живопись, графика, архитектон пыр. Табере нош дыр вуиз мастерлэн теоретической ужъёсызлы саклык висъяны». Суредасьлэн творчествоезлэн валтӥсь этапъёсыз возьматэмын И. А. Азизян, А. К. Якимович, Д. В. Сарабьянов, Шарлота Дуглас, Йоуп М. Йоустен искусствоведъёслэн ужъёсазы.

 

Адӟытонэз К. Малевичлэн суредъёсыныз альбомъёс чеберто.

 

0102

Яндекс.Метрика

Возник вопрос?

Будем рады вам помочь
Подробнее